Eng Ram nge kan sawi i ring chhin thei em?— Ni e, leilung paradis-a chantîrtu tûr Pathian Ram a ni. He Ram chanchin hi hriat belh i duh ang em?—

Ram zawng zawng hian lal a nei ṭheuh va. Lal chuan a rama mipuite chungah ro a rêl ṭhîn a ni. Pathian Rama Lal chu tu nge ni, i hria em?— Isua Kriata a ni. Ani chu vânah a awm a. Rei lo têah leia mi zawng zawngte chungah Lal a lo ni thuai ang! Lei puma Isua Lal a nih hunah chuan kan hlim i ring em?—

Kan hlim viau ang! Paradis-ah chuan mite chu an insualin, an indo tawh lo vang a. Mi tinte chu an inhmangaih tawn vek tawh ang. Tumah an dam lovin, an thi tawh lo vang a. Mitdel chuan a hmu thei tawh ang. Bengngawng chuan a hre theiin, kal thei lote pawh chu an tlânin an zuang thei tawh ang. Mi tinte chuan ei tûr tam tak an nei tawh ang. Ramsate chu an inngeihin, mihringte nên pawh an inngeih tawh ang. Mitthite chu an lo nung leh ang a. He brochure-a an chanchin i zir mipa leh hmeichhe tam tak, Rebeki te, Rahabi te, Davida te, leh Elija te chu an lo nung leh ang!  An thawh leh huna anmahni hmuh chu i duh ang em?—

Jehova chuan a hmangaih che a, hlim taka awm tûrin a duh che a ni. A chanchin i zir zawm zêl a, a thu i âwih chuan, paradis mawi takah chuan chatuanin i nung thei ang! Chu chu i duhzâwng a ni em?—