Dʼatrjo reino ra manda kja texe nu Xoñijomꞹ. ¿Gi nee ri pa̱rge pje ma reino nge kʼꞹ ra manda?... Ngeje o Reino e Yose, dya kja ra mezhe ma ra manda kja texe nu Xoñijomꞹ. O Reino e Yose ra tsjaa me rga zøø nu Xoñijomꞹ ngekʼua ra mⱥji rga minji yo ntee. ¿Gi nee ri pa̱rge pje nge kʼo xo ra tsjaa o Reino e Yose?...

Kja yo reino bʼꞹbʼꞹ dʼa ntee kʼꞹ pje pjɇzhi, xiji reykʼꞹ. Kʼe ntee nge kʼꞹ manda kja texe yo jñiñi. Kja o Reino e Yose xo bʼꞹbʼꞹ dʼa ntee kʼꞹ manda. ¿Kjo nge kʼe nteekʼꞹ?... Ngeje e Jesús, angeze bʼꞹbʼꞹ ajensʼe. Dya kja ra mezhe ma ra manda yo ntee kʼo ra nga̱ra̱ kja texe nu Xoñijomꞹ. Pe, ¿ra mⱥji rga mimiji ma ra manda e Jesús?...

¡Ja̱a̱, e Jesús ra manda na joo! Ma ra manda e Jesús kja ne Xoñijomꞹ ra tsjaa me rga zøø texe, yo país dya kja ra jyombʼꞹji chu̱ʼu̱ yo dyaja país. ¡Yo ntee dya kja ra chu̱ji ko in minte! Dya kja ra zødyeji ñe dya kja ra nrru̱ji. Yo ngoro ra søø ra jñanrraji ñe yo ngogo ra søø ra dyⱥrⱥji. Yo dya søø ra nzhodʼꞹjidya, ra søø ra bʼꞹgꞹji, ra søø ra dakꞹji. Texe yo ntee ra mbɇsʼiji na punkjꞹ pje ra ziji. Yo animale dya ra chjamꞹji, ra søø ra eñeji ko angezeji. Pe dya ngextrjokʼo, e Yose ra xosʼꞹ na punkjꞹ ntee kʼo ya nrru̱ji, ra yepe ra mimijiba kja ne Xoñijomꞹ. E Rebeca, e Rahab, e David, e Elías ñe na punkjꞹ ntee ke go nga̱ra̱ji mi jingua ra yepe ra minji. ¿Gi nee ri pa̱ra̱  kʼo nteekʼo ma ra yepe ra minjiba kja ne Xoñijomꞹ?...

E Jehová netsʼe na punkjꞹ, nee ke ri bʼꞹnkʼe na joo ñe ke ri mⱥjⱥ. Dya ri jyɇzi ri xørꞹ o Jñaa angeze ngekʼua ri pjechi pje nee e Yose ke ri tsjage. Tsjage texe kʼo mama angeze. Ma ri tsjagekʼo, søø ri mⱥjⱥ rgi minkʼe kja ne Xoñijomꞹ ma me rga zøø texe yo paa. ¿Gi nee ri minkʼe kja nu Xoñijomꞹ ma me rga jotrjo?...