Uthinganyeka ngwove Vumwene muka vutuli nakwendeka?— Ngocho vene, vunapu Vumwene vwa Njambi. Vumwene vuje vukapwitha kaye koshe kupwa palandaisi. Utonda kulilongetha vyavingi hali ovu Vumwene ndi?—

Vumwene na vumwene vwakala na mwene. Mwene na mwene ayula vanu vaje vakala mulivu lyendi. Iya Mwene wa Vumwene vwa Njambi?— Yesu Kilisitu uje wakala mwilu. Ololo apwa Mwene wa vanu voshe va hano hathi! Yesu mwakapwa Mwene wa hano hathi, uthinganyeka ngwove tukapwa vakuvwahelela ndi?—

Tukapwa vakuvwahelela manene! Mu Palandaisi vanu kuvakalu vindthzita nambe kuya nakulwa. Vanu vakathzema vakwavo vanu. Kukwethi munu akavinja nambe kuthsa. Tupuputwa vakamona, tuthinda matwi vakathziva, cho navaje kuvethi kwenda vakatumbothzoka. Vyakulya vikapwa vyavingi. Tuthitu voshe vakalithzivathana cho vakapwa vavuthamba va vanu. Vaje voshe vanathsi vakathanguka. Vanalume na vanakathzi vaunalilongetha muno mu mbuloshuwa vakulifwa ngwe Lembeka, Lahave, Ndaviti, na Elinja voshe vakathanguka! Utonda kukalimwenavo nga vakathanguka ndi?—

 Yehova wakuthzema cho atonda ngwendi upwe wakuvwahelela. Nga utwalelelaho kulilongetha vya Yehova nakuvipangetha, cho nove ukakala myaka yoshe mu palandaisi yaivwa! Nove mukemwo muutonda kukakala ndi?—