¿Tijmati ajkia itlanauatijkayo tekichiuas ipan nochi Tlaltipaktli?... ToTeotsij iTlanauatijkayo, uan ika ni Tlanauatijkayotl kichiuas se yejyektsi xochimili ipan Tlaltipaktli. ¿Mitspaktiskia tijmatis sekinok tlamantli tlen toTeotsij iTlanauatijkayo?...

Ipan toTeotsij iTlanauatijkayo tekichiuas se tlanauatijketl. Ni tlanauatijketl itstok iluikak. ¿Tijmati ajkia nopa tlanauatijketl?... Jesucristo, uan ya kinnauatis nochi katli itstosej ipan Tlaltipaktli. ¿Timoiljuia tiyolpakisej uan kuali tiitstosej kema Jesús technauatis?...

Kena, tlauel tiyolpakisej. Kema ni Tlaltipaktli mochiuas se xochimili, ayokmo moteuisej uan ayokmo onkas tlauilankayotl, nochi moiknelisej. Amo aka kipias kokolistli yon amo aka mikis. Katli amo tlachiaj, tlachiasej, katli amo tlakakij, tlakakisej, katli amo uelij nejnemij, nejnemisej uan motlalosej. Nochi kipiasej miak tlamantli tlen kikuasej. Tlapialmej ayokmo mosisinisej uan amo tleno techchiuilisej. Nojkia katli miktokej, moyolkuisej. ¿Tijmati ajkia inijuantij nojkia moyolkuisej? Rebeca, Rahab, David, Elías uan sekinok toTeotsij itekipanojkauaj.  ¿Mitspaktiskia tikinitas uan tiitstos ininuaya kema moyolkuisej?...

Jehová tlauel mitsiknelia uan kineki nochipa xiyolpakto. Yeka, nojua ximomachtijto tlen Jehová uan xijchiua tlen ya kineki, kiampa uelis tiitstos nochipa ipan nopa yejyektsi Xochimili. ¿Mitspaktiskia tiitstos ipan Xochimili?...