Amo uejkaua moajsis se tekiuajyot tein taixyekanas itech nochi taltikpak. ¿Tikneki tikmatis katiyejua?... Kemaj, iTekiuajyo Dios. Nejin kichiuas maj nejin taltikpak mokepa se xochital kampa tel kualtsin tinemiskej. ¿Tikuelitaskia okachi tikmatis tein kichiuas nejin Tekiuajyot?...

¿Tikmati toni se tekiuaj? Se akin kipia ueyi tanauatil. Itech iTekiuajyo Dios moajsi se tekiuaj. ¿Tikmati akoni?... ¡Yejua Jesús! Yejua nemi iluikak uan amo uejkaua kinixyekanas nochin akin nemiskej nikan taltikpak. Sayoj ke ¿yeski Jesús se kuali tekiuaj? ¿Tiyolpakiskej keman Jesús taixyekanas nikan taltikpak?...

¡Kemaj! Itech Xochital, amo akin tateuisok. ¡Nochin motasojtaskej se iuan okse! Amo akin kokolispeuas, uan nion akin momikilis. Akin amo tachia, tachias; akin amo ueli takaki, takakis, uan akin amo ueli nejnemi, uelis motalos uan ajkotsikuinis. Nochin kipiaskej miak taman tein kikuaskej. Nochi tapialmej amo moteuiskej uan tejuan uelis iniuan timauiltiskej. Uan okse tamanok: miakej akin momikilijkejya oksepa nemiskej. Nejon kijtosneki ke  Rebeca, Rahab, David, Elías uan oksekin itekitikauan Dios oksepa nemiskej. ¿Tikuelitaskia tikinixmatis?...

Jiova mitsteltasojta uan kineki xiyolpaki. Xikixmati uan xiktakamati tein mitsmachtia. Komo ijkon tikchiua, tinemis nochipaya itech se kualtsin xochital. ¿Tikuelitaskia tinemis itech Xochital?...