Bo sa kaba ta di ki Reino nos ta papiando?— Sí, e Reino di Dios, e Reino ku lo hasi henter mundu un paradeis. Bo ke haña sa mas di e Reino akí?—

Tur reino tin un rei. I e rei ta manda riba e hendenan ku ta biba na su pais. Abo sa ta ken ta e Rei di e Reino di Dios?— Ta Hesukristu. E ta biba den shelu. Djis aki e ta bai bira Rei di tur hende na mundu! Abo ta kere ku nos lo ta kontentu dia Hesus ta Rei di henter mundu?—

Nos lo ta hopi kontentu! Den Paradeis, no ta bai tin guera ni hende lo no bringa ku otro mas. Tur hende lo stima otro. Niun hende lo no bira malu ni muri. Hende siegu lo por mira, hende surdu lo por tende i hende ku no por kana lo por asta kore bula rònt. Tur hende lo tin sufisiente kuminda. Anto bestia lo hunga ku otro i nos tambe lo por hunga ku nan. Hende ku a muri lo biba atrobe. Hopi di e hendenan ku bo a siña di dje den e foyeto akí, manera Rebeka, Rahab, David i  Elías, tambe lo biba bèk! Bo tin gana di topa nan ora nan biba bèk?—

Yehova ta stima bo i e ke pa bo ta felis. Si bo sigui siña tokante Yehova i obedes’é, lo bo por biba pa semper den un paradeis masha bunita mes! Abo ke esei?—