Wajiya Ufumu tuatshigina kuzuelela ba?— Ayi, Ufumu wa Nzambi, Ufumu wene mba ubuisa mavu agasue phaladiso. Watshigina gujiya mene jiatadila Ufumu wene ba?—

Ufumu wagasue wana gukhala nu fumu. Fumu muene, wana gutuameza athu agasue adi mu gifutshi gienji. Wajiya Fumu wa Ufumu wa Nzambi ba?— Jina dienji Yesu Klisto. Wana gukhala gosa mu dilu. Gualeha ndo mba utuameza athu agasue ha mavu! Watangiza egi mba tusuanguluga tangua Yesu mba atuameza mavu agasue?—

Mba tusuanguluka muavula! Mu phaladiso, athu mba aluiko itumba nga ita. Athu agasue mba adizumba. Athu mba akatshiko misongo, mba afiko. Ifofo mba imona, athu afa matshui mba avua, ikata mba ilenga phushi, mba isomboka. Ima yagudia mba ikhala yavula. Shitu jiagasue mba jidisagesako, mba jidivua nu athu. Athu agufua mba azugishiwa. Athu ako tuazuelela mu gamukand’aka gifa Rebeka, Rahaba, Davidi, nu Eliya  mba ajinga luko! Mba usuanguluga guamona tangua mba azugishiwa mu gufua?—

 Yehowa wana guguzumba, wana gutshigina usuanguluge. Gila walandula gulonguga mbimbi ya Yehowa, nu gumunemesa, mba ukhala nu monyo ivo nu ivo mu phaladiso! Yagusuanguluisa ba?—