¿Imamantachus parlashasqanchejta yachankichu?... Arí, Diospa Reinonmanta parlashanchej. Chay reinoqa, Jallpʼantinta uj paraisoman tukuchenqa, chaypitaj kusisqa kausakusun. Chay Reinomanta astawan yachayta, ¿munawajchu?...

Uj reyqa, uj lugarpi tiyakoj runasta kamachin. Diospa Reinonmanta reytaj, cielopi tiyakun. ¿Pichus kasqanta yachankichu?... ¡Arí, Jesús! Payqa, tumpamantawan Jallpʼapi tiyakojkunata kamachenqa. ¿Pay Rey jina kamachishajtin kusisqachu kausakusun?...

Arí, kusisqa kausakusun. Paraisopeqa ni pi maqanakonqachu. Astawanpis purajmanta munanakusun. Ni pi onqonqachu, nitaj wañonqachu. Ciegospis rikonqanku, lojtʼospis chayri joqʼaraspis uyarenqanku. Suchituspis purirenqanku, correnqanku, phinkirenqankutaj. Mikhunapis ashkha kanqa. Animalespis ujllapi kausakonqanku, noqanchejtapis mana imanawasunchu. Chantapis, Diospa ashkha kamachisnin kausarimonqanku, nisunman Rebeca, Rahab, David, Elías ima. ¿Paykunata rejsiyta munawajchu?...

 Jehovaqa mayta munakusunki, kusisqataj kanaykita munan. Paymanta yachakullankipuni, kasukunkitaj chayqa, wiñaypaj kʼacha paraisopi kausakunki. ¿Chay Paraisopi kausakuyta munawajchu wawáy?...