¿Ima reinumanta ʼrimasúysh? ¿Niyta atinquichu?​— Ari, Diuspa Reinunmanta, ima suj gobiernu can. Cá Reinu cutis ashpát suj jardín ina ʼrúaj ʼrin. Chá reinumanta, ¿astaan yachayta gustasunmanchu?​—

Sapa reinu suj rey apin. Y reycka paypa paisninmanta gentét gobernan. Ckam, ¿yachanquichu, pichus Diuspa Reinunmanta Rey can?​— Jesucristu can. Pay cielupi causan. ¡Pay, mana unas, ashpa saanpi tucuycunápaj rey caj ʼrin! Ckam, ¿pensanquichu, ima, Jishu túcuy ashpa saanpi rey cayta chayaptin cusiscka caj ʼríysh?​—

Ancha cusiscka caj ʼríysh, cá ashpa suj jardín ina na ʼruacuptin, gente, ni aicappas péliaj ʼrin, ni guerraman ʼrej ʼrin. Túcuy sujuan sujuan munácoj ʼrincu. Mana ni pipas ónckoj ʼrin, ni huáñoj ʼrin. Mana ckaajcuna, ckáaj ʼrincu, upas uyárej ʼrincu y chackaycuna ima mana marchayta atincu, huairacáchaj ʼrincu y bríncaj ʼrincu. Túcuy ancha ashcát micúypaj ápej ʼrincu. Y uyuas sujuan, sujuan pújllaj ʼrincu y nockáysh uyuasuan pujllayta atisúysh. Picuna huañorancu, cutis causayta átej ʼrincu ¡Ashca ckarismanta y huarmismanta, picunamanta cá folletupi aprenderanqui, Rebeca, Rahab, Elías y Davichu cutis causayta átej ʼrincu! Paycuna cutis causayman voliacuptincuna, ¿paycunata ʼrejsicuyta gustasunmanchu?​—

 Jehová ckamta munasun y pay cusiscka canayquita munan. Si ckam Jehovamanta aprendenqui y payta casucunqui, cá ashpa suj súmaj jardín ina na ʼruacuptin, unáypaj causayta átej ʼrinqui. Ckam, ¿chayta munanquichu?​—