14 PARTI
Mundu intiruibi ali mandacmi tianga
Mundu intiruibimi ali causai tianga. Imasata chi ali causaiga tianga... Diospa Mandana shamushami cai Allpataga gustu causana pistuta ranga. Diospa Mandanamanda mas yachanata munanguichu...
Punda caita yachashun: Mandaccunaga imatata ranaun. Paigunaga caran llactagunata mandanaun. Diospa Mandanaibiga pita mandanga... Jesusmi mandanga. Paiga ahuapachaibi causan. Chasna ashahuas nallami cai mundu intiruta mandai callaringa. Jesusca ali mandac angachu. Cai Allpata mandacpiga cushi causashunzhu...
Gustu Allpaibiga imatata rana munanguima
Indaya. Cai Allpa gustu causana tucucpiga, mana pihuas llactapura macanacungaunachu. Mana imamandas runagunaga piñanacungaunachu. Mana pihuas ungusha huañungaunachu. Mana ricuccunas ricungaunami, mana uyaccunas uyangaunami. Suchugunahuas saltashami callpangauna. Astahuanbas runagunaga ashca micunatami charingauna. Animalgunahuas mana paigunapura macanacungaunachu. Chasna ashcamandami, ñucanchihuas paigunahuan gustuta pugllashun. Chimandas, mana chilla chan. Ashca huañushcagunami
causaringauna. Chasna acpiga, Rebeca, Rahab, David, Elias, shuccunahuas cuti causaringauna. Paigunata ricsinata munanguichu...Jehova canda ashcata llaquishami canda cushi causaita cunata munan. Paimanda yachasha, pai mandashcagunata cadsuna mangui. Chasna rashaga, gustu Allpaibimi huiñai causangui. Chi gustu Allpaibi causanata munanguimachu...