So gindines, pa soste vorbisarasa? (. . .) Pal le Devlesko krajipo, so le intrego phuv paradicsomeske kerela. Kames te zhanes majbut pa kado krajipo? (. . .)

Sakon krajipeske si jekh kraj, kon uralkodil pe manusha. Zhanes, kon si le Devleske krajipesko kraj? (. . .) O Jezush Kristush. Voj ando cheri beshel. Na butara voj avla o kraj pe sakon manusha. So gindines, sostar avasa boldoga, kana o Jezush avla o kraj pe intrego phuv? (. . .)

Zurales boldoga avasa ande nyevi luma! Le manusha chi azbana jekh kaveres, thaj chi avna bare maripe. Sakon manusha kamena jekh kaveres. Khonyik chi avla nasvalo, thaj chi merela. Kon akanak korroj, maj dikhela, kon kashukoj, maj shunela. Kon chi zhanel te phirel, maj phirela, nashela, thaj xuttykerela. Chi avla bokh, avla but xamasko. Le állatura chi azbana khanyikas, thaj shaj khelasa ame lenca. Le mule opre ushtyena. Shaj dikhas bute murshen thaj zhuvlyan, pe kaste aba sityilan ande kadi irka. Shaj maladyuvasa la Rebekasa, la Rahabasa, le Davidesa, thaj le Illeshesa. Tu  kasa kames te maladyos, kana opre ustyel? (. . .)

O Jehova kamel tu, thaj zurales kamel boldogo te aves. Majdur te sityos pal o Jehova, thaj te shunes les, atunchi butaig trajosa ando paradicsomo, thaj chi meres! Kames kade te avel? (. . .)