Na ua tseba hore re bua ka ’Muso ofe?— E, ke ’Muso oa Molimo, ’Muso o tla etsa hore lefatše e be paradeise. Na u ka rata ho ithuta ka ’Muso oo?—

’Muso o mong le o mong o na le morena. Morena eo o busa batho ba naha ea hae. Na ua tseba hore na Morena oa ’Muso oa Molimo ke mang?— Ke Jesu Kreste. O lula leholimong. Haufinyane e tla ba Morena oa batho kaofela ba phelang lefatšeng! Na u nahana hore re tla thaba ha Jesu e se e le Morena oa lefatše lohle?—

Re tla thaba haholo! Paradeiseng batho ha ba sa tla hlola ba loana. Batho bohle ba tla ratana. Ha ho na motho ea tla kula kapa a shoe. Batho ba sa boneng mahlong ba tla bona, ba sa utloeng litsebeng ba tla utloa ’me ba sa khoneng ho tsamaea ba tla khona ho matha le ho tlōla-tlōla. Re tla ba le lijo tse ngata. Liphoofolo li tla utloana ’me le rōna re tla ba metsoalle ea tsona. Batho ba shoeleng ba tla phela hape. Batho ba bangata bao u ithutileng ka bona bukaneng ena ba kang Rebeka, Rahaba, Davida le Elia le bona ba tla  phela hape! Na u ka rata ho kopana le bona ha ba se ba phela hape?—

Jehova oa u rata ’me o batla hore u thabe. Haeba u tsoela pele u ithuta ka Jehova le ho mo mamela, u tla phela ka ho sa feleng paradeiseng e ntle! Na ee ke ntho eo u e batlang?—