I kitẹ sarung měngěndung sěmbaụ Kararatuang. I kau masingkạ Kararatuang apa ene?— Iya, ene kai Kararatuang u Mawu. Kararatuang ini sarung měkoạ Firdaus su dunia ini. Apa i kau mapulu měngěndung kere apa Kararatuang ini?—

Kararatuang niparenta sěngkatau Datu. Datu ene mẹ̌parenta kěbị taumata su Kararatuange. I kau masingkạ i sai Datu su Kararatuang u Mawu?— I sie kai Yesus Kristus. I sie mětẹ̌tanạ su sorga. Seng mal᷊ighạ i sie sarung makoạ Datu, mẹ̌parenta kěbị taumata su dunia! Mạeng si kau kerea, apa i kitẹ sarung mal᷊uasẹ̌ su tempong i Yesus nakoạ Datu su dunia?—

Pěbawiahi kitẹ sarung mal᷊uasẹ̌! Su Firdaus, taumata seng tawe mẹ̌kakoka arau mẹ̌perang. Kěbị taumata masayang sěmbaụ su wal᷊inẹ. Seng tawẹ apa lai taumata masakị arau mate. Taumata wuta sarung makasilo, taumata wengelẹ̌ sarung makaringihẹ̌, apang taumata tawe makaral᷊eng sarung botonge tumal᷊ang dingangu luminsọ. Sarung piạ lawọ kaěng gunang kěbị taumata. Kěbị binatang sarung mědal᷊ahapị, kụ i kitẹ lai botonge měnalang dingangi sire. Taumata nate  saụ měbiahẹ̌. Pirang katau niěndungang i kitẹ su brosur ini lai, kere i Ribka, Rahab, Daud dingangi Elia sarung saụ měbiahẹ̌! Apa i kau mapulu mẹ̌sombang dingangi sire?—

I Yehuwa masayang si kau, i Sie mapulu i kau mal᷊uasẹ̌. Mạeng i kau turusẹ̌ měngěndung dingangu matuhụ si Sie, i kau sarung měbiahẹ̌ kěkalẹ̌ su Firdaus! Apa i kau mapulu mẹ̌tanạ su Firdaus?—