Fanjakà ia izao naho fanta’o?... Fanjakàn’Andrianagnahare. O Fanjakàgne iohoeke ty hagnova ty tane toy ho paradisa. Teà’o vao ty hianatse miomba o Fanjakàgne iohoeke?...

Naho fa atao tihoeke fanjakàgne, le managne mpanjaka. I mpanjakay ty mifehe ze ndaty amy taney ao. Fanta’o vao tie ia ty Mpanjaka ty Fanjakàn’Andrianagnahare?... I Jesosy Kirisity. An-dagnitse agne ty misy aze. Fa kidikidike ty sisa’e, le hanjaka amy ze kila raha ambone tane etoy reke. Mino vao rehe fa hosambatse tikagne naho i Jesosy ty minday ty tane toy iaby?...

Ho sambatse vata’e tikagne. Tsy hisy ndaty hialy sasa ty amy i Paradisay ao. Hifankatea iaby o ndatio. Tsy hisy ndaty harare ndra ho mate ty ao. Ze ndaty goa hahatrea, haharey ze karegnegne sady hilay naho hahavokogne ty ndaty kepeke. Ho maro ty hanegne. Ho mpiragnetse ty ndaty naho ty biby vaho ty sambe biby. Ho velogne indraike o ndaty nimateo. Ho velogne ka ty ila’e amy ty ndaty nianarantikagne tamy ty bokekele toy atoagne. Agnate izay ty Rebeka, Rahaba, Davida naho i Elia. Teà’o vao ty hahatrea iareo naho fa velogne indraike?...

Teà i Jehovah rehe sady teà’e ho sambatse. Naho ihe ro mianatse ty miomba i Jehovah sady mete’e anaragne, le hiaigne tsy misy fara’e amy Paradisay ao. Teà’o vao zay?...