Сен хайсы Патышалык барада айдыляндыгыны билйәрмиң? ~ Бу Худайың Патышалыгы. Ол бүтин ер йүзүни Җеннет эдер. Сен Патышалык барада көпрәк билесиң гелйәрми? ~

Хер бир Патышалыгың патышасы боляр. Патыша өз юрдунда яшаян адамлара ёлбашчылык эдйәр. Сен Худайың Патышалыгының патышасының кимдигини билйәрмиң? ~ Ол Иса Месих. Ол гөкде яшаяр. Тизден ол бүтин ер йүзүнде яшаян әхли адамларың патышасы болар. Сениң пикириңче, Иса бүтин ер йүзүне патыша боланда, биз муңа бегенерисми? ~

Элбетде, биз өрән бегенерис! Җеннетде адамлар бир-бири билен урушмаз, хатда урушмак үчин башга ерлере-де гитмезлер. Адамлар бири-бирини сөйүп яшар. Хич ким кеселлемез ве өлмез. Көрлер гөрер, керлер эшидер, йөрәп билмейән адамлар болса ылгарлар ве бөкерлер. Иймит көп болар. Хайванлар бир-бири билен ойнарлар ве биз хем олар билен ойнарыс. Өлен адамлар дирелер. Шу брошюрада өвренен Ребека, Рахав, Давут, Ыляс ялы көп адамлар хем дирелер! Сен оларың хайсысы билен таншасың гелйәр? ~

 Ехова сени сөййәр ве сениң шадыян болмагыңы ислейәр. Эгер сен Ехова барада өвренмеги ве оңа гулак асмагы довам этсең, овадан Җеннетде эбеди яшарсың! Сениң Җеннетде яшасың гелйәрми? ~