Waswi tiva leswaku hi wihi Mfumu wa kona? — Ina, i Mfumu wa Xikwembu. Mfumu lowu wuta yendla misava hinkwayu yi va ndhawu ya kusaseka. Xana waswi lava kudjondza swin’wana hi Mfumu lowu? —

Mimfumu hinkwayu yi ni hosi. Naswona hosi yi fuma vanhu lavanga ka tiku lolelo. Xana waswi tiva leswaku i mani Hosi ya Mfumu wa Xikwembu? — I Yesu Kreste naswona a hanya matilweni. Kungalikhale ata fuma hinkwavu amisaveni! Uswi vonisa kuyini, xana hita tsaka loko Yesu ata fuma misava hinkwayu? —

Hita tsaka ngopfu! AParadeyisini, vanhu vangahata lwa kumbe va ya nyimpini. Hinkwavu vata rhandzana. Aku na lweyi angata vabyaka kumbe kufa. Lava feke matihlu vata vona, lava feke tindleve vata twa, lavangaswi kotiki ku famba vata tsutsuma ni kutlulatlula. Hinkwavu vatava ni swakudla leswi yeneleke. Naswona swiharhi hinkwaswu swita va vanghanu naswona hita tlanga na swona. Vanhu lava feke vata tlhela va hanya. Vavanuna votala ni vavasati lava u djondzeke ha vona ka broxura leli va ku fana na Rabeka, Rahabi, Davhida na Eliya na vona vata  tlhela va hanya! Xana waswi lava kuva tiva loko va pfuxiwa? —

Yehovha wa kurhandza naswona alava leswaku u tsaka. Loko u hambeta u djondza hi Yehovha ni kumu yingisa, u tahanya hilaha kungaheliki ka ndhawu ya kusaseka ngopfu! Ahi swona leswi uswi lavaka? —