Hainao ino Fanjakan̈a io?... Fanjakan̈any Zan̈ahary. Izio han̈ano tany ty Paradisa. Asa tianao hahay raha maro momba Fanjakan̈any Zan̈ahary io?...

Fanjakan̈a zen̈y misy panjaka ndreky olo indesin̈y. Azovy eky Panjaka amy Fanjakan̈any Zan̈ahary?... Jesosy Kristy. Izy mipetraka andan̈itry an̈y. Tsy ho ela, izy hanjary Panjaka hitondra olo jiaby ambony tany ty! Han̈ano karakory eky fiain̈ana izikoa Jesosy Panjaka mitondra tany ty?...

Atsika ho ravoravo mare amy zen̈y! Tany ty koa fa Paradisa, tsisy olo hiady eky. Olo jiaby hifankatia. Tsisy eky olo marary ndreky maty zen̈y. Olo jamba hahita, olo maren̈iny haharen̈y, baka io olo misy antsa hahavita hilomoay ndreky hitsambokiny. Hanin̈y amy zen̈y ho treka. Biby jiaby tsy hiady ndreky tsy hasiaka eky. Olo naty aby in̈y hivilomin̈y. Amy zen̈y, maro amindro olo aby nianarantsika tamy boky ty ho velon̈o ndraiky, karaha ataony Rebeka, Rahaba, Elia, ndreky Davida! Asa mba tianao hahita iro io?...

 Jehovah ten̈a tia anao. Tiany koa anao ho sambatra. Anao koa manohy mianatra raha momba Jehovah ndreky man̈araka raha volan̈iny, anao ho velon̈o tsisy farany amy paradisa ho avy io! Misora tsara fiain̈ana amy zen̈y, sa karakory?...