¿A wojel wa baʼax reinoil kun gobernartik tuláakal le Luʼumaʼ?... Jach beyoʼ, u Reino Dios. Le Reinoaʼ yaan u beetik u pʼáatal le Luʼum bey junpʼéel paraísoeʼ. ¿A kʼáat wa a kan u maasil tiʼ le Reinoaʼ?...

Yáaxeʼ, ¿a wojel wa baʼax juntúul rey? Juntúul reyeʼ letiʼe máax ku gobernar tiʼ junpʼéel reinooʼ. ¿A wojel wa máax u reyil u Reino Dios?... Jesucristo. Letiʼe tiʼ kajaʼan teʼ kaʼanoʼ. Maʼ kun xáantaleʼ letiʼeʼ yaan u beetik u reyil tu yóokʼol tuláakal le máaxoʼob yanoʼob way Luʼumaʼ. ¿Yaan wa ta tʼaan u yantaltoʼon kiʼimak óolal ken gobernarnak Jesús?...

Jaaj, yaan u yantal. Teʼ Paraísooʼ mix máak kun baʼateʼel mix kun antal guerraʼob. Tuláakal máak ken u yaabilt u yéet máakil. Mix máak kun kʼojaʼantal mix kun kíimil. Le chʼóopoʼoboʼ yaan u kaʼa paakatoʼob, le máaxoʼob kóoktakoʼoboʼ yaan u kaʼa sáasiltal u xiknoʼob, yéetel le máaxoʼob maʼ tu páajtal u xíimbaloʼoboʼ yaan u yáalkaboʼob yéetel u síitʼoʼob. Yaʼab baʼaloʼob kun antal xan utiaʼal jaantbil. Le baʼalcheʼoboʼ maʼ kun baʼateloʼob ichiloʼob yéetel maʼ ken u beetoʼob loob tiʼ mix máak. Le máaxoʼob kimenoʼoboʼ yaan u kaʼa kuxtaloʼob. Teʼ folletoaʼ tsʼoʼok k-kaanbal  tiʼ Rebeca, Rahab, David yéetel Elías, letiʼobeʼ yaan u kaʼa kuxtaloʼob xan. ¿A kʼáat wa a kʼaj óoltoʼob ken kaʼa kuxlakoʼob?...

Jéeobaeʼ u yaabiltmech yéetel u kʼáat ka yanaktech kiʼimak óolal. Wa teech ka seguer a kaanbal tiʼ Jéeoba yéetel ka beetik baʼax uts tu tʼaaneʼ, ¡yaan a kuxtal mantatsʼ tiʼ junpʼéel kiʼichkelem paraíso! ¿Máasaʼ a kʼáat kuxtal xan teʼ Paraísooʼ?...