KAPITE 1
“Ke Hoko Mai Tou Puleʼaga”
1, 2. Kotea ʼae neʼe ui e Sehova neʼe logo ki ai te ʼu apositolo ʼa Sesu, pea neʼe feafeaʼi tanatou tali?
KAPAU la neʼe fakatotonu atu e Sehova ʼAtua he meʼa ke ke fai, ʼe ke tali feafeaʼi anai? ʼE mahino ia, ko he meʼa pe ʼe ina kole atu, ʼe ke lotolelei anai ʼo fai.
2 Neʼe hoko te aluʼaga ʼaia ki te ʼu apositolo ʼe toko tolu ʼa Sesu, ia Petelo, mo Sakopo pea mo Soane, ʼi te hili ʼo te Pasikate ʼo te taʼu 32 H.T.S. (Lau ia Mateo 17:1-5.) Neʼe natou fakatahi mo tonatou Pule ʼi “te mouga maoluga,” pea neʼe natou sisio ki te meʼa ʼae neʼe ha age, neʼe ko Sesu ʼi tona ʼuhiga Hau kua fakakololiaʼi ʼi selo. Neʼe manatu ia Petelo ʼe ko he aluʼaga moʼoni ʼae neʼe sio ki ai, pea neʼe faiga ke kau ki ai. Lolotoga tana palalau, neʼe ʼaofi natou e te ʼao. Pea neʼe logo leva ia Petelo mo ʼona kaumeʼa ki te leʼo ʼo Sehova totonu, ko he faʼahi neʼe hoko ki he tokosiʼi. Hili te fakaha e Sehova ko Sesu ʼe ko tona ʼAlo, neʼe ina ui fakalelei fenei kia natou: “Kotou fakalogo kia ia!” Neʼe mulimuli te kau apositolo ki te fakatotonu ʼaia mai te ʼAtua. Neʼe natou fakalogo ki te ʼu meʼa ʼae neʼe akoʼi age e Sesu, pea mo natou uga te hahaʼi ke natou fai feia mo natou.—Gaue 3:19-23; 4:18-20.
Ko te Puleʼaga, neʼe ko te faʼahi tafitō ʼae neʼe palalau ki ai Sesu
3. He ko ʼe ʼe loto e Sehova ke tou fakalogo ki tona ʼAlo, pea kotea ʼae ʼe lelei ke tou vakavakaʼi?
3 Ko te ʼu palalau ʼaeni: “Kotou fakalogo kia ia!” neʼe tohi ʼi te Tohi-Tapu ke fua lelei kia tatou. (Loma 15:4) Kotea tona tupuʼaga? Koteʼuhi ko Sesu ʼe ko te tagata ʼave folafola ʼa Sehova. Ko te ʼu faʼahi fuli ʼae neʼe ina akoʼi ki te hahaʼi, neʼe ko te ʼu faʼahi ʼaia neʼe loto e tana Tamai ke tou iloʼi. (Soa. 1:1, 14) Neʼe palalau tafitō ia Sesu ʼo ʼuhiga mo te Puleʼaga ʼo te ʼAtua, te puleʼaga Fakamesia ʼae ʼe ʼi selo ʼe faʼufaʼu e Kilisito Sesu mo te toko 144 000 ʼae ka kaugā hau anai mo ia. Koia, ʼe lelei ke tou vakavakaʼi fakalelei ia te faʼahi maʼuhiga ʼaia. (Apk. 5:9, 10; 14:1-3; 20:6) Kaʼe tou haga vakaʼi muʼa pe ko ʼe neʼe palalau tafitō ia Sesu ʼo ʼuhiga mo te Puleʼaga ʼo te ʼAtua.
“E Palalau Te Gutu Mai Te Mahu o Te Loto”
4. Neʼe fakaha feafeaʼi e Sesu ʼe maʼuhiga kia ia te Puleʼaga?
4 ʼE maʼuhiga ʼaupito kia Sesu ia te Puleʼaga. He ko ʼe ʼe tou lava ui ia te faʼahi ʼaia? Koteʼuhi ʼe ha ʼi ʼatatou palalau ia te ʼu meʼa ʼae ʼi totatou loto, peʼe ko te meʼa ʼae ʼe maʼuhiga ʼaupito kia tatou. Mat. 12:34) Neʼe palalau tuʼumaʼu pe ia Sesu ʼo ʼuhiga mo te Puleʼaga. ʼI te ʼu Evaselio ʼe fa, ʼe talanoa tuʼa 100 tupu ki te Puleʼaga, pea neʼe lahi pe tona talanoaʼi e Sesu. Ko te Puleʼaga neʼe ko te faʼahi tafitō ʼae neʼe palalau ki ai Sesu ʼi tana faifakamafola, ʼo ina ui fenei: “E tonu foki ke au fakaha ki te u kolo ake ae te logo lelei o te puleaga o te Atua.” (Luka 4:43) Pea ʼi te hili ʼo tona fakatuʼuake, neʼe haga palalau pe ia Sesu ʼo ʼuhiga mo te Puleʼaga ki ʼana tisipulo. (Gaue 1:3) ʼE mahino ia, neʼe maʼuhiga ʼaupito kia Sesu ia te Puleʼaga, ʼo tupu ai tana fia palalau ki te faʼahi ʼaia.
Neʼe ui fenei e Sesu totonu: “E palalau te gutu mai te mahu o te loto.” (5-7. (1) ʼE tou iloʼi feafeaʼi ʼe maʼuhiga ʼaupito kia Sehova ia te Puleʼaga? Tuku mai he faʼifaʼitaki. (2) ʼE tou lava fakaha feafeaʼi ʼe maʼuhiga kia tatou ia te Puleʼaga?
5 ʼE toe maʼuhiga kia Sehova ia te Puleʼaga. ʼE tou iloʼi feafeaʼi te faʼahi ʼaia? Kei ke manatuʼi, neʼe fekauʼi ifo e Sehova ia tona Alo ʼulutokotahi ki te malamanei, pea ko Sehova ʼae neʼe ina fakaha age ki tona Alo te ʼu meʼa ʼae neʼe tonu ke ina ui pea mo akoʼi. (Soa. 7:16; 12:49, 50) Neʼe toe takitaki e Sehova te ʼu meʼa fuli ʼae neʼe tohi ʼi te ʼu Evaselio ʼe fa ʼo ʼuhiga mo te maʼuli pea mo te minisitelio ʼa Sesu. Kotea ʼae ʼe tou mahino ai?
ʼE tonu ke tou fai takitokotahi ia te fehuʼi ʼaeni: “ ʼE maʼuhiga koa kia au ia te Puleʼaga ʼo te ʼAtua?”
6 Tou toʼo he faʼifaʼitaki: Ohage la ʼe ke ʼai ni pakī ki te tanakiʼaga pakī fakafamili. ʼE lahi te ʼu pakī kaʼe ʼe mole feala ke ke ʼai fuli. Kotea ʼae ʼe tonu ke ke fai? ʼE tonu ke ke filifili te ʼu pakī ʼae ka ke ʼai ki ai. Ohage ko he meʼa faʼo pakī, ʼe fakaha ʼi te ʼu Evaselio te ʼulugaaga ʼo Sesu. Neʼe mole takitaki e Sehova ia te ʼu tagata faitohi Evaselio ke natou tohi ia meʼa fuli pe neʼe ui pea mo fai e Sesu ʼi tana kei maʼuli ʼi te kele. (Soa. 20:30; 21:25) Kaʼe ko te laumalie ʼo Sehova ʼae neʼe ina takitaki natou ke natou tohi te ʼu akonaki mo te ʼu gaue, ʼae ka tokoni mai ke tou mahino ki te tupuʼaga ʼo te minisitelio ʼa Sesu pea mo te faʼahi ʼae ʼe maʼuhiga ʼaupito kia Sehova. (2 Tim. 3:16, 17; 2 Pet. 1:21) Mai tona aluʼaga ʼae ʼe lahi te ʼu akonaki neʼe fai e Sesu ʼo ʼuhiga mo te Puleʼaga ʼo te ʼAtua ʼe tou maʼu ʼi te ʼu Evaselio, ʼe feala ai ke tou ui ʼe maʼuhiga ʼaupito kia Sehova ia te Puleʼaga. ʼE loto ʼe Sehova ke tou iloʼi pe kotea te Puleʼaga ʼaia!
7 ʼE tonu ke tou fai takitokotahi ia te fehuʼi ʼaeni: “ ʼE maʼuhiga koa kia au ia te Puleʼaga ʼo te ʼAtua?” Kapau koia, ʼe tou fia fakalogo anai ki te ʼu meʼa ʼae neʼe ui pea mo akoʼi e Sesu ʼo ʼuhiga mo te Puleʼaga, te maʼuhiga ʼo te Puleʼaga ʼaia, pea ʼe hoko feafeaʼi mai anai pea ʼi te temi fea.
“Ke Hoko Mai Tou Puleʼaga”—ʼE Hoko Feafeaʼi Anai?
8. Neʼe fakaha fakanounou feafeaʼi e Sesu ia te maʼuhiga ʼo te Puleʼaga?
8 Tou vakaʼi te faikole ʼo te Tamai ʼe ʼi selo. ʼAki ni palalau faigafua, neʼe fakaha fakanounou e Sesu ia te maʼuhiga ʼo te Puleʼaga, ʼaki tana talanoa ki te ʼu gaue ʼae ka fai anai e te Puleʼaga ʼaia. ʼE tou kole ia faʼahi ʼe fitu ʼi te faikole ʼaia. Ko te ʼu ʼuluaki faʼahi ʼaeni ʼe tolu pea ʼe fakaʼuhiga ki te ʼu fakatuʼutuʼu ʼa Sehova: “Ko tamatou Tamai ʼe ʼi selo, ke tapuha tou huafa. Ke hoko mai tou Mat. 6:9, 10, MN) ʼE ʼi ai te pikipikiga ʼo te ʼu faʼahi ʼaia ʼe tolu. ʼE fakaʼaogaʼi anai e Sehova ia te Puleʼaga Fakamesia moʼo fakatapuha tona huafa pea mo fai ia tona finegalo.
Puleʼaga. Ke fai tou finegalo ʼi te kele, ohage ko selo.” (9, 10. (1) ʼE hoko feafeaʼi mai anai ia te Puleʼaga ʼo te ʼAtua? (2) Kotea la he fakapapau ʼi te Tohi-Tapu ʼe ke fia sio anai ki tona fakahoko?
9 ʼE hoko feafeaʼi mai anai ia te Puleʼaga ʼo te ʼAtua? Ka tou kole “Ke hoko mai tou Puleʼaga,” ʼe tou kole ke fai e te Puleʼaga ni puleʼaki. Ka hoko mai te Puleʼaga, ʼe ina puleʼi anai ia te kele katoa. ʼE ina fakaʼauha anai te tuʼu agakovi ʼaeni, ʼo kau ai te ʼu puleʼaga fakatagata, pea mo ina fakatuʼu leva ia te malama foʼou mo faitotonu. (Tan. 2:44; 2 Pet. 3:13) Neʼe ui fenei e Sesu ki te tagata faifakapo: “ ʼE ke ʼi te Palatiso anai mo au.” Koia, ʼi te pule ʼo te Puleʼaga, ʼe liliu anai te kele katoa ko he palatiso. (Luka 23:43, MN) Ko natou ʼae ka manatuʼi anai e te ʼAtua, ʼe fakatuʼuake pea mo toe fakatahi anai mo natou ʼae ʼe ʼoʼofa ai. (Soa. 5:28, 29) ʼE kaku anai te hahaʼi fakalogo ki te haohaoa pea mo natou maʼuʼuli anai ʼo heʼe gata. (Apk. 21:3-5) ʼE fai anai te finegalo ʼo Sehova ʼAtua ʼi te kele ohage ko selo! ʼE ke fia sio koa ki te fakahoko ʼo te ʼu fakapapau ʼaia ʼe tuʼu ʼi te Tohi-Tapu? Ke ke manatuʼi, ʼi te temi ʼae ʼe ke kole ai ke hoko mai te Puleʼaga ʼo te ʼAtua, ʼe ke kole ai ke hoko te ʼu fakapapau taulekaleka ʼaia.
10 ʼE mahino ia heʼeki hoko mai te Puleʼaga ʼo te ʼAtua moʼo fakahoko te faikole ʼaia. ʼE kei pule pe te ʼu puleʼaga fakatagata pea heʼeki fakatuʼu ia te malama foʼou pea mo faitotonu. Kaʼe ʼe ʼi ai te logo lelei. Kua fakatuʼu ia te Puleʼaga ʼo te ʼAtua, ohage ko te faʼahi ʼae ka tou vakaʼi anai ʼi te kapite ʼae ka hoa mai. Kaʼe tou vakaʼi muʼa pe kotea ʼae neʼe ui e Sesu ʼo ʼuhiga mo te temi ʼae neʼe tonu ke fakatuʼu ai te Puleʼaga ʼi selo pea mo te temi ʼae ka hoko mai ai.
Ko Te Temi Fea ʼAe Neʼe Tonu Ke Fakatuʼu Ai Te Puleʼaga ʼo Te ʼAtua?
11. Kotea ʼae neʼe fakaha e Sesu ʼo ʼuhiga mo te temi ʼae neʼe fakatuʼu ai te Puleʼaga ʼo te ʼAtua?
11 Neʼe fakaha e Sesu neʼe mole fakatuʼu ia te Puleʼaga ʼi tona temi, logo la te fakaʼamu ʼa ʼihi ʼi ʼana tisipulo. (Gaue 1:6) Tou vakaʼi te ʼu lea fakata kehekehe ʼe lua. Neʼe ina fai te ʼuluaki lea fakata ʼi te taʼu 31 H.T.S., pea mo te lua ʼi te taʼu 33 H.T.S.
12. ʼE fakaha feafeaʼi ʼi te lea fakata ʼo te fulumeto mo te vao kovi neʼe mole fakatuʼu te Puleʼaga ʼi te temi ʼo Sesu?
12 Te lea fakata ʼo te fulumeto mo te vao kovi. (Lau ia Mateo 13:24-30.) Hili tana fakamatala ia te lea fakata ʼaia, lagi ʼi te fasiga taʼu matalā ʼo te taʼu 31 H.T.S., neʼe fakamahino e Sesu ki ʼana tisipulo tona fakaʼuhiga. (Mat. 13:36-43) Koʼeni te ʼu puani tafitō ʼo te lea fakata ʼaia pea mo ʼonatou fakaʼuhiga: Hili te mate ʼo te kau apositolo, neʼe nunusi e te Tiapolo te vao kovi (te kau Kilisitiano loi) ʼi te lotolotoiga ʼo te fulumeto (‘te ʼu foha ʼo te Puleʼaga’ peʼe ko te kau Kilisitiano fakanofo). Neʼe hohomo fakatahi te fulumeto mo te vao kovi ʼo kaku ki te temi ʼo te taʼukai, ʼae ʼe ko “te fakaosi o te malamanei.” ʼI te kua kamata ʼo te taʼukai, ʼe tanaki ia te vao kovi, pea hoki tanaki leva ia te fulumeto. Koia, ʼe fakaha mai ʼi te lea fakata ʼaia, neʼe mole fakatuʼu ia te Puleʼaga ʼi te temi ʼo Sesu, kaʼe ʼi te temi ʼae kua matutuʼa ai te fulumeto mo te vao kovi. ʼO mulimuli ki te ʼu meʼa ʼae neʼe hoko, ʼi te temi ʼae neʼe matutuʼa ai te fulumeto mo te vao kovi, neʼe kamata ai leva te taʼukai ʼi te taʼu 1914.
13. Kotea ia te lea fakata ʼae neʼe fakamatala e Sesu moʼo fakamahino ʼe mole fakanofo atu aipe ia ia ko te Hau Mesianike ʼi te temi ʼae ʼe toe liliu ai ki selo?
13 Te lea fakata ʼo te ʼu foʼi mine. (Lau ia Luka 19:11-13.) Hili ki ai teitei taʼu ʼe lua, ʼi te taʼu 33 H.T.S., neʼe fakamatala e Sesu te lea fakata ʼaeni ʼi tana lolotoga hake fakamuli ʼae ki Selusalemi. Ko ʼihi ʼae neʼe fagono kia te ia neʼe natou manatu ʼe ina fakatuʼu anai te Puleʼaga moka natou tau atu aipe ki Selusalemi. Moʼo fakatonutonuʼi ia te manatu ʼaia pea mo fakaha ʼe fakatuʼu anai te Puleʼaga fualoa ki muli age, neʼe fakata e Sesu ia ia ki “he tagata aliki” neʼe alu “ki he fenua mamao . . . ke fakanofo ia ke hau.” * Ko te “fenua mamao” ʼae neʼe alu ki ai ia Sesu neʼe ko selo, ʼae neʼe fakanofo Hau ai e tana Tamai. Kaʼe neʼe iloʼi e Sesu ʼe mole fakanofo atu aipe ia ia ko te Hau Fakamesia ʼi te temi ʼae ʼe toe liliu ai ki selo. Neʼe tonu ke heka ʼi te toʼo mataʼu ʼo te ʼAtua pea mo fakaʼatalitali ki te temi ʼae kua fakakatofa. Pea neʼe lau ʼi taʼu tona fakaʼatalitali ʼaia.—Pes. 110:1, 2; Mat. 22:43, 44; Hep. 10:12, 13.
Ko ʼAfea ʼAe Ka Hoko Mai Anai Te Puleʼaga ʼo Te ʼAtua?
14. (1) Kotea te tali ʼa Sesu ki te fehuʼi ʼae neʼe fai age e te toko fa ʼo tana kau apositolo? (2) ʼAki te fakahoko ʼo te lea fakapolofeta ʼa Sesu, kotea ʼae ʼe tou mahino ki ai ʼo ʼuhiga mo tana ʼi heni pea mo te fakatuʼu ʼo te Puleʼaga?
14 ʼI ni ʼaho ʼi muʼa ʼo te mate ʼa Sesu, ko te toko fa ʼo tana kau apositolo neʼe natou fehuʼi fenei age kia te ia: “Kotea anai te fakailoga Mat. 24:3; Mko. 13:4) Neʼe tali e Sesu ʼo ina fakamatala age te lea fakapolofeta ʼe tuʼu ia Mateo kapite 24 mo te 25. Neʼe talanoa ia Sesu ki he ʼu aluʼaga kehekehe ka hoko ʼi te kele katoa, ko te fakaʼiloga ʼaia ʼo tana ʼi heni. ʼE to tahi te temi ʼae ʼe kamata ai tana ʼi heni pea mo te fakatuʼu ʼo te Puleʼaga, ʼo toe feia mo te ikuʼaga ʼo tana ʼi heni mo te hoko mai ʼo te Puleʼaga. ʼE lahi te ʼu fakamoʼoni ʼe fakaha ai neʼe kamata hoko te lea fakapolofeta ʼaia ʼa Sesu ʼi te taʼu 1914. * Koia, ʼi te taʼu ʼaia neʼe kamata ai te ʼi heni ʼa Sesu pea neʼe fakatuʼu ai te Puleʼaga.
o tau [“ ʼi heni,” MN] pea mo te fakaosi o te malamanei?” (15, 16. Ko ai ‘te taʼiake ʼaia’ ʼae neʼe talanoa ki ai ia Sesu?
15 Pea ko ʼafea leva ʼae ʼe hoko mai anai te Puleʼaga ʼo te ʼAtua? Neʼe mole fakaha e Sesu tona ʼaho. (Mat. 24:36) Kaʼe neʼe ina fakaha he faʼahi ʼe tou iloʼi papau ai kua ovi mai. Neʼe ui e Sesu ʼe hoko mai anai te Puleʼaga hili te sio ʼa ‘te taʼiake ʼaiaʼ ki te hoko ʼo te fakaʼiloga ʼae neʼe fakakikite. (Lau ia Mateo 24:32-34.) Ko ai ‘te taʼiake ʼaiaʼ? Tou vakavakaʼi fakalelei ia te ʼu palalau ʼa Sesu.
16 ‘Te taʼiake ʼaia.ʼ Neʼe manatu koa ia Sesu ki te hahaʼi ʼae ʼe mole tui? Kailoa ia. Tou vakaʼi pe ko ai ʼae neʼe nofo mo Sesu ʼi tana fai te ʼu palalau ʼaia. Neʼe fakamatala e Sesu te lea fakapolofeta ʼaia ki ʼihi ʼo tana kau apositolo, ʼae “nee omai ateaina” kia te ia. (Mat. 24:3) Neʼe fakanofo ki muli age te kau apositolo ʼaki te laumalie maʼoniʼoni. Tou toe tokagaʼi mo te ʼu vaega ki muʼa atu. ʼI muʼa ʼo tana talanoa ki ‘te taʼiake ʼaia,ʼ neʼe ui fenei e Sesu: “Kotou ako mai te folafola fakatata o te fuu fiki. Ka kamata malulu ona vaa, pea mo hohomo ona lau, e kotou iloi kua ovi mai te temi vevela. Pea e fena foki, moka kotou sisio anai ki te u mea fuli aia, ke kotou iloi kua ovi mai te Foha o te tagata, i te matapa.” ʼE ko te kau tisipulo fakanofo ʼa Sesu, kaʼe mole ko te hahaʼi ʼae ʼe mole tui, ʼae ka natou sisio ki te ʼu meʼa ʼae neʼe ina fakakikite pea mo mahino ai ko Sesu “kua ovi mai . . . i te matapa.” Koia, ko te ‘taʼiake ʼaiaʼ ʼae neʼe talanoa ki ai ia Sesu neʼe ko ʼana tisipulo fakanofo.
17. Kotea te fakaʼuhiga ʼo te “taʼiake” pea mo “te ʼu meʼa fuli ʼaia”?
17 ‘ ʼE mole puli anai te taʼiake ʼaeni, kaʼe heʼeki hoko te ʼu meʼa fuli ʼaia.ʼ ʼE hoko feafeaʼi anai te ʼu palalau ʼaia? Moʼo tali ki ai, ʼe tonu ke tou iloʼi ia faʼahi ʼe lua: Ko ai te “taʼiake” pea kotea “te ʼu meʼa fuli ʼaia.” ʼI te Tohi-Tapu, ko te kupu “taʼiake” ʼe tau fakaʼuhiga ki he hahaʼi ʼe kehekehe ʼonatou taʼu kaʼe ʼe natou maʼuʼuli tahi ʼi he temi ʼo te hisitolia; pea ko te temi ʼaia ʼe mole loaloaga fau, pea ʼe ʼi ai tona gataʼaga. (Eke. 1:6) Pea ko “te ʼu meʼa fuli ʼaia” ʼe fakaʼuhiga ki te ʼu aluʼaga fuli ʼae neʼe fakakikite ka hoko ʼi te ʼi heni ʼa Sesu, ʼae neʼe kamata ʼi te taʼu 1914 ʼo kaku ki tona ikuʼaga ʼi te “mamahi lahi.”—Mat. 24:21.
18, 19. ʼE tonu ke tou mahino feafeaʼi ki te kupu “taʼiake” ʼi te ʼu palalau ʼa Sesu, pea kotea ʼae ʼe feala ke tou ui ʼi tatatou mahino ʼaia?
18 Koia, ʼe tonu ke tou mahino feafeaʼi ki te kupu “taʼiake” ʼi te ʼu palalau ʼa Sesu? Ko te taʼiake ʼaia ʼe ko kutuga Kilisitiano fakanofo ʼe lua ʼe natou maʼuʼuli tahi ʼi he temi, ko te ʼuluaki kutuga, ko te kau Kilisitiano fakanofo ʼae neʼe natou sisio ki te kamata *
hoko ʼo te fakaʼiloga ʼi te taʼu 1914, pea ko te lua kutuga, ko te kau Kilisitiano fakanofo ʼae neʼe natou maʼuʼuli tahi ʼi he kiʼi temi mo natou ʼo te kutuga ʼuluaki. Pea ko ʼihi ʼi te lua kutuga ʼe natou sisio anai ki te kamata ʼo te mamahi lahi. ʼE faʼufaʼu e te ʼu kutuga ʼaia ʼe lua he taʼiake, he ʼe ko te kau Kilisitiano fakanofo ʼaia neʼe natou maʼuʼuli tahi lolotoga he kiʼi temi.19 Kotea ʼae ʼe feala ke tou ui ʼi tatatou mahino ʼaia? ʼE tou iloʼi ko te fakaʼiloga ʼo te ʼi heni ʼa Sesu ʼi te malohi ʼo te Puleʼaga kua hoko ia ʼi te kele katoa. ʼE tou toe tokagaʼi foki ko te kau fakanofo ʼae ʼe kei maʼuʼuli pea mo natou kau ki ‘te taʼiake ʼaiaʼ kua matuʼatuʼa; kaʼe ʼe mole natou mamate fuli anai ʼi muʼa ʼo te kamata ʼo te mamahi lahi. Koia, ʼe feala ai ke tou ui kua vave hoko mai pe te Puleʼaga ʼo te ʼAtua pea mo pule ki te kele! ʼI meʼa fakafiafia lahi foki moka tou sisio anai ki te fakahoko ʼo te faikole ʼae neʼe akoʼi mai e Sesu: “Ke hoko mai tou Puleʼaga”!
20. Kotea te ʼu faʼahi tafitō ʼae ka tou vakaʼi anai ʼi te tohi ʼaeni? Kotea ʼae ka tou fakamatala anai ʼi te kapite ʼae ka hoa mai?
20 Tou manatuʼi tuʼumaʼu te ʼu palalau ʼae neʼe fai e Sehova totonu mai te lagi ʼo ʼuhiga mo tona ʼAlo: “Kotou fakalogo kia ia!” ʼI totatou ʼuhiga kau Kilisitiano moʼoni, ʼe tou fia fakalogo ki te fakatotonu ʼaia mai te ʼAtua. ʼE tou fia mahino kia meʼa fuli neʼe ui pea mo akoʼi e Sesu ʼo ʼuhiga mo te Puleʼaga ʼo te ʼAtua. ʼE tou vakaʼi tafitō anai ʼi te tohi ʼaeni te ʼu gaue ʼae kua ʼosi fai e te Puleʼaga ʼaia pea mo ʼae ka ina fai anai ʼi te ka haʼu. ʼI te kapite ʼae ka hoa mai, ʼe tou fakamatala anai te ʼu aluʼaga ʼae neʼe hoko ʼi te temi ʼae neʼe fakatuʼu ai te Puleʼaga ʼo te ʼAtua ʼi selo.
^ pal. 13 Ko natou ʼae neʼe fagono ki te lea fakata ʼa Sesu, neʼe lagi natou manatuʼi ai ia Akelausi, te foha ʼo Helote Lahi. ʼI muʼa ʼo te mate ʼa Helote, neʼe ina hinoʼi ia Akelausi ke pule ʼi Suta mo te tahi ʼu potu fenua. Kaʼe ke feala kia Akelausi ke ʼafio hau, neʼe tonu muʼa ia ke faifagona mamaʼo, ʼo alu ki Loma ke ina maʼu ai te fakafealagia ʼo Sesale Aukusito.
^ pal. 14 Kapau ʼe ke fia maʼu he tahi ʼu fakamahino, vakaʼi te kapite 9 ʼo te tohi Koteā ʼAē ʼe Akoʼi Moʼoni Mai ʼi Te Tohi-Tapu?