1, 2. Yezu tun kɔnna ka baaraba juman lo kofɔ? O be ɲiningali juman lo lawuli?

 POLITIKI MƆGƆW man teli k’u ka layiduw dafa. Hali minw be ni ŋaniya ɲuman ye, a be se ka kɛ k’u tɛ se k’u ka layiduw dafa. Nka Masacɛ Masiya, o min ye Yezu Krista ye, ale tɛ komi o politiki ɲɛmɔgɔw. Ale b’a ka layiduw bɛɛ dafa.

² Yezu siginin kɔ Masaya la saan 1914, a tun labɛnnin lo ka kiraya kuma dɔ dafa a tun y’o min fɔ kabi saan waa kelen ni kɛmɛ kɔnɔntɔn. Dɔɔni ka kɔn a ka saya ɲɛ, Yezu tun y’a fɔ ko: “Ala ka [Masaya] kibaru diman bena fɔ diɲɛ yɔrɔ bɛɛ la.” (Mat. 24:14). O kumaw dafali ani tagamasiɲɛ wɛrɛw tun bena a yira ko Yezu be masaya la. Nka, Masacɛ tun bena se ka mɔgɔ caamanba lajɛn cogo di minw bena sɔn k’u yɛrɛ di ka waajuli kɛ? An do b’a lɔn ko an be laban loonw lo la. Mɔgɔw be miiri u yɛrɛ nafa dɔrɔn lo la, u t’u mɔgɔɲɔgɔn kanu ani Alakow man di u ye (Mat. 24:12; 2 Tim. 3:1-5). O ɲiningali ka jaabili kɔrɔtanin lo sabu a ɲɛsinna kerecɛn sɔbɛw bɛɛ ma.

3. Yezu y’a yira ko a lanin be mun lo la? Mun na a tun lanin b’o la?

³ An ka segi Yezu ka kiraya kuma kan. A ko kibaro diiman “bena fɔ.” O b’a yira ko a tun lanin b’a la ko laban loonw na, mɔgɔ dɔw tun bena sɔn k’u yɛrɛ di ka kibaro diiman fɔ. Mun na Yezu tun lanin b’o la? A tun lanin b’o la sabu a tugura a Faa ka ɲɛyirali kɔ (Zan 12:45; 14:9). K’a to sankolo la, a y’a ye ko Jehova tun lanin b’a la ko a sagokɛlaw bena yɛrɛ di k’a sago kɛ ni diyanye ye. An k’a filɛ Jehova y’o yira cogo min na.

4. Jehova y’a ɲini Israɛldenw fɛ u ka dɛmɛ don baara juman lo la? U ye mun lo kɛ do?

⁴ I hakili to a la min kɛra tuma min na Jehova y’a fɔ Musa ye ko a ka fanibugu lɔ. Israɛldenw tun bena Jehova bato o yɔrɔ lo la. Jehova tɛmɛna Musa fɛ k’a fɔ jama ye ko u ka dɛmɛ don o lɔli baara la. Musa y’a fɔ u ye ko: “Aw ka dɔ bɔ aw bololafɛnw na k’a di Masaba ma. Mɔgɔ o mɔgɔ dusu ka di o kɛli la, o tigi ka na o di Masaba ma.” Mun lo  sɔrɔla o la? “Jama tora ka na n’u diyanaboɲafɛnw ye sɔgɔma o sɔgɔma.” U ye nili kɛ caaman fɔɔ Musa ye cii di ko “mɔgɔ si kana na ni foyi ye tugu”! (Ɛkiz. 35:5; 36:3, 6). Israɛldenw y’a yira ko joo tun be Jehova fɛ ka la u la.

5, 6. Ka kɛɲɛ ni Zaburuw 110:1-3 ka fɔta ye, Jehova ni Yezu jigi tun b’a la ko Ala sagokɛlaw bena mun lo kɛ laban loonw na?

⁵ Yala Jehova jigi tun b’a la ka mɔgɔw sɔrɔ laban loonw na fana minw bena sɔn k’u yɛrɛ di ka baara kɛ ale ye wa? Ɔnhɔn! Hakili senu barika la, Dawuda y’a sɛbɛ koo min tun bena kɛ Masiya siginin kɔ masaya la. Jehova y’o koo yira Dawuda la saan 1 000 ni kɔ sanni Yezu ka na dugukolo kan (Zaburuw 110:1, 2, 3 kalan). a A y’a fɔ ko ni Yezu sigira masaya la kura ye, a bena kɛ ni juguw ye minw ben’a kɛlɛ. Nka, a ko jamakuluba dɔ, hali kanbelew ni sunguruw yɛrɛ, bena u yɛrɛ di ni diyanye k’a dɛmɛ, u bena caya kosɔbɛ i ko sɔgɔmada joona ngomiji. b

⁶ Kiraya kuma min be sɔrɔ Zaburuw 110nan kɔnɔ, Yezu tun b’a lɔn k’o ɲɛsinna ale lo ma (Mat. 22:42-45). O kama, a tun lanin b’a la ko mɔgɔ kantigi dɔw tun bena sɔn k’u yɛrɛ di ka kibaro diiman fɔ dugukolo kuru bɛɛ kan. Tarikikow be mun lo yira? Laban loon nunu na, yala Masacɛ Yezu sera ka jamakuluba lajɛn minw sɔnna k’u yɛrɛ di ka waajuli kɛ wa?

7. Yezu siginin kɔ masaya la, a ye mun lo kɛ walisa k’a ka kalandenw labɛn baaraba dɔ kama?

⁷ Dɔɔni Yezu siginin kɔ masaya la, a y’a jija k’a ka kalandenw labɛn baaraba dɔ kama min tun b’u kɔnɔna. I ko an y’a ye sapitiri 2nan na cogo min na, Yezu y’a ka kalandenw sɛgɛsɛgɛ ani k’u saniya. O daminɛna saan 1914 ka taga se saan 1919 daminɛ na (Mal. 3:1-4). O kɔ saan 1919, Yezu ye jɔncɛ kantigiman sigi walisa a k’a ka  kalandenw ɲɛminɛ (Mat. 24:45). Kabi o wagati, o jɔncɛ y’a daminɛ ka dumuni di Ala sagokɛlaw ma Alako ta fan fɛ. A b’o kɛ lajɛnbaw ka kalanw ani an ka sɛbɛw sababu fɛ. A y’a yira ka gwɛ ko kerecɛn kelen kelen bɛɛ ka kunkanbaara lo ka waajuli kɛ.

8-10. Lajɛnbaw ye mɔgɔw jija cogo di u ka waajuli kɛ? Ɲɛyirali dɔ fɔ. (Koorilen nin fana lajɛ: “ Lajɛnba minw ye balimaw jija u ka waajuli kɛ.”)

⁸ Lajɛnbaw ka kalanw. Bibulu Kalandenw tun kɔrɔtɔnin lo ka cikanw sɔrɔ. O kama, saan 1919, sɛtanburu tile 1-8, u ye lajɛnba dɔ kɛ Sedar Puwɛn, Oyo mara la, Etazini. O tun y’u ka lajɛnba kɛrɛnkɛrɛnnin fɔlɔ ye kɛlɛba fɔlɔ bannin kɔ. O lajɛnba loon 2nan na, balimacɛ Rutherford ye kalan dɔ kɛ o min na a y’a fɔ lamɛnnikɛlaw ye ko: “Kerecɛn ka kunkanbaara ye min ye dugukolo kan, . . . o ye ka kibaro diiman fɔ Matigi ka Masaya koo la.”

⁹ O lajɛnba tile 5nan na, kooba dɔ kɛra. Balimacɛ Rutherford ye kalan dɔ kɛ o min kuun tun ye ko: “Kalan, ka ɲɛsin n’ baarakɛɲɔgɔnw ma.” Kɔfɛ, u segira o kalan kan Kɔrɔsili Sangaso ka barokun dɔ kɔnɔ min kuun tun ko: “Aw ka Masaya kofɔ.” A tun fɔra o Kɔrɔsili Sangaso kɔnɔ ko: “Wagati gwɛlɛw na, kerecɛn b’a yɛrɛ ɲininga ko: ‘Mun na n’ be dugukolo kan?’ Ani, a ka jaabili ka ɲi ka kɛ ko: Ala ye nɛɛma kɛ n’ ye ka n’ kɛ a ka lasigiden ye walisa n’ ka kibaro diiman fɔ k’ale ni mɔgɔw cɛ bɛn. Nɛɛma ni kunkanbaara lo n’ fɛ k’o kibaro diiman fɔ.”

¹⁰ Balimacɛ Rutherford ka kalan na, a y’a fɔ ko zurunali dɔ bena to ka bɔ min tɔgɔ ko L’Âge d’Or (sisan Réveillez-vous ! ). A ko o zurunali bena mɔgɔw dɛmɛ u k’a faamu ko Ala ka Masaya dɔrɔn lo be se ka adamadenw ka gwɛlɛyaw ɲɛnabɔ. O kɔ, balimacɛ Rutherford ye ɲiningali kɛ ko jɔn lo b’a fɛ ka dɛmɛ don k’o zurunali tilan tilan? Rapɔɔri dɔ b’a ɲɛfɔ ko: “Mɔgɔ 6 000 minw tun be yen, u bɛɛ wulila ka lɔ walisa k’a yira k’u b’a fɛ ka dɛmɛ don k’o sɛbɛw jɛnsɛn. O tun ye kabako ye dɛ!” c Siga t’a la, Masacɛ ye mɔgɔw sɔrɔ minw sɔnna k’u yɛrɛ di ka Masaya kibaro diiman fɔ n’u dusu bɛɛ ye!

11, 12. Yezu tun ye baara min kofɔ, saan 1920 Kɔrɔsili Sangaso ye mun lo fɔ a kɛwagati koo la?

¹¹ An ka sɛbɛw. Dɔɔni dɔɔni, Kɔrɔsili Sangaso ye Yezu ka kalandenw dɛmɛ u y’a faamu bɛrɛbɛrɛ a kɔrɔ ye min ye ka Masaya kibaro diiman fɔ. An k’a filɛ min kɛra kabi saan 1920.

¹² Kibaro juman lo tun ka ɲi ka fɔ walisa Matiyo 24:14 kɔnɔna kumaw ka dafa? O baara tun bena kɛ tuma juman? Saan 1920, zuwekalo tile fɔlɔ ka Kɔrɔsili Sangaso kɔnɔ, barokun dɔ bɔra min kuun ko: “Masaya Evanzili.” O barokun tun b’a ɲɛfɔ ko: “O vɛrise be kuma kibaro diiman min koo la, o ye ko duniɲa juguman nin bena halaki ani  ko Masiya ka Masaya sigira sen kan.” O barokun tun b’a yira ka gwɛ o kibaro tun bena fɔ tuma min na. A tun fɔra ko: “O kibaro ka ɲi ka fɔ duniɲa ka kɛlɛba fɔlɔ ani ‘tɔɔrɔba’ wagati cɛ.” A tun fɔra fana ko: “Kerecɛn tɔgɔtigiw [be jamana minw na], sisan lo o kibaro diiman ka ɲi ka fɔ o yɔrɔw bɛɛ la.”

13. Saan 1921, Kɔrɔsili Sangaso ye kerecɛn mɔlenw jija cogo di u k’u yɛrɛ di ka waajuli kɛ?

¹³ Yezu tun ye baara min kofɔ, yala u tun bena Ala sagokɛlaw waajibiya k’o kɛ wa? Ayi. Saan 1921, marisikalo tile 15 ka Kɔrɔsili Sangaso kɔnɔ, barokun dɔ bɔra min kuun ko: “Aw y’aw jaa gwɛlɛya.” O barokun tun be kerecɛn mɔlenw jija u ka sɔn k’u yɛrɛ di ka waajuli kɛ. U kelen kelen bɛɛ tun ka ɲi k’u yɛrɛ ɲininga ko: “Ka kibaro diiman fɔ, yala ne b’o jati nɛɛmaba ye ani ko n’ ka kunkanbaara lo wa?” A tun fɔra o barokun kɔnɔ fana ko: “An lanin b’a la ko n’aw b’a jati [nɛɛma ye k’aw niin don o baara la], aw bena kɛ i ko Zeremi. Ala ka Kuma tun b’ale kɔnɔ ‘i ko tasuma.’ O kama, a tun tɛ se n’a ma kuma a koo la.” (Zer. 20:9). O jijali kumaw b’a yira ko mɔgɔ kantigi minw be dɛmɛ don Masaya ka koow la, Jehova ni Yezu lanin b’u la.

14, 15. Saan 1922, Kɔrɔsili Sangaso ye kerecɛn mɔlenw jija u ka Masaya kibaro diiman lase mɔgɔw ma cogo di?

¹⁴ Kerecɛn sɔbɛw tun bena tɛmɛ fɛɛrɛ jumanw lo fɛ walisa ka Masaya kibaro diiman lase mɔgɔw ma? Saan 1922, utikalo tile 15 ka Kɔrɔsili Sangaso kɔnɔ, barokun dɔ tun bɔra min kuun ko: “Waajuli baara kɔrɔtanin lo kosɔbɛ.” O barokun kɔnɔ, u ye kerecɛn mɔlenw jija u ka “banba ka sɛbɛw di mɔgɔw ma ani ka kuma u fɛ u ka sodaw la, ka seereya kɛ ko Ala ka Masaya wagati surunyana.”

¹⁵ A gwɛnin lo ko kabi saan 1919, Krista tɛmɛna a ka jɔncɛ kantigiman hakiliman fɛ, k’a yira ka gwɛ siɲɛ caaman ko nɛɛma ni kunkanbaara min kalifara kerecɛnw ma, o ye ka Masaya kibaro diiman fɔ. Bibulu Kalandenw y’o jijali kumaw ta cogo di?

16. Tuma min na a fɔra ko bɛɛ ka ɲi ka waajuli kɛ, diinan mɔgɔkɔrɔ dɔw y’o koo ta cogo di?

¹⁶ Saan 1920-1940 cɛ, dɔw tun ma sɔn a ma ko kerecɛn mɔlenw bɛɛ ka ɲi ka waajuli kɛ. Saan 1928, feburukalo ka Kɔrɔsili Sangaso y’o ɲɛfɔ ten ko: “Bi [kafow] kɔnɔ, diinan mɔgɔkɔrɔ dɔw be yen . . . minw t’a fɛ k’u balimaw jija u ka waajuli kɛ ani olu yɛrɛ be ban k’u seen don o baara la . . . Ladili min dira u ma ko u ka taga waajuli kɛ Ala ka kuma, a ka Masacɛ, ani a ka Masaya koo la soo ni soo, u b’a fɔ k’u mako t’o la.” O barokun tun b’a fɔ ka gwɛ ko: “Wagati sera mɔgɔ kantigiw fɛ u k’u yɛrɛ kɔrɔsi ani k’u mabɔ o ɲɔgɔnna mɔgɔw la. U k’a fɔ o mɔgɔw ye fana k’u tɛna u kɛ diinan mɔgɔkɔrɔw ye tugun.” d

17, 18. Jɔncɛ kantigiman hakiliman ye cikan minw di, kafodenw fanba y’o ta cogo di? Saan 100 tɛmɛninw na, mɔgɔ miliyɔn caaman ye mun lo kɛ?

 ¹⁷ Jɔncɛ kantigiman hakiliman ye cikan minw di, ninsɔndiya lo k’a lɔn ko kafodenw fanba y’u labato ni dusudiya ye. U tun b’a jati ko nɛɛma lo ka Masaya kibaro diiman fɔ. Saan 1926, awirilikalo ka Kɔrɔsili Sangaso y’o yira ka gwɛ ko: “Mɔgɔ kantigiw bena sɔn k’u yɛrɛ di . . . k’o kibaro diiman fɔ mɔgɔw ye.” U ye koow kɛ ka kɛɲɛ ni Zaburuw 110:3 ka kiraya kuma ye. O cogo la, u y’a yira k’u be sɔn ka dɛmɛ don Masiya ka Masaya ka koow la.

¹⁸ Saan 100 tɛmɛninw na, mɔgɔ miliyɔn caaman sɔnna k’u yɛrɛ di ka Masaya kibaro diiman fɔ. Sapitiri nataw la an ben’a ye u y’o kɛ cogo minw na, u tɛmɛna fɛɛrɛw ni minan minw fɛ k’o kɛ, ani nafa minw sɔrɔla o la. An k’a filɛ fɔlɔ fɛɛn min kama mɔgɔ miliyɔn caaman sɔnna k’u yɛrɛ di ka Masaya kibaro diiman fɔ, hali k’a sɔrɔ mɔgɔw fanba be miiri u yɛrɛ dɔrɔn lo koo la. O koow lajɛtɔ, an k’an yɛrɛ ɲininga ko: “Mun na n’ be kibaro diiman fɔ mɔgɔw ye?”

19. Mun na an b’an janto Yezu ka ladilikan nin na: “Aw ka Ala ka masaya . . . ɲini fɔlɔ”?

¹⁹ Yezu y’a ka kalandenw ladi ko: “Aw ka Ala ka masaya . . . ɲini fɔlɔ.” (Mat. 6:33). Mun na an b’an janto o ladilikan na? An b’o kɛ sabu an b’a lɔn k’o Masaya kɔrɔtanin lo. O kɔrɔ, Ala bena tɛmɛ o lo fɛ k’a sago dafa. I ko an y’a ye sapitiri tɛmɛnin na cogo min na, hakili senu ye Ala sagokɛlaw dɛmɛ dɔɔni dɔɔni u ye tiɲɛnkalan nafamanw faamu Masaya koo la. N’o tiɲɛnkalanw y’an dusu sɔrɔ, o b’an lasun k’o Masaya ɲini fɔlɔ.

20. Yezu y’a ka kalandenw ladi k’u ka Ala ka Masaya ɲini fɔlɔ. A ye ntalen min la nafolo dogonin koo la, o b’a yira cogo di ko a ka kalandenw tun bena sɔn o ladili ma?

²⁰ Yezu ye ladili min di a ka kalandenw ma k’u ka Ala ka Masaya ɲini fɔlɔ, a tun b’a lɔn k’u bena o ta sɔbɛ la. Yezu ye ntalen min la nafolo dogonin koo la, an k’o lajɛ (Matiyo 13:44 kalan). Sɛnɛkɛla min kofɔra o ntalen na, baara kɛtɔ, a ye nafolo dogonin dɔ ye. A sinna k’a lɔn ko a nafa ka bon. A ye mun lo kɛ do? “A nisɔn diyara kosɔbɛ, fɔɔ a tagar’a bololafɛn bɛɛ feere ka segi ka taga foro nin san.” An be kalan juman lo sɔrɔ o la? N’an ye tiɲɛnkalanw faamu Masaya koo la ani k’u nafa lɔn, an bena sɔn ka fɛɛn bɛɛ saraka walisa k’o Masaya kɛ an ɲɛnako fɔlɔ ye. e

21, 22. Minw be dɛmɛ don Ala ka Masaya ka koow la ni kantigiya ye, olu b’a yira cogo di k’u b’o Masaya lo ɲini fɔlɔ? Ɲɛyirali dɔ fɔ.

²¹ Minw be dɛmɛ don Ala ka Masaya ka koow la ni kantigiya ye, olu b’a yira u ka kumaw n’u ka kɛwalew fɛ k’u b’o Masaya lo ɲini fɔlɔ. U b’u ka ɲɛnamaya, u ka setigiya ani u bololafɛnw kɛ ka dɛmɛ don Masaya waajuli baara la. U caaman ye fɛɛn caaman saraka walisa ka kudayi cidenya baara kɛ. U bɛɛ y’a ye ko minw be Ala ka Masaya kɛ u ɲɛnako fɔlɔ ye, Jehova b’olu duga. An ka ɲɛyirali nin lajɛ.

²² Avery ni Lovenia Bristow ye piyɔniyeya (kɔlpɔrtɛri  baara) daminɛ Etazini worodugu fan fɛ, dɔɔni ka kɔn saan 1930 ɲɛ. Saan damanin o kɔ, Lovenia y’a fɔ ko: “Kabi o wagati la, ne ni Avery ye ninsɔndiya sɔrɔ saan caaman kɔnɔ piyɔniye baara la. Siɲɛ caaman na, an tun t’a lɔn an bena esansi ni dumuni wari sɔrɔ cogo min na. Nka, Jehova y’an dɛmɛ tuma bɛɛ. An tora k’an ka piyɔniye baara kɛ dɔrɔn. An mako tun be min na sɔbɛ la, an tun b’o sɔrɔ tuma bɛɛ.” Lovenia hakili b’a la ko tuma min na u tun b’u ka cidenya baara kɛra Pɛnsakola, Floridi mara la, loon dɔ, wari ni dumunifɛn bɛrɛ tun t’u fɛ. U nana saki belebeleba fila sɔrɔ soo. O sakiw tun fanin be dumunifɛnw na. A tun sɛbɛnin lo papiye dɔ kan ko: “Pɛnsakola kafodenw bɛɛ b’aw kanu kosɔbɛ.” Lovenia n’a cɛɛ ye saan caaman minw kɛ cidenya baara la, a miiritɔ o la, a ko: “Jehova m’an to yen fewu. A m’an jigi tigɛ ka ye.”

23. I ye tiɲɛnkalan minw faamu Ala ka Masaya koo la, i b’o jati cogo di? I cɛsirinin lo ka mun lo kɛ?

²³ An bɛɛ tɛ se ka baara hakɛ kelen kɛ waajuli la sabu an ka koow cogoya tɛ kelen ye. Nka, an bɛɛ be se k’a jati ko nɛɛmaba lo ka kibaro diiman fɔ n’an dusu bɛɛ ye (Kɔlɔs. 3:23). An ye tiɲɛnkalan minw faamu Ala ka Masaya koo la, an b’o jati fɛɛn nafamanba ye. O kama, fɛɛn o fɛɛn b’an fɛ, an labɛnnin lo k’o saraka walisa ka waajuli kɛ bɛrɛbɛrɛ. I cɛsirinin tɛ k’o lo kɛ wa?

24. Ala ka Masaya ye koo kabakoman minw kɛ laban loonw na, u la dɔ ye juman ye?

²⁴ Kabi saan kɛmɛkulu tɛmɛnin na, Masacɛ Yezu b’a ka layidu dafara, o min be sɔrɔ Matiyo 24:14 kɔnɔ. Nka, a ma mɔgɔ si waajibiya a ka kibaro diiman fɔ. Duniɲa kɔnɔ, mɔgɔw be miiri u yɛrɛ nafa dɔrɔn lo la. Nka, Yezu ka kalandenw bɔnin kɔ o duniɲa kɔnɔ, u sɔnna k’u yɛrɛ di ka waajuli kɛ. O waajuli baara be kɛra duniɲa kuru bɛɛ kɔnɔ ani o b’a yira ko Yezu be masaya la. Ala ka Masaya be koo kabakoman minw kɛra laban loonw na, waajuli baara y’u dɔ ye.