1, 2. (എ) വലി​യൊ​രു ജനക്കൂ​ട്ട​ത്തോ​ടു സംസാ​രി​ക്കാൻ യേശു ഏതു രീതി​യാ​ണു പരീക്ഷി​ച്ചത്‌? (ബി) ക്രിസ്‌തു​വി​ന്റെ മാതൃക വിശ്വസ്‌താ​നു​ഗാ​മി​കൾ അനുക​രി​ച്ചി​രി​ക്കു​ന്നത്‌ എങ്ങനെ, എന്തു​കൊണ്ട്‌?

 ആ തടാക​ക്ക​ര​യിൽ യേശു​വി​ന്റെ ചുറ്റും ഒരു ജനക്കൂട്ടം തടിച്ചു​കൂ​ടി​യി​ട്ടുണ്ട്‌. പക്ഷേ യേശു ഒരു വള്ളത്തിൽ കയറി തീരത്തു​നിന്ന്‌ അൽപ്പം ദൂരേക്കു നീങ്ങുന്നു. എന്തിന്‌? ജലത്തിന്റെ ഉപരി​തലം തന്റെ ശബ്ദതരം​ഗ​ങ്ങ​ളു​ടെ തീവ്രത കൂട്ടു​മെ​ന്നും അപ്പോൾ ആ വലിയ ജനക്കൂ​ട്ട​ത്തി​നു താൻ പറയുന്ന കാര്യങ്ങൾ കൂടുതൽ വ്യക്തമാ​യി കേൾക്കാ​നാ​കു​മെ​ന്നും യേശു​വിന്‌ അറിയാ​മാ​യി​രു​ന്നു.—മർക്കോസ്‌ 4:1, 2 വായി​ക്കുക.

² ക്രിസ്‌തു​വി​ന്റെ ആ മാതൃക, ദൈവ​രാ​ജ്യം ജനിച്ച​തി​നോട്‌ അടുത്തുള്ള ദശകങ്ങ​ളിൽ ക്രിസ്‌തു​വി​ന്റെ വിശ്വസ്‌താ​നു​ഗാ​മി​ക​ളും അനുക​രി​ച്ചു. ജനസഹ​സ്ര​ങ്ങ​ളു​ടെ അടുത്ത്‌ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കാൻ അവർ നൂതന​മായ രീതികൾ ഉപയോ​ഗി​ച്ചു. സാഹച​ര്യ​ങ്ങ​ളും സാങ്കേ​തി​ക​വി​ദ്യ​ക​ളും മാറു​ന്ന​ത​നു​സ​രിച്ച്‌ ഇന്നും ദൈവ​ജനം തങ്ങളുടെ രാജാ​വി​ന്റെ നിർദേ​ശ​ത്തിൻകീ​ഴിൽ പുതിയ രീതികൾ ഉപയോ​ഗി​ക്കു​ക​യോ രീതി​ക​ളിൽ വേണ്ട മാറ്റങ്ങൾ വരുത്തു​ക​യോ ചെയ്യുന്നു. അന്ത്യം വരുന്ന​തി​നു മുമ്പ്‌ കഴിയു​ന്നത്ര ആളുക​ളു​ടെ അടുത്ത്‌ ദൈവ​രാ​ജ്യ​സ​ന്ദേശം എത്തിക്കുക എന്നതാണു നമ്മുടെ ലക്ഷ്യം. (മത്താ. 24:14) ഭൂമി​യിൽ എവിടെ താമസി​ക്കു​ന്ന​വ​രാ​യാ​ലും അവരെ​യെ​ല്ലാം ആ സന്ദേശം അറിയി​ക്കാൻ നമ്മൾ ഉപയോ​ഗി​ച്ചു​പോന്ന ചില രീതികൾ നമുക്കു നോക്കാം. ദൈവ​രാ​ജ്യം ജനിച്ച​തി​നോട്‌ അടുത്തുള്ള ദശകങ്ങ​ളിൽ സന്തോ​ഷ​വാർത്ത വ്യാപി​പ്പി​ക്കാൻ പ്രയത്‌നിച്ച അവരുടെ വിശ്വാ​സം നിങ്ങൾക്ക്‌ എങ്ങനെ അനുക​രി​ക്കാ​മെ​ന്നും ചിന്തി​ക്കുക.

3. നമ്മൾ പത്രങ്ങൾ ഉപയോ​ഗ​പ്പെ​ടു​ത്തു​ന്നതു കണ്ട്‌ ശത്രുക്കൾ അസ്വസ്ഥ​രാ​യത്‌ എന്തു​കൊണ്ട്‌?

³ പത്രങ്ങൾ. ദൈവ​രാ​ജ്യ​സ​ന്ദേശം അനേകം ആളുക​ളു​ടെ അടുത്ത്‌ എത്തിക്കാ​നാ​യി റസ്സൽ സഹോ​ദ​ര​നും സഹകാ​രി​ക​ളും 1879 മുതൽ വീക്ഷാ​ഗോ​പു​രം പ്രസി​ദ്ധീ​ക​രി​ക്കു​ന്നു​ണ്ടാ​യി​രു​ന്നു. എന്നാൽ, ക്രിസ്‌തു ഇടപെ​ട്ട​തു​കൊ​ണ്ടാ​ണെന്നു തോന്നു​ന്നു, 1914-നു മുമ്പുള്ള ഒരു പതിറ്റാ​ണ്ടു​കാ​ലത്ത്‌ ചില മാറ്റങ്ങ​ളു​ണ്ടാ​യി. കൂടുതൽ ആളുക​ളു​ടെ അടുത്ത്‌ സന്തോ​ഷ​വാർത്ത എത്തുന്ന രീതി​യിൽ കാര്യങ്ങൾ നീങ്ങി. 1903-ലായി​രു​ന്നു ആ സംഭവ​പ​ര​മ്പ​ര​യു​ടെ തുടക്കം. ആ വർഷം, പെൻസിൽവേ​നി​യ​യി​ലെ ഒരു കൂട്ടം പ്രോ​ട്ട​സ്റ്റന്റ്‌ ശുശ്രൂ​ഷ​ക​രു​ടെ വക്താവായ ഡോ. ഇ. എൽ. ഈറ്റൺ, ബൈബി​ളു​പ​ദേ​ശ​ങ്ങ​ളെ​ക്കു​റി​ച്ചുള്ള ചില സംവാ​ദ​ങ്ങൾക്കാ​യി ചാൾസ്‌ റ്റെയ്‌സ്‌ റസ്സൽ സഹോ​ദ​രനെ വെല്ലു​വി​ളി​ച്ചു. റസ്സൽ സഹോ​ദ​രന്‌ അദ്ദേഹം ഇങ്ങനെ എഴുതി: “എനിക്കും താങ്കൾക്കും അഭി​പ്രാ​യ​വ്യ​ത്യാ​സ​മുള്ള ആ ചോദ്യ​ങ്ങ​ളിൽ ചിലതി​നെ​ക്കു​റിച്ച്‌ ജനങ്ങളു​ടെ മുന്നിൽവെച്ച്‌ ഒരു സംവാദം നടത്തു​ന്നത്‌ . . . അവർക്കു വലിയ താത്‌പ​ര്യ​മുള്ള കാര്യ​മാ​യി​രി​ക്കും.” പൊതു​ജ​ന​ങ്ങൾക്ക്‌ ഇതിൽ താത്‌പ​ര്യം കാണു​മെന്നു റസ്സൽ സഹോ​ദ​ര​നും സഹകാ​രി​കൾക്കും തോന്നി. അതു​കൊണ്ട്‌ ഈ സംവാ​ദങ്ങൾ അന്നത്തെ  മുൻനി​ര​ദി​ന​പ​ത്ര​ങ്ങ​ളിൽ ഒന്നായ പിറ്റ്‌സ്‌ബർഗ്‌ ഗസറ്റിൽ (ഇംഗ്ലീഷ്‌) പ്രസി​ദ്ധീ​ക​രി​ക്കാൻ വേണ്ട ക്രമീ​ക​ര​ണങ്ങൾ അവർ ചെയ്‌തു. ആ പത്ര​ലേ​ഖ​ന​ങ്ങൾക്കു വലിയ ജനപ്രീ​തി ലഭിച്ചു. പോരാ​ത്ത​തിന്‌, റസ്സൽ സഹോ​ദരൻ ബൈബിൾസ​ത്യ​ങ്ങൾ വിശദീ​ക​രി​ച്ചി​രു​ന്ന​തോ ആർക്കും ബോധ്യം​വ​രുന്ന രീതി​യിൽ വളരെ വ്യക്തത​യോ​ടെ​യും. ഇതെല്ലാം കണക്കി​ലെ​ടുത്ത്‌ റസ്സൽ സഹോ​രന്റെ പ്രസം​ഗങ്ങൾ എല്ലാ ആഴ്‌ച​യും പ്രസി​ദ്ധീ​ക​രി​ക്കാൻ സമ്മതമാ​ണെന്ന്‌ ആ പത്രം അറിയി​ച്ചു. സത്യത്തി​ന്റെ ശത്രു​ക്കളെ ആ സംഭവ​വി​കാ​സം എത്ര അസ്വസ്ഥ​രാ​ക്കി​ക്കാ​ണും!

4, 5. റസ്സൽ സഹോ​ദരൻ ഏതു ഗുണം പ്രകടി​പ്പി​ച്ചു, ഉത്തരവാ​ദി​ത്വ​സ്ഥാ​ന​ങ്ങ​ളി​ലു​ള്ള​വർക്ക്‌ ആ മാതൃക എങ്ങനെ അനുക​രി​ക്കാം?

⁴ വളരെ പെട്ടെന്ന്‌, റസ്സൽ സഹോ​ദ​രന്റെ പ്രസം​ഗങ്ങൾ പ്രസി​ദ്ധീ​ക​രി​ക്കാൻ തയ്യാറാ​യി കൂടുതൽ പത്രങ്ങൾ രംഗ​ത്തെത്തി. 1908 ആയപ്പോ​ഴേ​ക്കും, “പതിവാ​യി 11 പത്രങ്ങ​ളിൽ” ആ പ്രസം​ഗങ്ങൾ പ്രത്യ​ക്ഷ​പ്പെ​ടു​ന്നു​ണ്ടെന്നു റിപ്പോർട്ട്‌ ചെയ്യാൻ വീക്ഷാ​ഗോ​പു​ര​ത്തി​നു കഴിഞ്ഞു. എന്നാൽ സൊ​സൈ​റ്റി​യു​ടെ ഓഫീ​സു​കൾ പിറ്റ്‌സ്‌ബർഗിൽനിന്ന്‌ കുറെ​ക്കൂ​ടെ അറിയ​പ്പെ​ടുന്ന ഒരു നഗരത്തി​ലേക്കു മാറ്റി​യാൽ, നമ്മുടെ ബൈബി​ള​ധിഷ്‌ഠി​ത​ലേ​ഖ​നങ്ങൾ പ്രസി​ദ്ധീ​ക​രി​ക്കാൻ കൂടുതൽ പത്രങ്ങൾ തയ്യാറാ​കു​മെന്നു പത്ര​പ്ര​വർത്ത​ന​രം​ഗ​വു​മാ​യി അടുത്ത്‌ പരിച​യ​മുള്ള ചില സഹോ​ദ​രങ്ങൾ റസ്സൽ സഹോ​ദ​രനെ ഉപദേ​ശി​ച്ചു. ആ ഉപദേ​ശ​വും മറ്റു ചില ഘടകങ്ങ​ളും കണക്കി​ലെ​ടുത്ത്‌ റസ്സൽ സഹോ​ദരൻ 1909-ൽ ന്യൂ​യോർക്കി​ലെ ബ്രൂക്‌ലി​നി​ലേക്ക്‌ ഓഫീ​സു​കൾ മാറ്റി. ഫലമോ? വെറും മാസങ്ങൾ കഴിഞ്ഞ​പ്പോൾ, റസ്സൽ സഹോ​ദരന്റെ പ്രസം​ഗങ്ങൾ പ്രസി​ദ്ധീ​ക​രി​ക്കുന്ന പത്രങ്ങ​ളു​ടെ എണ്ണം 400 ആയി ഉയർന്നു, കൂടു​തൽക്കൂ​ടു​തൽ പത്രങ്ങൾ അതിനു തയ്യാറാ​യി മുന്നോ​ട്ടു വരുന്നു​മു​ണ്ടാ​യി​രു​ന്നു. 1914-ൽ ദൈവ​രാ​ജ്യം സ്ഥാപി​ത​മായ സമയമാ​യ​പ്പോ​ഴേ​ക്കും നാലു ഭാഷക​ളി​ലാ​യി 2,000 പത്രങ്ങ​ളാ​ണു റസ്സൽ സഹോ​ദ​രന്റെ പ്രഭാ​ഷ​ണ​ങ്ങ​ളും ലേഖന​ങ്ങ​ളും പ്രസി​ദ്ധീ​ക​രി​ച്ചി​രു​ന്നത്‌!

⁵ ആ സംഭവ​വി​കാ​സ​ത്തിൽനിന്ന്‌ ഏതു പ്രധാ​ന​പ്പെട്ട പാഠമാ​ണു പഠിക്കാ​നു​ള്ളത്‌? ഇന്നു ദൈവ​ത്തി​ന്റെ സംഘട​ന​യിൽ അധികാ​ര​സ്ഥാ​ന​ങ്ങ​ളി​ലു​ള്ളവർ റസ്സൽ സഹോ​ദ​രന്റെ താഴ്‌മ അനുക​രി​ക്കേ​ണ്ട​താണ്‌. എങ്ങനെ? പ്രധാ​ന​പ്പെട്ട തീരു​മാ​ന​ങ്ങ​ളെ​ടു​ക്കു​മ്പോൾ മറ്റുള്ള​വ​രു​ടെ ഉപദേ​ശ​വും പരിഗ​ണി​ച്ചു​കൊണ്ട്‌.—സുഭാ​ഷി​തങ്ങൾ 15:22 വായി​ക്കുക.

6. പത്ര​ലേ​ഖ​ന​ങ്ങ​ളിൽ പ്രസി​ദ്ധീ​ക​രിച്ച സത്യങ്ങൾ ഒരാളെ സ്വാധീ​നി​ച്ചത്‌ എങ്ങനെ?

⁶ ആ പത്ര​ലേ​ഖ​ന​ങ്ങ​ളിൽ പ്രസി​ദ്ധീ​ക​രിച്ച രാജ്യ​സ​ത്യ​ങ്ങൾ ആളുക​ളു​ടെ ജീവിതം മാറ്റി​മ​റി​ച്ചു. (എബ്രാ. 4:12) ഉദാഹ​ര​ണ​ത്തിന്‌, അത്തരം ലേഖന​ങ്ങ​ളിൽനിന്ന്‌ സത്യം ആദ്യമാ​യി മനസ്സി​ലാ​ക്കിയ ധാരാളം പേരിൽ ഒരാളാണ്‌ 1917-ൽ സ്‌നാ​ന​മേറ്റ ഓറാ ഹെട്‌സെൽ. സഹോ​ദരി പറയുന്നു: “കല്യാ​ണ​ത്തി​നു ശേഷം ഒരിക്കൽ ഞാൻ മിന്നെ​സോ​ട്ടാ​യി​ലെ റോച്ച​സ്റ്റ​റി​ലുള്ള എന്റെ അമ്മയെ കാണാൻ പോയി. ഞാൻ ചെന്ന​പ്പോൾ അമ്മ പത്രത്തിൽനിന്ന്‌ ചില ലേഖനങ്ങൾ വെട്ടി​യെ​ടു​ക്കു​ക​യാ​യി​രു​ന്നു. റസ്സൽ സഹോ​ദ​രന്റെ പ്രഭാ​ഷ​ണ​ങ്ങ​ളാ​യി​രു​ന്നു അത്‌. ആ ലേഖന​ങ്ങ​ളിൽനിന്ന്‌ മനസ്സി​ലാ​ക്കിയ കാര്യങ്ങൾ അമ്മ എനിക്കു വിശദീ​ക​രി​ച്ചു​തന്നു.” താൻ കേട്ട സത്യങ്ങൾ സ്വീക​രിച്ച ഓറാ, ഏതാണ്ട്‌ ആറു പതിറ്റാ​ണ്ടോ​ളം വിശ്വസ്‌ത​മാ​യി ദൈവ​രാ​ജ്യ​ത്തെ​ക്കു​റിച്ച്‌ ഘോഷി​ച്ചു.

7. പത്രങ്ങൾ ഉപയോ​ഗ​പ്പെ​ടു​ത്തു​ന്ന​തി​നെ​പ്പറ്റി ഒരു പുനരാ​ലോ​ചന നടത്താൻ, നേതൃ​ത്വ​മെ​ടു​ക്കു​ന്ന​വരെ പ്രേരി​പ്പി​ച്ചത്‌ എന്താണ്‌?

⁷ സന്തോ​ഷ​വാർത്ത പ്രസി​ദ്ധ​മാ​ക്കു​ന്ന​തിൽ പത്രങ്ങൾ എത്ര​ത്തോ​ളം ഉപയോ​ഗി​ക്കണം എന്നതി​നെ​പ്പറ്റി ഒരു പുനരാ​ലോ​ചന നടത്താൻ, നേതൃ​ത്വ​മെ​ടു​ക്കു​ന്ന​വരെ പ്രേരി​പ്പി​ക്കുന്ന രണ്ടു നിർണാ​യ​ക​സം​ഭ​വങ്ങൾ 1916-ലുണ്ടായി. ഒന്നാമ​ത്തേത്‌, അന്നു കൊടു​മ്പി​രി​കൊ​ണ്ടി​രുന്ന മഹായു​ദ്ധ​മാ​യി​രു​ന്നു. യുദ്ധം കാരണം, അച്ചടി​സാ​മ​ഗ്രി​കൾ കിട്ടുക ദുഷ്‌ക​ര​മാ​യി. ആ വെല്ലു​വി​ളി​യെ​ക്കു​റിച്ച്‌ 1916-ൽ ബ്രിട്ട​നി​ലെ നമ്മുടെ പത്രവി​ഭാ​ഗ​ത്തിൽനിന്ന്‌ വന്ന ഒരു റിപ്പോർട്ട്‌ പറഞ്ഞത്‌ ഇതാണ്‌: “ഇപ്പോൾ വെറും 30 പത്രങ്ങൾ മാത്രമേ നമ്മുടെ പ്രഭാ​ഷ​ണങ്ങൾ പ്രസി​ദ്ധീ​ക​രി​ക്കു​ന്നു​ള്ളൂ. പത്രക്ക​ട​ലാ​സി​ന്റെ കുതി​ച്ചു​യ​രുന്ന വില കാരണം അധികം വൈകാ​തെ ഈ സംഖ്യ ഇനിയും വളരെ താഴേക്കു പോകാ​നാ​ണു സാധ്യത.” റസ്സൽ സഹോ​ദ​രന്റെ മരണമാ​യി​രു​ന്നു രണ്ടാമത്തെ സംഭവം.  1916 ഒക്‌ടോ​ബർ 31-നായി​രു​ന്നു അത്‌. തുടർന്ന്‌, 1916 ഡിസംബർ 15 ലക്കം വീക്ഷാ​ഗോ​പു​രം ഇങ്ങനെ അറിയി​ച്ചു: “റസ്സൽ സഹോ​ദരൻ നമ്മെ വേർപി​രി​ഞ്ഞ​തു​കൊണ്ട്‌, (പത്രങ്ങ​ളിൽ) പ്രഭാ​ഷ​ണങ്ങൾ പ്രസി​ദ്ധീ​ക​രി​ക്കുന്ന രീതി നമ്മൾ പൂർണ​മാ​യി ഉപേക്ഷി​ക്കാൻപോ​കു​ക​യാണ്‌.” പത്രങ്ങ​ളി​ലൂ​ടെ​യുള്ള പ്രസം​ഗ​പ്ര​വർത്തനം അവസാ​നി​ച്ചെ​ങ്കി​ലും “സൃഷ്ടി​പ്പിൻ ഫോട്ടോ നാടകം” പോലുള്ള മറ്റു രീതികൾ അപ്പോ​ഴും നല്ല വിജയം കൊയ്യു​ന്നു​ണ്ടാ​യി​രു​ന്നു.

8. “സൃഷ്ടി​പ്പിൻ ഫോട്ടോ നാടകം” ഒരുക്കാൻ എന്തെല്ലാം തയ്യാ​റെ​ടു​പ്പു​കൾ നടന്നു?

⁸ ദൃശ്യ​മാ​ധ്യ​മം. റസ്സൽ സഹോ​ദ​ര​ന്റെ​യും സഹകാ​രി​ക​ളു​ടെ​യും മൂന്നു വർഷം നീണ്ട പരി​ശ്ര​മ​ങ്ങൾക്കൊ​ടു​വിൽ 1914-ൽ “സൃഷ്ടി​പ്പിൻ ഫോട്ടോ നാടകം” പ്രകാ​ശനം ചെയ്‌തു. (സുഭാ. 21:5) പല നിറങ്ങ​ളി​ലെ ചിത്രങ്ങൾ ആലേഖനം ചെയ്‌ത ഗ്ലാസ്‌ സ്ലൈഡു​കൾ, ശബ്ദങ്ങൾ, ചലിക്കുന്ന ചിത്രങ്ങൾ എന്നിവ​യെ​ല്ലാം സംയോ​ജി​പ്പിച്ച്‌ തികച്ചും പുതു​മ​യാർന്നൊ​രു രീതി​യിൽ തയ്യാറാ​ക്കിയ അതിന്റെ വിളി​പ്പേര്‌ ‘നാടകം’ എന്നായി​രു​ന്നു. ബൈബിൾരം​ഗ​ങ്ങ​ളു​ടെ പുനരാ​വിഷ്‌കാ​ര​ത്തിൽ നൂറു​ക​ണ​ക്കിന്‌ ആളുകൾ അഭിന​യി​ച്ചു, എന്നിട്ട്‌ അതു ഫിലി​മിൽ ചിത്രീ​ക​രി​ച്ചു. മൃഗങ്ങൾപോ​ലും അതിൽ പ്രത്യ​ക്ഷ​പ്പെട്ടു. അതെക്കു​റിച്ച്‌ 1913-ലെ ഒരു റിപ്പോർട്ട്‌ പറയുന്നു: “ആ നാടക​ത്തി​ലെ നോഹ​യു​ടെ ഭാഗം, ചലിക്കുന്ന  ശബ്ദചി​ത്ര​ങ്ങ​ളു​ടെ രൂപത്തിൽ പുനരാ​വിഷ്‌ക​രി​ക്കാൻ ഒരു വലിയ മൃഗശാ​ല​യി​ലെ ഭൂരി​ഭാ​ഗം മൃഗങ്ങ​ളെ​യും ഉപയോ​ഗി​ച്ചു.” ഇനി, അതിൽ ഉപയോ​ഗിച്ച ഗ്ലാസ്‌ സ്ലൈഡു​ക​ളോ? ന്യൂ​യോർക്ക്‌, പാരീസ്‌, ഫിലാ​ഡെൽഫിയ, ലണ്ടൻ എന്നിവി​ട​ങ്ങ​ളി​ലെ കലാകാ​ര​ന്മാർ കൈ​കൊണ്ട്‌ നിറം കൊടു​ത്ത​താ​യി​രു​ന്നു ഓരോ​ന്നും.

9. വളരെ​യ​ധി​കം സമയവും പണവും ചെലവ​ഴിച്ച്‌ “ഫോട്ടോ നാടകം” നിർമി​ച്ചത്‌ എന്തിനാ​യി​രു​ന്നു?

⁹ ഇത്രയ​ധി​കം സമയവും പണവും ചെലവ​ഴിച്ച്‌ “ഫോട്ടോ നാടകം” നിർമി​ച്ചത്‌ എന്തിനാ​യി​രു​ന്നു? 1913-ലെ കൺ​വെൻ​ഷൻ പരമ്പര​യിൽ അംഗീ​ക​രി​ക്ക​പ്പെട്ട ഒരു പ്രമേയം അതെപ്പറ്റി ഇങ്ങനെ പറയുന്നു: “പൊതു​ജ​നാ​ഭി​പ്രാ​യം രൂപീ​ക​രി​ക്കു​ന്ന​തിൽ, അമേരി​ക്കൻ പത്രങ്ങ​ളു​ടെ വാർത്താ-മാസിക വിഭാ​ഗങ്ങൾ ഉപയോ​ഗി​ക്കുന്ന കാർട്ടൂ​ണു​ക​ളു​ടെ​യും ചിത്ര​ങ്ങ​ളു​ടെ​യും ഫലപ്ര​ദ​ത്വം സമാന​ത​ക​ളി​ല്ലാ​ത്ത​താണ്‌. ഇനി, ചലിക്കുന്ന ചിത്ര​ങ്ങൾക്കു വലിയ ജനസമ്മ​തി​യുണ്ട്‌. അവയുടെ പുതു​മ​യും വൈവി​ധ്യ​വും എടുത്തു​പ​റ​യ​ത്ത​ക്ക​താണ്‌. അവയുടെ മൂല്യം എത്ര​ത്തോ​ള​മാ​ണെന്ന്‌ ഇതെല്ലാം തെളി​യി​ക്കു​ന്നു. അതു​കൊണ്ട്‌ ഒരു കാര്യ​ത്തി​നു നമ്മളെ​ല്ലാം പൂർണ​പി​ന്തുണ കൊടു​ക്കു​ന്നത്‌ എന്തു​കൊ​ണ്ടും ഉചിത​മാ​ണെന്നു ഞങ്ങൾ വിശ്വ​സി​ക്കു​ന്നു: പുരോ​ഗ​മ​ന​തത്‌പ​ര​രായ പ്രസം​ഗ​ക​രും ബൈബിൾക്ലാസ്‌ അധ്യാ​പ​ക​രും എന്ന നിലയിൽ നമ്മൾ, സുവി​ശേഷ-പഠിപ്പി​ക്കൽ പ്രവർത്ത​ന​ത്തിൽ, ചലിക്കുന്ന ചിത്ര​ങ്ങ​ളും സ്ലൈഡു​ക​ളും ഉപയോ​ഗി​ക്കേ​ണ്ട​താണ്‌. ഫലപ്ര​ദ​വും അഭികാ​മ്യ​വും ആയ ഒരു രീതി​യാണ്‌ അത്‌.”

10. “ഫോട്ടോ നാടകം” എത്ര വ്യാപ​ക​മാ​യി പ്രദർശി​പ്പി​ക്ക​പ്പെട്ടു?

¹⁰ 1914-ൽ “ഫോട്ടോ നാടകം” ഓരോ ദിവസ​വും 80 നഗരങ്ങ​ളിൽ കാണി​ച്ചി​രു​ന്നു. ഐക്യ​നാ​ടു​ക​ളി​ലും കാനഡ​യി​ലും ആയി ഏകദേശം 80 ലക്ഷം പേരാണ്‌ ആ പ്രദർശനം കണ്ടത്‌. അതേ വർഷം ഓസ്‌ട്രേ​ലിയ, ജർമനി, ഡെന്മാർക്ക്‌, നോർവേ, ന്യൂസി​ലൻഡ്‌, ഫിൻലൻഡ്‌, ബ്രിട്ടൻ, സ്വിറ്റ്‌സർലൻഡ്‌, സ്വീഡൻ എന്നിവി​ട​ങ്ങ​ളി​ലും ആ നാടകം കാണി​ക്കു​ക​യു​ണ്ടാ​യി. ചെറു​പ​ട്ട​ണ​ങ്ങ​ളിൽ കാണി​ക്കാ​നാ​യി ആ നാടക​ത്തി​ന്റെ ഒരു ലഘുരൂ​പ​വും തയ്യാറാ​ക്കി. ചലിക്കുന്ന ചിത്രങ്ങൾ ഒഴി​കെ​യുള്ള ഭാഗങ്ങൾ മാത്രമേ അതിൽ ഉൾപ്പെ​ടു​ത്തി​യി​രു​ന്നു​ള്ളൂ. “യുറീക്കാ നാടകം” എന്നു പേരിട്ട ആ പതിപ്പ്‌, കുറഞ്ഞ ചെലവിൽ നിർമി​ക്കാ​വു​ന്ന​തും കൊണ്ടു​ന​ട​ക്കാൻ എളുപ്പ​വും ആയിരു​ന്നു. 1916-ഓടെ “ഫോട്ടോ നാടക”മോ “യുറീക്കാ നാടക”മോ അർമേ​നി​യൻ, ഇറ്റാലി​യൻ, ഗ്രീക്ക്‌, ജർമൻ, ഡാനോ-നോർവീ​ജി​യൻ, പോളിഷ്‌, ഫ്രഞ്ച്‌, സ്‌പാ​നിഷ്‌, സ്വീഡിഷ്‌ എന്നീ ഭാഷക​ളി​ലേക്കു പരിഭാ​ഷ​പ്പെ​ടു​ത്തി​യി​രു​ന്നു.

11, 12. “ഫോട്ടോ നാടകം” ഒരു ചെറു​പ്പ​ക്കാ​രനെ എങ്ങനെ സ്വാധീ​നി​ച്ചു, അദ്ദേഹം എന്തു മാതൃക വെച്ചു?

¹¹ ഷാൾ റോണേർ എന്നൊരു 18 വയസ്സു​കാ​രനെ “ഫോട്ടോ നാടക”ത്തിന്റെ ഫ്രഞ്ചു​പ​രി​ഭാഷ വളരെ​യേറെ സ്വാധീ​നി​ച്ചു. “ഫ്രാൻസി​ലെ അൽസാ​സി​ലുള്ള എന്റെ സ്വന്തപ​ട്ട​ണ​മായ കോൾമാ​റിൽ അതു പ്രദർശി​പ്പി​ച്ചു” എന്നു ഷാൾ പറയുന്നു. “തുടക്കം​മു​തലേ അതിൽ വ്യക്തത​യോ​ടെ അവതരി​പ്പിച്ച ബൈബിൾസ​ത്യം എന്നെ വളരെ​യ​ധി​കം ആകർഷി​ച്ചു.”

¹² അതിന്റെ ഫലമായി ഷാൾ 1922-ൽ സ്‌നാ​ന​മേറ്റു, മുഴു​സ​മ​യ​ശു​ശ്രൂ​ഷ​യും തുടങ്ങി. അദ്ദേഹ​ത്തി​നു കിട്ടിയ ആദ്യനി​യ​മ​ന​ങ്ങ​ളി​ലൊ​ന്നു ഫ്രാൻസി​ലെ വിവി​ധ​സ​ദ​സ്സു​ക​ളിൽ “ഫോട്ടോ നാടകം” പ്രദർശി​പ്പി​ക്കാൻ സഹായി​ക്കുക എന്നതാ​യി​രു​ന്നു. ആ ജോലി​യെ​ക്കു​റിച്ച്‌ ഷാൾ പറയുന്നു: “എനിക്കു പല പണിക​ളു​ണ്ടാ​യി​രു​ന്നു. ചില​പ്പോൾ വയലിൻവാ​യന, മറ്റു ചില​പ്പോൾ കണക്കു​ദാ​സ​ന്റെ​യോ സാഹി​ത്യ​ദാ​സ​ന്റെ​യോ ജോലി. പരിപാ​ടി തുടങ്ങു​ന്ന​തി​നു മുമ്പ്‌ സദസ്യരെ നിശ്ശബ്ദ​രാ​ക്കു​ന്ന​താ​യി​രു​ന്നു മറ്റൊരു നിയമനം. ഇടവേ​ള​യു​ടെ സമയത്ത്‌ ഞങ്ങൾ പ്രസി​ദ്ധീ​ക​ര​ണങ്ങൾ വിതരണം ചെയ്യും. ഓരോ സഹോ​ദ​ര​നും സഹോ​ദ​രി​ക്കും ഹാളിന്റെ ഓരോ ഭാഗം വീതി​ച്ചു​കൊ​ടു​ക്കും. കൈയിൽ ഒരു കെട്ടു പ്രസി​ദ്ധീ​ക​ര​ണ​ങ്ങ​ളു​മാ​യി അവർ ഓരോ​രു​ത്ത​രു​ടെ​യും അടുത്ത്‌ ചെല്ലും. ഹാളിന്റെ പ്രവേ​ശ​ന​ക​വാ​ട​ത്തിന്‌ അടുത്തുള്ള മേശക​ളി​ലും നിറയെ പ്രസി​ദ്ധീ​ക​ര​ണങ്ങൾ വെച്ചി​രു​ന്നു.” 1925-ൽ ഷാളിനു ന്യൂ​യോർക്കി​ലെ ബ്രൂക്‌ലി​നി​ലുള്ള ബഥേലി​ലേക്കു ക്ഷണം കിട്ടി. പുതു​താ​യി സ്ഥാപി​ത​മായ ഡബ്ല്യു​ബി​ബി​ആർ റേഡി​യോ  നിലയ​ത്തി​ന്റെ ഓർക്കെസ്‌ട്രയ്‌ക്കു നേതൃ​ത്വം കൊടു​ക്കു​ന്ന​താ​യി​രു​ന്നു അവിടത്തെ നിയമനം. റോണേർ സഹോ​ദ​രന്റെ മാതൃക കണ്ട നമ്മൾ നമ്മളോ​ടു​തന്നെ ഇങ്ങനെ ചോദി​ക്കു​ന്നതു നല്ലതാണ്‌: ‘ദൈവ​രാ​ജ്യ​സ​ന്ദേശം വ്യാപി​പ്പി​ക്കാൻ സഹായി​ക്കുന്ന ഏതു നിയമനം കിട്ടി​യാ​ലും അത്‌ ഏറ്റെടു​ക്കാൻ ഞാൻ തയ്യാറാ​ണോ?’—യശയ്യ 6:8 വായി​ക്കുക.

13, 14. സന്തോ​ഷ​വാർത്ത വ്യാപി​പ്പി​ക്കാൻ റേഡി​യോ ഉപയോ​ഗി​ച്ചത്‌ എങ്ങനെ? (“ ഡബ്ല്യു​ബി​ബി​ആർ-ലെ പരിപാ​ടി​കൾ” എന്ന ചതുര​വും “ ചരി​ത്ര​പ്ര​ധാ​ന​മായ ഒരു കൺ​വെൻ​ഷൻ” എന്ന ചതുര​വും കാണുക.)

¹³ റേഡി​യോ. 1920-കളിൽ “ഫോട്ടോ നാടക”വുമായി ബന്ധപ്പെട്ട പ്രവർത്ത​ന​ങ്ങ​ളു​ടെ വേഗം കുറഞ്ഞു​തു​ടങ്ങി. പക്ഷേ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കാ​നുള്ള ഒരു സുപ്ര​ധാ​ന​മാർഗ​മെന്ന നിലയിൽ റേഡി​യോ രംഗ​പ്ര​വേശം ചെയ്‌തു. 1922 ഏപ്രിൽ 16-നു റഥർഫോർഡ്‌ സഹോ​ദരൻ പെൻസിൽവേ​നി​യ​യി​ലെ ഫിലാ​ഡെൽഫി​യ​യി​ലുള്ള മെ​ട്രോ​പോ​ളി​റ്റൻ ഓപ്പറ ഹൗസിൽ​നിന്ന്‌ ചരിത്രപ്രധാനമായ ഒരു റേഡി​യോ​പ്ര​ഭാ​ഷണം നടത്തി. “ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്ക​യില്ല” എന്ന ആ പ്രസംഗം 50,000-ത്തോളം ആളുകൾ കേട്ടി​ട്ടു​ണ്ടാ​കും എന്നാണു കണക്ക്‌. 1923-ൽ ആദ്യമാ​യി കൺ​വെൻ​ഷന്റെ ഒരു ഭാഗവും പ്രക്ഷേ​പണം ചെയ്‌തു. വാണി​ജ്യാ​ടി​സ്ഥാ​ന​ത്തിൽ പ്രവർത്തി​ക്കുന്ന റേഡി​യോ നിലയങ്ങൾ അന്നു നമ്മൾ ഉപയോ​ഗി​ച്ചി​രു​ന്നെ​ങ്കി​ലും നമുക്കു സ്വന്തമാ​യി ഒരു റേഡി​യോ നിലയം ഉള്ളതു നല്ലതാ​ണെന്നു കണ്ട്‌ അത്തരം ഒരെണ്ണം നിർമി​ക്കാൻ, നേതൃ​ത്വ​മെ​ടു​ക്കു​ന്നവർ തീരു​മാ​നി​ച്ചു. ന്യൂ​യോർക്കി​ലെ സ്റ്റേറ്റൺ ദ്വീപിൽ പണിത ആ നിലയം ഡബ്ല്യു​ബി​ബി​ആർ എന്ന പേരിൽ രജിസ്റ്റർ ചെയ്യു​ക​യു​ണ്ടാ​യി. 1924 ഫെബ്രു​വരി 24-ാം തീയതി അവി​ടെ​നിന്ന്‌ ആദ്യപ​രി​പാ​ടി പ്രക്ഷേ​പണം ചെയ്‌തു.

¹⁴ ഡബ്ല്യു​ബി​ബി​ആർ-ന്റെ ഉദ്ദേശ്യ​ത്തെ​ക്കു​റിച്ച്‌ 1924 ഡിസംബർ 1 ലക്കം വീക്ഷാ​ഗോ​പു​രം ഇങ്ങനെ വിശദീ​ക​രി​ച്ചു: “സത്യ​ത്തെ​ക്കു​റി​ച്ചുള്ള സന്ദേശം വ്യാപി​പ്പി​ക്കാൻ ഇതേവരെ ഉപയോ​ഗി​ച്ചി​ട്ടു​ള്ള​തിൽവെച്ച്‌ ഏറ്റവും പണച്ചെ​ലവ്‌ കുറഞ്ഞ​തും ഫലപ്ര​ദ​വും ആയ രീതി​യാ​ണു റേഡി​യോ എന്നു ഞങ്ങൾ വിശ്വ​സി​ക്കു​ന്നു.” ആ ലേഖനം ഇങ്ങനെ​യും പറഞ്ഞു: “സത്യം വ്യാപി​പ്പി​ക്കാൻ ഇനിയും റേഡി​യോ നിലയങ്ങൾ പണി​യേ​ണ്ട​തു​ണ്ടെ​ന്ന​താ​ണു കർത്താ​വി​ന്റെ ഹിത​മെ​ങ്കിൽ അതിനു വേണ്ട പണം തന്റേതായ രീതി​യിൽ കർത്താവ്‌ തരുക​തന്നെ ചെയ്യും.” (സങ്കീ. 127:1) 1926 ആയപ്പോ​ഴേ​ക്കും യഹോ​വ​യു​ടെ ജനത്തിന്‌ ആറു റേഡി​യോ നിലയങ്ങൾ സ്വന്തമാ​യു​ണ്ടാ​യി​രു​ന്നു. രണ്ടെണ്ണം ഐക്യ​നാ​ടു​ക​ളി​ലാ​യി​രു​ന്നു—ന്യൂ​യോർക്കി​ലെ ഡബ്ല്യു​ബി​ബി​ആർ-ഉം ചിക്കാ​ഗോയ്‌ക്ക​ടു​ത്തുള്ള ഡബ്ല്യു​ഓ​ആർഡി-യും. മറ്റു നാലെണ്ണം കാനഡ​യി​ലെ ആൽബെർട്ട, ബ്രിട്ടീഷ്‌ കൊളം​ബിയ, ഒണ്ടേറി​യോ, സസ്‌കാ​ച്ചി​വാൻ എന്നിവി​ട​ങ്ങ​ളി​ലാ​യി​രു​ന്നു.

15, 16. (എ) നമ്മുടെ റേഡി​യോ പ്രക്ഷേ​പ​ണ​ങ്ങ​ളോ​ടു കാനഡ​യി​ലെ വൈദി​കർ പ്രതി​ക​രി​ച്ചത്‌ എങ്ങനെ? (ബി) റേഡി​യോ പ്രഭാ​ഷ​ണ​ങ്ങ​ളും വീടു​തോ​റു​മുള്ള പ്രവർത്ത​ന​വും പരസ്‌പ​ര​പൂ​ര​ക​ങ്ങ​ളാ​യി​രു​ന്നത്‌ എങ്ങനെ?

¹⁵ ബൈബിൾസ​ത്യ​ങ്ങൾ ഇത്ര വ്യാപ​ക​മാ​യി പ്രക്ഷേ​പണം ചെയ്യു​ന്നതു ക്രൈസ്‌ത​വ​ലോ​ക​ത്തി​ലെ വൈദി​ക​രു​ടെ ശ്രദ്ധയിൽപ്പെ​ടാ​തി​രു​ന്നില്ല. കാനഡ​യി​ലെ സസ്‌കാ​ച്ചി​വാ​നി​ലുള്ള റേഡി​യോ നിലയ​ത്തി​ന്റെ പ്രവർത്ത​നങ്ങൾ അടുത്ത​റി​യാ​മാ​യി​രുന്ന ആൽബർട്ട്‌ ഹോഫ്‌മാൻ പറയുന്നു: “കൂടു​തൽക്കൂ​ടു​തൽ ആളുകൾ ബൈബിൾവി​ദ്യാർഥി​ക​ളെ​ക്കു​റിച്ച്‌ (അന്ന്‌ യഹോ​വ​യു​ടെ സാക്ഷികൾ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌.) അറിയാൻ തുടങ്ങി. മറ്റുള്ള​വരെ സത്യം അറിയി​ക്കുന്ന പ്രവർത്തനം 1928 വരെ ഗംഭീ​ര​മാ​യി മുന്നോ​ട്ടു​പോ​യെന്നു പറയാം. എന്നാൽ ഉദ്യോ​ഗ​സ്ഥ​രു​ടെ​മേൽ വൈദി​കർ ചെലു​ത്തിയ സമ്മർദം കാരണം, ബൈബിൾവി​ദ്യാർഥി​കൾ കാനഡ​യിൽ നടത്തി​യി​രുന്ന എല്ലാ റേഡി​യോ നിലയ​ങ്ങൾക്കും ആ വർഷം ലൈസൻസ്‌ നഷ്ടമായി.”

¹⁶ കാനഡ​യി​ലെ നമ്മുടെ റേഡി​യോ നിലയങ്ങൾ അടച്ചു​പൂ​ട്ടി​യെ​ങ്കി​ലും വാണി​ജ്യാ​ടി​സ്ഥാ​ന​ത്തിൽ പ്രവർത്തി​ക്കുന്ന റേഡി​യോ നിലയ​ങ്ങ​ളി​ലൂ​ടെ തുടർന്നും ബൈബിൾപ്ര​ഭാ​ഷ​ണങ്ങൾ പ്രക്ഷേ​പണം ചെയ്‌തു​പോ​ന്നു. (മത്താ. 10:23) ആ പരിപാ​ടി​ക​ളു​ടെ ഫലപ്ര​ദ​ത്വ​ത്തി​നു മൂർച്ച കൂട്ടാൻ മറ്റൊരു കാര്യ​വും ചെയ്‌തു. ബൈബിൾസ​ത്യ​ങ്ങൾ പ്രക്ഷേ​പണം ചെയ്യുന്ന അത്തരം റേഡി​യോ നിലയ​ങ്ങ​ളു​ടെ പേരുകൾ വീക്ഷാ​ഗോ​പു​രം മാസി​ക​യി​ലും സുവർണ​യു​ഗം (ഇന്ന്‌  ഉണരുക! എന്ന്‌ അറിയ​പ്പെ​ടു​ന്നു.) മാസി​ക​യി​ലും പ്രസി​ദ്ധീ​ക​രി​ക്കാൻതു​ടങ്ങി. അതു വീടു​തോ​റും പ്രവർത്തി​ക്കുന്ന പ്രചാ​ര​കർക്ക്‌ ഒരു സൗകര്യ​മാ​യി. കാരണം, ബൈബിൾപ്ര​ഭാ​ഷ​ണങ്ങൾ അവരവ​രു​ടെ പ്രാ​ദേ​ശി​ക​നി​ല​യ​ങ്ങ​ളി​ലൂ​ടെ​ത്തന്നെ കേൾക്കാൻ അവർക്ക്‌ ആളുകളെ പ്രോ​ത്സാ​ഹി​പ്പി​ക്കാ​നാ​യി. എന്തായി​രു​ന്നു ഫലം? 1931 ജനുവരി ലക്കം ബുള്ളറ്റിൻ പറയുന്നു: “വീടു​തോ​റും പോയി പ്രസം​ഗി​ക്കുന്ന നമ്മുടെ സുഹൃ​ത്തു​ക്കൾക്കു റേഡി​യോ ശരിക്കും ഒരു ഉത്തേജ​ന​മാണ്‌. പലയാ​ളു​ക​ളും നമ്മുടെ റേഡി​യോ പരിപാ​ടി​കൾ കേട്ടെ​ന്നും റഥർഫോർഡ്‌ സഹോ​ദ​രന്റെ പ്രസം​ഗങ്ങൾ കേട്ടതു​കൊണ്ട്‌ നമ്മൾ കൊടു​ക്കുന്ന പുസ്‌ത​കങ്ങൾ ഇരു​കൈ​യും നീട്ടി സ്വീക​രി​ച്ചെ​ന്നും പറഞ്ഞു​കൊ​ണ്ടുള്ള അനേകം റിപ്പോർട്ടു​കൾ ഓഫീ​സിൽ ലഭിച്ചി​ട്ടുണ്ട്‌.” റേഡി​യോ പ്രക്ഷേ​പ​ണ​ത്തെ​യും വീടു​തോ​റു​മുള്ള പ്രവർത്ത​ന​ത്തെ​യും, “കർത്താ​വി​ന്റെ സംഘട​ന​യു​ടെ രണ്ടു വലിയ പ്രചാ​ര​ണ​ശാ​ഖകൾ” എന്നാണു ബുള്ളറ്റിൻ വിളി​ച്ചത്‌.

17, 18. സാഹച​ര്യ​ങ്ങൾ മാറി​വ​ന്നെ​ങ്കി​ലും സത്യം അറിയി​ക്കു​ന്ന​തിൽ റേഡി​യോ തുടർന്നും ഒരു പങ്കു വഹിച്ചത്‌ എങ്ങനെ?

¹⁷ വാണി​ജ്യാ​ടി​സ്ഥാ​ന​ത്തിൽ പ്രവർത്തി​ക്കുന്ന റേഡി​യോ നിലയങ്ങൾ നമ്മൾ ഉപയോ​ഗി​ക്കു​ന്ന​തി​നോട്‌ 1930-കളിൽ എതിർപ്പു​കൾ കൂടി​വന്നു. അതു​കൊണ്ട്‌ മാറിവന്ന സാഹച​ര്യ​ങ്ങൾക്ക​നു​സ​രിച്ച്‌ യഹോ​വ​യു​ടെ ജനവും ചില മാറ്റങ്ങൾ വരുത്തി. 1937-ന്റെ ഒടുവിൽ, വാണി​ജ്യാ​ടി​സ്ഥാ​ന​ത്തിൽ പ്രവർത്തി​ക്കുന്ന റേഡി​യോ നിലയ​ങ്ങ​ളി​ലൂ​ടെ പരിപാ​ടി​കൾ പ്രക്ഷേ​പണം ചെയ്യു​ന്ന​തിൽനിന്ന്‌ അവർ പിന്മാറി. എന്നിട്ട്‌, വീടു​തോ​റു​മുള്ള പ്രവർത്ത​ന​ത്തിൽ കൂടുതൽ ശ്രദ്ധ കേന്ദ്രീ​ക​രി​ക്കാൻ തുടങ്ങി. a എങ്കിലും ചില ഉൾനാ​ടൻപ്ര​ദേ​ശ​ങ്ങ​ളി​ലും രാഷ്‌ട്രീ​യ​കാ​ര​ണ​ങ്ങ​ളാൽ ഒറ്റപ്പെ​ട്ടു​കി​ട​ക്കുന്ന ചില നാടു​ക​ളി​ലും രാജ്യ​സ​ന്ദേശം എത്തിക്കു​ന്ന​തിൽ റേഡി​യോ തുടർന്നും വലിയ പങ്കു വഹിച്ചു. ഉദാഹ​ര​ണ​ത്തിന്‌, 1951 മുതൽ 1991 വരെയുള്ള കാലത്ത്‌ ജർമനി​യി​ലെ പടിഞ്ഞാ​റൻ ബർലി​നി​ലുള്ള ഒരു നിലയം പതിവാ​യി ബൈബിൾപ്ര​ഭാ​ഷ​ണങ്ങൾ പ്രക്ഷേ​പണം ചെയ്‌ത​തു​കൊണ്ട്‌, അന്നത്തെ കിഴക്കൻ ജർമനി​യു​ടെ ചില ഭാഗങ്ങ​ളിൽ താമസി​ച്ചി​രു​ന്ന​വർക്കു രാജ്യ​സ​ന്ദേശം കേൾക്കാ​നാ​യി. 1961-ൽ തുടങ്ങി മൂന്നു പതിറ്റാ​ണ്ടി​ലേറെ കാലം തെക്കേ അമേരി​ക്ക​യി​ലെ സുരി​നാ​മി​ലെ ഒരു ദേശീയ റേഡി​യോ നിലയം ബൈബിൾസ​ത്യ​ങ്ങൾ പ്രസി​ദ്ധ​മാ​ക്കുന്ന ഒരു 15 മിനിട്ടു പരിപാ​ടി ആഴ്‌ച​തോ​റും സം​പ്രേ​ഷണം ചെയ്‌തു. 1969 മുതൽ 1977 വരെയുള്ള കാലത്ത്‌ സംഘടന, “എല്ലാ തിരു​വെ​ഴു​ത്തും പ്രയോ​ജ​ന​പ്ര​ദ​മാ​കു​ന്നു” എന്ന പരമ്പര​യിൽ, 350-ലധികം റേഡി​യോ പരിപാ​ടി​കൾ റെക്കോർഡ്‌ ചെയ്‌ത്‌ തയ്യാറാ​ക്കി. ഐക്യ​നാ​ടു​ക​ളി​ലെ 48 സംസ്ഥാ​ന​ങ്ങ​ളി​ലാ​യി 291 റേഡി​യോ നിലയ​ങ്ങ​ളാ​ണു പരിപാ​ടി​കൾ പ്രക്ഷേ​പണം ചെയ്‌തത്‌. 1996-ൽ തെക്കൻ പസിഫിക്‌ രാഷ്‌ട്ര​മായ സമോ​വ​യു​ടെ തലസ്ഥാ​ന​ന​ഗ​ര​മായ അപ്പിയ​യി​ലെ ഒരു റേഡി​യോ നിലയം “നിങ്ങളു​ടെ ബൈബിൾചോ​ദ്യ​ങ്ങൾക്കുള്ള ഉത്തരങ്ങൾ” എന്ന പേരിൽ ആഴ്‌ച​തോ​റും ഒരു പരിപാ​ടി സം​പ്രേ​ഷണം ചെയ്‌തു.

¹⁸ 20-ാം നൂറ്റാ​ണ്ടി​ന്റെ അവസാ​ന​ത്തോ​ട​ടുത്ത്‌, സന്തോ​ഷ​വാർത്ത പ്രസി​ദ്ധ​മാ​ക്കുന്ന കാര്യ​ത്തിൽ റേഡി​യോയ്‌ക്കുള്ള പ്രസക്തി നഷ്ടമായി. എന്നാൽ ഏറ്റവും അധികം ആളുക​ളു​ടെ അടുത്ത്‌ സത്യം എത്തിക്കാൻ സഹായി​ച്ചെന്നു ചരിത്രം സാക്ഷ്യ​പ്പെ​ടു​ത്തിയ പുതി​യൊ​രു സാങ്കേ​തി​ക​വി​ദ്യ അപ്പോൾ രംഗ​പ്ര​വേശം ചെയ്‌തു.

19, 20. യഹോ​വ​യു​ടെ ജനം jw.org വെബ്‌സൈറ്റ്‌ നിർമി​ച്ചത്‌ എന്തു​കൊണ്ട്‌, അത്‌ എത്ര ഫലപ്ര​ദ​മാണ്‌? (“ JW.ORG” എന്ന ചതുര​വും കാണുക.)

¹⁹ ഇന്റർനെറ്റ്‌. 2013-ലെ കണക്കനു​സ​രിച്ച്‌ 270 കോടി​യി​ലേറെ ആളുകൾക്ക്‌, അതായത്‌ ലോക​ജ​ന​സം​ഖ്യ​യു​ടെ ഏതാണ്ട്‌ 40 ശതമാ​ന​ത്തിന്‌, ഇന്റർനെറ്റ്‌ സൗകര്യം ലഭ്യമാണ്‌. ചില കണക്കുകൾ സൂചി​പ്പി​ക്കു​ന്നത്‌ ഏകദേശം 200 കോടി ആളുകൾ ഇന്റർനെറ്റ്‌ ഉപയോ​ഗി​ക്കു​ന്നതു സ്‌മാർട്ട്‌ഫോ​ണു​ക​ളോ ടാബ്‌ല​റ്റു​ക​ളോ പോലെ കൈയിൽ കൊണ്ടു​ന​ട​ക്കാ​വുന്ന ഉപകര​ണ​ങ്ങ​ളി​ലാ​ണെ​ന്നാണ്‌. ലോക​മെ​ങ്ങും ആ സംഖ്യ കുതി​ച്ചു​യ​രു​ക​യാണ്‌. എന്നാൽ മൊ​ബൈ​ലിൽ ഇന്റർനെറ്റ്‌ ഉപയോ​ഗി​ക്കു​ന്ന​വ​രു​ടെ സംഖ്യ​യിൽ ഏറ്റവും വലിയ കുതി​ച്ചു​ചാ​ട്ടം കാണു​ന്നത്‌ ആഫ്രി​ക്ക​യി​ലാണ്‌. അവിടെ ഇപ്പോൾ ഒൻപതു കോടി മൊ​ബൈൽ ഇന്റർനെറ്റ്‌  വരിക്കാ​രുണ്ട്‌. ഈ സംഭവ​വി​കാ​സങ്ങൾ കാരണം പലർക്കും വിവരങ്ങൾ ലഭിക്കുന്ന രീതിക്ക്‌ അടിമു​ടി മാറ്റം വന്നിരി​ക്കു​ക​യാണ്‌.

²⁰ 1997 മുതൽ യഹോ​വ​യു​ടെ ജനം ഈ ബഹുജന വാർത്താ​വി​നി​മ​യോ​പാ​ധി ഉപയോ​ഗ​പ്പെ​ടു​ത്താൻ തുടങ്ങി. 2013-ൽ jw.org വെബ്‌സൈറ്റ്‌ 300-ഓളം ഭാഷക​ളിൽ ലഭ്യമാ​യി​രു​ന്നു. 520-ലധികം ഭാഷക​ളിൽ ബൈബി​ള​ധിഷ്‌ഠി​ത​വി​വ​രങ്ങൾ ഡൗൺലോഡ്‌ ചെയ്യാ​നുള്ള സൗകര്യ​വും ഒരുക്കി​യി​രു​ന്നു. ആ സൈറ്റ്‌ സന്ദർശി​ക്കു​ന്ന​വ​രു​ടെ എണ്ണമോ? ഓരോ ദിവസ​വും 7,50,000-ത്തിലധി​കം ഉപകര​ണ​ങ്ങ​ളിൽനി​ന്നുള്ള സന്ദർശ​ന​ങ്ങ​ളാ​ണു രേഖ​പ്പെ​ടു​ത്തു​ന്നത്‌. സൈറ്റി​ലെ അനേകം വീഡി​യോ​കൾ കാണു​ന്ന​തി​നു പുറമേ, പൂർണ​രൂ​പ​ത്തി​ലുള്ള 30 ലക്ഷം പുസ്‌ത​കങ്ങൾ, 40 ലക്ഷം മാസി​കകൾ, 2 കോടി 20 ലക്ഷം ഓഡി​യോ റെക്കോർഡി​ങ്ങു​കൾ എന്നിവ​യാണ്‌ ഓരോ മാസവും ആളുകൾ ഡൗൺലോഡ്‌ ചെയ്യു​ന്നത്‌.

21. സീനയു​ടെ അനുഭ​വ​ക​ഥ​യിൽനിന്ന്‌ നിങ്ങൾക്ക്‌ എന്തു മനസ്സി​ലാ​യി?

²¹ നമ്മുടെ പ്രസം​ഗ​പ്ര​വർത്ത​ന​ത്തി​നു നിയ​ന്ത്ര​ണ​ങ്ങ​ളുള്ള നാടുകൾ ഉൾപ്പെടെ എല്ലാ സ്ഥലങ്ങളി​ലും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത വ്യാപി​പ്പി​ക്കാൻ സഹായി​ക്കുന്ന അതിശ​ക്ത​മായ ഒരു ഉപാധി​യാ​യി മാറി​യി​രി​ക്കു​ക​യാണ്‌ ആ വെബ്‌സൈറ്റ്‌ ഇന്ന്‌. ഉദാഹ​ര​ണ​ത്തിന്‌ 2013-ന്റെ തുടക്ക​ത്തിൽ സീന എന്നൊ​രാൾ jw.org സൈറ്റ്‌ കണ്ട്‌ ഐക്യ​നാ​ടു​ക​ളി​ലുള്ള ലോകാ​സ്ഥാ​ന​ത്തേക്കു വിളി​ക്കു​ക​യു​ണ്ടാ​യി. ബൈബി​ളി​നെ​ക്കു​റിച്ച്‌ കൂടുതൽ കാര്യങ്ങൾ അറിയ​ണ​മെ​ന്നാ​യി​രു​ന്നു ആവശ്യം. ഇതിൽ ഇത്ര അസാധാ​ര​ണ​മാ​യി എന്തിരി​ക്കു​ന്നു? മുസ്ലീം പശ്ചാത്ത​ല​ത്തിൽനി​ന്നുള്ള സീന, യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ങ്ങൾക്കു കർശന​നി​യ​ന്ത്ര​ണ​ങ്ങ​ളുള്ള ഒരു രാജ്യത്തെ ഉൾനാടൻ ഗ്രാമ​ത്തിൽനി​ന്നു​ള്ള​യാ​ളാണ്‌. ആ സംഭാ​ഷ​ണ​ത്തെ​ത്തു​ടർന്ന്‌, ഇന്റർനെറ്റ്‌ വീഡി​യോ സൗകര്യം ഉപയോ​ഗിച്ച്‌ ഐക്യ​നാ​ടു​ക​ളി​ലെ ഒരു സാക്ഷി​യോ​ടൊ​പ്പം ആഴ്‌ച​യിൽ രണ്ടു തവണ ബൈബിൾ പഠിക്കാ​നുള്ള സൗകര്യം സീനയ്‌ക്കു ചെയ്‌തു​കൊ​ടു​ത്തു.

22, 23. (എ) ജനസഹ​സ്ര​ങ്ങ​ളോ​ടു സന്തോ​ഷ​വാർത്ത അറിയി​ക്കുന്ന ചില രീതികൾ വന്നതോ​ടെ വീടു​തോ​റു​മുള്ള ശുശ്രൂ​ഷ​യു​ടെ പ്രാധാ​ന്യം നഷ്ടമാ​യോ? (ബി) ദൈവ​രാ​ജ്യ​ത്തി​ന്റെ രാജാവ്‌ നമ്മുടെ ശ്രമങ്ങളെ അനു​ഗ്ര​ഹി​ച്ചി​രി​ക്കു​ന്നത്‌ എങ്ങനെ?

²² പത്രങ്ങൾ, “ഫോട്ടോ നാടകം,” റേഡി​യോ പരിപാ​ടി​കൾ, വെബ്‌സൈറ്റ്‌ എന്നിങ്ങനെ ജനസഹ​സ്ര​ങ്ങ​ളു​ടെ അടുത്ത്‌ സത്യം എത്തിക്കാൻ നമ്മൾ ഉപയോ​ഗി​ച്ചി​രി​ക്കുന്ന രീതി​ക​ളൊ​ന്നും വീടു​തോ​റു​മുള്ള ശുശ്രൂ​ഷയ്‌ക്കു പകരം​വെ​ക്കാൻ  ഉദ്ദേശി​ച്ചു​ള്ള​ത​ല്ലാ​യി​രു​ന്നു. എന്തു​കൊണ്ട്‌? കാരണം യേശു വെച്ച മാതൃക പിൻപ​റ്റു​ന്ന​വ​രാണ്‌ യഹോ​വ​യു​ടെ ജനം. യേശു വലിയ ജനക്കൂ​ട്ട​ങ്ങ​ളോ​ടു പ്രസം​ഗി​ച്ചു എന്നതു ശരിയാണ്‌. പക്ഷേ ആളുകളെ വ്യക്തി​പ​ര​മാ​യി സഹായി​ക്കു​ന്ന​തി​നു യേശു വലിയ ശ്രദ്ധ കൊടു​ത്തു. (ലൂക്കോ. 19:1-5) അതുതന്നെ ചെയ്യാൻ ശിഷ്യ​ന്മാ​രെ​യും പരിശീ​ലി​പ്പി​ച്ചു. അറിയി​ക്കേണ്ട സന്ദേശ​വും അവർക്കു പറഞ്ഞു​കൊ​ടു​ത്തു. (ലൂക്കോസ്‌ 10:1, 8-11 വായി​ക്കുക.) ആറാം അധ്യാ​യ​ത്തിൽ കണ്ടതു​പോ​ലെ, യഹോ​വ​യു​ടെ ജനത്തിനു നേതൃ​ത്വ​മെ​ടു​ക്കു​ന്നവർ എല്ലാ കാലത്തും ഓരോ ദൈവ​ദാ​സ​നെ​യും ഒരു പ്രത്യേ​ക​കാ​ര്യ​ത്തി​നു പ്രോ​ത്സാ​ഹി​പ്പി​ച്ചി​ട്ടുണ്ട്‌. ആളുകളെ നേരിട്ട്‌ കണ്ട്‌ സംസാ​രി​ക്കുക എന്നതാ​യി​രു​ന്നു അത്‌!—പ്രവൃ. 5:42; 20:20.

²³ ദൈവ​രാ​ജ്യം പിറന്നിട്ട്‌ 100 വർഷം പിന്നിട്ട ഈ വേളയിൽ ദൈവ​ത്തി​ന്റെ ഉദ്ദേശ്യ​ങ്ങ​ളെ​ക്കു​റിച്ച്‌ ഊർജ​സ്വ​ല​ത​യോ​ടെ പഠിപ്പി​ക്കുന്ന പ്രചാ​ര​ക​രു​ടെ എണ്ണം 79 ലക്ഷത്തി​ല​ധി​കം വരും! ദൈവ​രാ​ജ്യം പ്രസി​ദ്ധ​മാ​ക്കാ​നാ​യി നമ്മൾ ഉപയോ​ഗി​ച്ചി​രി​ക്കുന്ന രീതി​കളെ നമ്മുടെ രാജാവ്‌ അനു​ഗ്ര​ഹി​ച്ചി​ട്ടു​ണ്ടെന്ന കാര്യ​ത്തിൽ സംശയ​മേ​തു​മില്ല. എല്ലാ ജനതക​ളി​ലും ഗോ​ത്ര​ങ്ങ​ളി​ലും ഭാഷക​ളി​ലും പെട്ടവ​രോ​ടു സന്തോ​ഷ​വാർത്ത അറിയി​ക്കാൻ ആവശ്യ​മായ ഉപകര​ണ​ങ്ങ​ളും ആ രാജാവ്‌ നമുക്കു തന്നിട്ടുണ്ട്‌. അടുത്ത അധ്യാ​യ​ത്തിൽ അതാണു കാണാൻപോ​കു​ന്നത്‌.—വെളി. 14:6.