1, 2. (എ) ശിഷ്യ​ന്മാർ കുഴങ്ങി​യി​രി​ക്കു​ന്നത്‌ എന്തു​കൊണ്ട്‌? (ബി) യേശു ഏതുതരം കൊയ്‌ത്തി​നെ​ക്കു​റി​ച്ചാ​ണു സംസാ​രി​ച്ചത്‌?

 ശിഷ്യ​ന്മാർ കുഴങ്ങി​യി​രി​ക്കു​ക​യാണ്‌. യേശു അവരോട്‌ ഇങ്ങനെ പറഞ്ഞതാ​ണു കാരണം: “തല പൊക്കി വയലി​ലേക്കു നോക്കുക. അവ കൊയ്‌ത്തി​നു പാകമാ​യി​രി​ക്കു​ന്നു (“വെളു​ത്തി​രി​ക്കു​ന്നു,” സത്യ​വേ​ദ​പുസ്‌തകം).” യേശു ചൂണ്ടി​ക്കാ​ണിച്ച ദിക്കി​ലേക്ക്‌ അവർ നോക്കു​ന്നു. അവർ കാണു​ന്നതു വെളുത്ത വയലു​കളല്ല, പുതു​നാ​മ്പു​കൾ കിളിർത്ത്‌ ആകെ പച്ചപുതച്ച ബാർളി വയലു​ക​ളാണ്‌. ‘കൊയ്‌ത്തോ? കൊയ്‌ത്തിന്‌ ഇനിയും മാസങ്ങൾ കഴിയ​ണ​മ​ല്ലോ?’ അവർ ഇങ്ങനെ ചിന്തി​ച്ചു​കാ​ണും.—യോഹ. 4:35.

² യേശു ഏതെങ്കി​ലും വയൽ കൊയ്യു​ന്ന​തി​നെ​ക്കു​റിച്ച്‌ പറയു​ക​യാ​യി​രു​ന്നില്ല. മറിച്ച്‌ ‘ആളുകളെ കൊയ്‌തെ​ടു​ക്കുന്ന’ ഒരു ആത്മീയ കൊയ്‌ത്തി​നെ​പ്പറ്റി രണ്ടു സുപ്ര​ധാ​ന​പാ​ഠങ്ങൾ ശിഷ്യ​ന്മാ​രെ പഠിപ്പി​ക്കാൻ യേശു ആ അവസരം ഉപയോ​ഗി​ക്കു​ക​യാ​യി​രു​ന്നു. ഏതൊ​ക്കെ​യാണ്‌ ആ പാഠങ്ങൾ? അതു മനസ്സി​ലാ​ക്കു​ന്ന​തി​നു നമുക്ക്‌ ആ വിവരണം ഒന്ന്‌ അടുത്ത്‌ പരി​ശോ​ധി​ക്കാം.

3. (എ) വയലുകൾ ‘കൊയ്‌ത്തി​നു വെളു​ത്തി​രി​ക്കു​ന്നു’ എന്നു പറയാൻ യേശു​വി​നെ പ്രേരി​പ്പി​ച്ചത്‌ എന്തായി​രി​ക്കാം? (അടിക്കു​റി​പ്പു കാണുക.) (ബി) യേശു തന്റെ വാക്കുകൾ വിശദീ​ക​രി​ച്ചത്‌ എങ്ങനെ?

³ യേശു​വും ശിഷ്യ​ന്മാ​രും തമ്മിലുള്ള സംഭാ​ഷണം നടന്നതു ശമര്യ​യി​ലെ ഒരു പട്ടണമായ സുഖാ​റിന്‌ അടുത്തു​വെച്ച്‌ എ.ഡി. 30-ന്റെ അവസാ​ന​ത്തി​ലാ​യി​രു​ന്നു. ശിഷ്യ​ന്മാർ പട്ടണത്തി​ലേക്കു പോയ​പ്പോൾ യേശു അവി​ടെ​യുള്ള കിണറിന്‌ അടുത്ത്‌ ഇരുന്ന്‌, വെള്ളം കോരാൻ വന്ന ഒരു സ്‌ത്രീ​യോട്‌ ആത്മീയ​സ​ത്യ​ങ്ങൾ പങ്കു​വെച്ചു. ആ സ്‌ത്രീ യേശു​വി​ന്റെ പഠിപ്പി​ക്ക​ലു​ക​ളു​ടെ പ്രാധാ​ന്യം പെട്ടെ​ന്നു​തന്നെ മനസ്സി​ലാ​ക്കി. ശിഷ്യ​ന്മാർ മടങ്ങി​യെ​ത്തി​യ​പ്പോൾ, സ്‌ത്രീ യേശു​വിൽനിന്ന്‌ പഠിച്ച അതിശ​യ​ക​ര​മായ കാര്യങ്ങൾ അയൽക്കാ​രോ​ടു പറയു​ന്ന​തി​നു സുഖാർ പട്ടണത്തി​ലേക്കു തിരക്കി​ട്ടു പോയി. ആ സ്‌ത്രീ പറഞ്ഞതു കേട്ട അയൽക്കാർക്കു വളരെ താത്‌പ​ര്യം തോന്നി. പലരും യേശു​വി​നെ കാണാൻ പെട്ടെ​ന്നു​തന്നെ ആ കിണറ്റിൻക​ര​യി​ലേക്കു ചെന്നു. അങ്ങു ദൂരെ, വയലു​കൾക്ക്‌ അപ്പുറ​ത്തു​നിന്ന്‌ തന്റെ അടു​ത്തേക്കു വരുന്ന ശമര്യ​ക്കാ​രു​ടെ ആ കൂട്ടത്തെ കണ്ട നിമി​ഷ​മാ​യി​രി​ക്കാം യേശു ഇങ്ങനെ പറഞ്ഞത്‌: “വയലി​ലേക്കു നോക്കുക. അവ കൊയ്‌ത്തി​നു പാകമാ​യി​രി​ക്കു​ന്നു (“വെളു​ത്തി​രി​ക്കു​ന്നു,” സത്യ​വേ​ദ​പുസ്‌തകം).” a താൻ പറഞ്ഞത്‌ അക്ഷരീ​യ​മായ ഒരു കൊയ്‌ത്തി​നെ​ക്കു​റി​ച്ച​ല്ലെ​ന്നും ആത്മീയ​മായ ഒരു കൊയ്‌ത്തി​നെ​ക്കു​റി​ച്ചാ​ണെ​ന്നും വ്യക്തമാ​ക്കി​ക്കൊണ്ട്‌ യേശു ഇങ്ങനെ കൂട്ടി​ച്ചേർത്തു: “കൊയ്‌ത്തു​കാ​രൻ . . . നിത്യ​ജീ​വ​നു​വേ​ണ്ടി​യുള്ള വിളവ്‌ ശേഖരി​ച്ചു​തു​ട​ങ്ങി​ക്ക​ഴി​ഞ്ഞു.”—യോഹ. 4:5-30, 36.

4. (എ) കൊയ്‌ത്തി​നെ​ക്കു​റിച്ച്‌ യേശു പഠിപ്പിച്ച രണ്ടു പാഠങ്ങൾ ഏതെല്ലാം? (ബി) നമ്മൾ ഏതെല്ലാം ചോദ്യ​ങ്ങൾ പരിഗ​ണി​ക്കും?

⁴ ആത്മീയ​കൊയ്‌ത്തി​നെ​ക്കു​റി​ച്ചുള്ള ഏതു രണ്ടു പ്രധാ​ന​പാ​ഠ​ങ്ങ​ളാ​ണു  യേശു പഠിപ്പി​ച്ചത്‌? ഒന്ന്‌, ജോലി പെട്ടെന്നു ചെയ്‌തു​തീർക്കേ​ണ്ട​തുണ്ട്‌. ‘വയലുകൾ കൊയ്‌ത്തി​നു പാകമാ​യി​രി​ക്കു​ന്നു’ എന്ന യേശു​വി​ന്റെ വാക്കുകൾ ശിഷ്യ​ന്മാർക്കു പ്രവർത്ത​ന​ത്തി​നുള്ള ഒരു ആഹ്വാ​ന​മാ​യി​രു​ന്നു. ഈ പ്രവർത്ത​ന​ത്തി​ന്റെ അടിയ​ന്തി​ര​പ്രാ​ധാ​ന്യം അവർക്കു മനസ്സി​ലാ​ക്കി​ക്കൊ​ടു​ക്കാ​നാ​യി, “കൊയ്‌ത്തു​കാ​രൻ കൂലി വാങ്ങി” എന്നു യേശു കൂട്ടി​ച്ചേർത്തു. അതെ, കൊയ്‌ത്ത്‌ തുടങ്ങി​ക്ക​ഴി​ഞ്ഞി​രു​ന്നു. മടിച്ചു​നിൽക്കാൻ ഒട്ടും സമയമില്ല! രണ്ട്‌, ജോലി​ക്കാ​രെ​ല്ലാം സന്തോ​ഷ​മു​ള്ള​വ​രാണ്‌. വിതയ്‌ക്കു​ന്ന​വ​നും കൊയ്യു​ന്ന​വ​നും “ഒരുമിച്ച്‌ സന്തോ​ഷി​ക്കു​ന്നു” എന്നു യേശു പറഞ്ഞു. (യോഹ. 4: 36) ‘ധാരാളം ശമര്യ​ക്കാർ യേശു​വിൽ വിശ്വ​സി​ച്ചതു’ കണ്ട്‌ യേശു​തന്നെ സന്തോ​ഷി​ച്ച​തു​പോ​ലെ, പൂർണ​ഹൃ​ദ​യ​ത്തോ​ടെ കൊയ്‌ത്തിൽ പങ്കെടു​ക്കു​മ്പോൾ യേശു​വി​ന്റെ ശിഷ്യ​ന്മാർക്കും സന്തോ​ഷി​ക്കാൻ കഴിയും. (യോഹ. 4:39-42) ഒന്നാം നൂറ്റാ​ണ്ടി​ലെ ഈ വിവരണം നമ്മുടെ പ്രത്യേ​ക​ശ്രദ്ധ അർഹി​ക്കു​ന്നുണ്ട്‌. കാരണം ഈ വിവരണം, ചരി​ത്ര​ത്തി​ലെ ഏറ്റവും വലിയ ആത്മീയ​കൊയ്‌ത്ത്‌ നടക്കുന്ന ഇക്കാലത്തെ സംഭവ​ങ്ങളെ നന്നായി ചിത്രീ​ക​രി​ക്കു​ന്നു. ആധുനി​ക​കാ​ലത്തെ ഈ കൊയ്‌ത്ത്‌ എന്നാണ്‌ ആരംഭി​ച്ചത്‌? ആരൊ​ക്കെ​യാണ്‌ ഈ കൊയ്‌ത്തിൽ പങ്കെടു​ക്കു​ന്നത്‌? ഇതിന്റെ ഫലങ്ങളോ?

5. ഗോള​വ്യാ​പ​ക​മാ​യുള്ള കൊയ്‌ത്തിന്‌ ആരാണു നേതൃ​ത്വ​മെ​ടു​ക്കു​ന്നത്‌, ഈ പ്രവർത്തനം പെട്ടെന്നു ചെയ്‌തു​തീർക്കേ​ണ്ട​താ​ണെന്നു യോഹ​ന്നാ​ന്റെ ദർശനം സൂചി​പ്പി​ക്കു​ന്നത്‌ എങ്ങനെ?

⁵ യോഹ​ന്നാൻ അപ്പോസ്‌ത​ലനു കൊടുത്ത ഒരു ദർശന​ത്തിൽ, ഗോള​വ്യാ​പ​ക​മാ​യി ആളുകളെ കൊയ്‌തെ​ടു​ക്കുന്ന പ്രവർത്ത​ന​ത്തിൽ നേതൃ​ത്വ​മെ​ടു​ക്കു​ന്ന​തി​നു താൻ യേശു​വി​നെ നിയമി​ച്ചി​രി​ക്കു​ന്ന​താ​യി യഹോവ വെളി​പ്പെ​ടു​ത്തു​ന്നു. (വെളി​പാട്‌ 14:14-16 വായി​ക്കുക.) യേശു​വിന്‌ ഒരു കിരീ​ട​വും അരിവാ​ളും ഉള്ളതായി ഈ ദർശന​ത്തിൽ പറഞ്ഞി​രി​ക്കു​ന്നു. ‘തലയിലെ സ്വർണ​കി​രീ​ടം,’ യേശു ഭരണം നടത്തുന്ന രാജാവ്‌ ആണെന്ന വസ്‌തുത ഉറപ്പി​ക്കു​ന്നു. ‘കൈയി​ലെ മൂർച്ച​യേ​റിയ അരിവാൾ’ യേശു​വി​നുള്ള കൊയ്‌ത്തു​കാ​രൻ എന്ന സ്ഥാനവും വ്യക്തമാ​ക്കു​ന്നു. “ഭൂമി​യി​ലെ വിളവ്‌ നന്നായി വിളഞ്ഞി​രി​ക്കു​ന്നു” എന്ന്‌ ഒരു ദൂതനി​ലൂ​ടെ പ്രസ്‌താ​വി​ച്ചു​കൊണ്ട്‌ കൊയ്‌ത്ത്‌ പെട്ടെന്നു ചെയ്‌തു​തീർക്കേണ്ട ഒരു ജോലി​യാ​ണെന്ന്‌ യഹോവ ഊന്നി​പ്പ​റ​യു​ക​യാണ്‌. ശരിക്കും, “കൊയ്‌ത്തി​നു സമയമാ​യി.” പാഴാ​ക്കാൻ സമയമില്ല! “അരിവാൾ വീശി കൊയ്യുക” എന്നു ദൈവം കല്‌പി​ക്കു​മ്പോൾ യേശു അരിവാൾ വീശുന്നു. അപ്പോൾ ഭൂമി​യി​ലെ വിളവ്‌, അതായത്‌ ഭൂമി​യി​ലെ ആളുകളെ, കൊയ്‌തെ​ടു​ക്കു​ന്നു. ആവേശ​ക​ര​മായ ഈ ദർശനം വയലുകൾ ‘കൊയ്‌ത്തി​നു പാകമാ​യി​രി​ക്കു​ന്നു’ എന്നു നമ്മളെ വീണ്ടും ഓർമി​പ്പി​ക്കു​ന്നു. എന്നാൽ എപ്പോ​ഴാ​ണു ലോക​വ്യാ​പ​ക​മായ കൊയ്‌ത്ത്‌ ആരംഭി​ച്ച​തെന്നു തീരു​മാ​നി​ക്കാൻ ഈ ദർശനം നമ്മളെ സഹായി​ക്കു​ന്നു​ണ്ടോ? തീർച്ച​യാ​യും!

6. (എ) ‘കൊയ്‌ത്തു​കാ​ലം’ തുടങ്ങി​യത്‌ എപ്പോൾ? (ബി) യഥാർഥ​ത്തിൽ, “ഭൂമി​യി​ലെ വിളവ്‌” കൊയ്‌തെ​ടു​ക്കാൻ തുടങ്ങി​യത്‌ എപ്പോ​ഴാണ്‌? വിശദീ​ക​രി​ക്കുക.

⁶ വെളി​പാട്‌ 14-ാം അധ്യാ​യ​ത്തി​ലെ യോഹ​ന്നാ​ന്റെ ദർശനം കൊയ്‌ത്തു​കാ​ര​നായ യേശു​വി​നെ കിരീടം ധരിച്ചി​രി​ക്കു​ന്ന​താ​യി (14-ാം വാക്യം) വർണി​ക്കു​ന്നു. അതു സൂചി​പ്പി​ക്കു​ന്നത്‌ 1914-ൽ യേശു രാജാ​വാ​യി വാഴി​ക്ക​പ്പെട്ട സംഭവം അപ്പോ​ഴേ​ക്കും നടന്നു​ക​ഴി​ഞ്ഞി​രു​ന്നു എന്നാണ്‌. (ദാനി. 7:13, 14) അതിനു ശേഷം അൽപ്പകാ​ലം കഴിഞ്ഞാ​ണു കൊയ്‌ത്ത്‌ ആരംഭി​ക്കാൻ യേശു​വി​നു കല്‌പന കിട്ടി​യത്‌ (15-ാം വാക്യം). ഗോത​മ്പു​കൊയ്‌ത്തി​നെ​പ്പ​റ്റി​യുള്ള യേശു​വി​ന്റെ ദൃഷ്ടാ​ന്ത​ക​ഥ​യി​ലും സംഭവങ്ങൾ ഇതേ ക്രമത്തി​ലാ​ണു കാണു​ന്നത്‌. അവിടെ യേശു ഇങ്ങനെ പറയുന്നു: “കൊയ്‌ത്ത്‌, വ്യവസ്ഥി​തി​യു​ടെ അവസാ​ന​കാ​ലം.” അങ്ങനെ, കൊയ്‌ത്തു​കാ​ല​വും ഈ വ്യവസ്ഥി​തി​യു​ടെ അവസാ​ന​കാ​ല​വും ഒരേ സമയത്തു​തന്നെ അതായത്‌, 1914-ൽ ആരംഭി​ച്ചു. പിന്നെ, ‘ആ സമയത്ത്‌’ അതായത്‌ കൊയ്‌ത്തു​കാ​ലം തുടങ്ങി​യ​തി​നു ശേഷമുള്ള ഒരു സമയത്ത്‌ യഥാർഥ​കൊയ്‌ത്തു തുടങ്ങി. (മത്താ. 13:30, 39) ഇപ്പോൾ പിന്തി​രി​ഞ്ഞു​നോ​ക്കു​മ്പോൾ, യേശു രാജാ​വാ​യി ഭരണം ആരംഭിച്ച്‌ ഏതാനും വർഷങ്ങൾ കഴിഞ്ഞാണ്‌ ആ കൊയ്‌ത്തു തുടങ്ങി​യ​തെന്നു നമുക്കു കാണാ​നാ​കു​ന്നു. ആദ്യമാ​യി, 1914 മുതൽ 1919-ന്റെ ആദ്യഭാ​ഗം  വരെയുള്ള വർഷങ്ങ​ളിൽ യേശു തന്റെ അഭിഷി​ക്താ​നു​ഗാ​മി​കൾക്കി​ട​യിൽ ഒരു ശുദ്ധീ​ക​ര​ണ​പ്ര​വർത്തനം നടത്തി. (മലാ. 3:1-3; 1 പത്രോ. 4: 17) തുടർന്ന്‌, 1919-ൽ “ഭൂമി​യി​ലെ വിളവ്‌ കൊയ്‌തു”തുടങ്ങി. ഒട്ടും വൈകാ​തെ​തന്നെ യേശു, പുതു​താ​യി നിയമിച്ച വിശ്വസ്‌ത​നായ അടിമയെ ഉപയോ​ഗിച്ച്‌ പ്രസം​ഗ​പ്ര​വർത്ത​ന​ത്തി​ന്റെ അടിയ​ന്തി​ര​പ്രാ​ധാ​ന്യം മനസ്സി​ലാ​ക്കാൻ നമ്മുടെ സഹോ​ദ​ര​ങ്ങളെ സഹായി​ക്കാൻ തുടങ്ങി. പിന്നീട്‌ എന്തൊക്കെ സംഭവി​ച്ചു? നമുക്കു നോക്കാം.

7. (എ) ഏതു കാര്യം പരി​ശോ​ധി​ച്ച​താ​ണു പ്രസം​ഗ​പ്ര​വർത്ത​ന​ത്തി​ന്റെ അടിയ​ന്തി​ര​പ്രാ​ധാ​ന്യം മനസ്സി​ലാ​ക്കാൻ നമ്മുടെ സഹോ​ദ​ര​ങ്ങളെ സഹായി​ച്ചത്‌? (ബി) നമ്മുടെ സഹോ​ദ​ര​ങ്ങൾക്ക്‌ എന്തിനുള്ള പ്രോ​ത്സാ​ഹനം ലഭിച്ചു?

⁷ 1920 ജൂ​ലൈ​യിൽ വീക്ഷാ​ഗോ​പു​രം ഇങ്ങനെ അഭി​പ്രാ​യ​പ്പെട്ടു: “ദൈവ​രാ​ജ്യ​സ​ന്ദേശം അറിയി​ക്കുക എന്നതു സഭയ്‌ക്കു ലഭിച്ച മഹത്തായ ഒരു പദവി​യാ​ണെന്നു തിരു​വെ​ഴു​ത്തു​കൾ പരി​ശോ​ധി​ക്കു​മ്പോൾ വ്യക്തമാണ്‌.” ഉദാഹ​ര​ണ​ത്തിന്‌, ദൈവ​രാ​ജ്യ​സ​ന്ദേശം ലോക​വ്യാ​പ​ക​മാ​യി അറിയി​ക്ക​ണ​മെന്നു തിരി​ച്ച​റി​യാൻ യശയ്യ പ്രവാ​ച​കന്റെ വാക്കുകൾ സഹോ​ദ​ര​ങ്ങളെ സഹായി​ച്ചു. (യശ. 49:6; 52:7; 61:1-3) ഇത്തര​മൊ​രു ഗംഭീ​ര​മായ പ്രവർത്തനം എങ്ങനെ നടത്തു​മെന്ന്‌ അവർക്ക്‌ അറിയി​ല്ലാ​യി​രു​ന്നു. പക്ഷേ യഹോവ അതിനുള്ള വഴി തുറക്കു​മെന്ന്‌ അവർ ഉറച്ചു​വി​ശ്വ​സി​ച്ചു. (യശയ്യ 59:1 വായിക്കുക.) ഇങ്ങനെ, പ്രസം​ഗ​പ്ര​വർത്ത​ന​ത്തി​ന്റെ അടിയ​ന്തി​ര​ത​യെ​ക്കു​റിച്ച്‌ കൂടുതൽ വ്യക്തമായ കാഴ്‌ച​പ്പാ​ടു കിട്ടി​യ​തു​കൊണ്ട്‌ പ്രവർത്ത​ന​ങ്ങ​ളു​ടെ ആക്കം കൂട്ടാൻ നമ്മുടെ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കു​ക​യു​ണ്ടാ​യി. അവർ എങ്ങനെ​യാണ്‌ അതി​നോ​ടു പ്രതി​ക​രി​ച്ചത്‌?

8. 1921-ൽ, പ്രസം​ഗ​പ്ര​വർത്ത​ന​ത്തെ​ക്കു​റി​ച്ചുള്ള ഏതു രണ്ടു വസ്‌തു​ത​ക​ളാ​ണു നമ്മുടെ സഹോ​ദ​രങ്ങൾ മനസ്സി​ലാ​ക്കി​യത്‌?

⁸ 1921 ഡിസം​ബ​റിൽ വീക്ഷാ​ഗോ​പു​രം ഇങ്ങനെ പ്രഖ്യാ​പി​ച്ചു: “ഇത്‌ ഇന്നുവ​രെ​യുള്ള ഏറ്റവും നല്ല വർഷമാ​ണെന്നു പറയാം. മുമ്പുള്ള ഏതൊരു വർഷ​ത്തെ​യും അപേക്ഷിച്ച്‌ ഈ 1921-ൽ എത്രയ​ധി​കം ആളുക​ളാ​ണു സത്യത്തി​ന്റെ സന്ദേശം കേട്ടി​രി​ക്കു​ന്നത്‌! ഇനിയും ഏറെ ചെയ്യാ​നുണ്ട്‌. . . . സന്തോഷം നിറഞ്ഞ ഒരു ഹൃദയ​ത്തോ​ടെ നമുക്ക്‌ അതു ചെയ്യാം.” പ്രസം​ഗ​പ്ര​വർത്ത​ന​ത്തെ​ക്കു​റിച്ച്‌ യേശു അപ്പോസ്‌ത​ല​ന്മാ​രു​ടെ മനസ്സിൽ പതിപ്പിച്ച പ്രധാ​ന​പ്പെട്ട രണ്ടു വസ്‌തു​ത​ക​ളും നമ്മുടെ സഹോ​ദ​രങ്ങൾ മനസ്സി​ലാ​ക്കി​യതു കണ്ടോ? അതെ, പ്രസം​ഗ​പ്ര​വർത്തനം പെട്ടെന്നു ചെയ്യേ​ണ്ട​താണ്‌, ജോലി​ക്കാ​രെ​ല്ലാം സന്തോഷം നിറഞ്ഞ​വ​രു​മാണ്‌.

9. (എ) 1954-ൽ കൊയ്‌ത്തി​നെ​ക്കു​റിച്ച്‌ വീക്ഷാ​ഗോ​പു​രം എന്താണു പറഞ്ഞത്‌, എന്തു​കൊണ്ട്‌?  (ബി) കഴിഞ്ഞ 50 വർഷത്തി​നി​ടെ ലോക​വ്യാ​പ​ക​മാ​യി പ്രചാ​ര​ക​രു​ടെ എണ്ണത്തിൽ എന്തു വർധന​യാണ്‌ ഉണ്ടായി​ട്ടു​ള്ളത്‌? (“ ലോക​വ്യാ​പ​ക​മായ വർധന” എന്ന ചതുരം കാണുക.)

⁹ വേറെ ആടുക​ളു​ടെ ഒരു മഹാപു​രു​ഷാ​രം ദൈവ​രാ​ജ്യ​സ​ന്ദേ​ശ​ത്തോ​ടു പ്രതി​ക​രി​ക്കു​മെന്ന്‌ 1930-കളിൽ മനസ്സി​ലാ​ക്കി​യ​തോ​ടെ പ്രസം​ഗ​പ്ര​വർത്തനം കുറെ​ക്കൂ​ടി ഊർജി​ത​മാ​യി. (യശ. 55:5; യോഹ. 10:16; വെളി. 7:9) അതിന്റെ ഫലമോ? ദൈവ​രാ​ജ്യ​സ​ന്ദേശം പ്രസം​ഗി​ക്കു​ന്ന​വ​രു​ടെ എണ്ണം 1934-ലെ 41,000-ത്തിൽനിന്ന്‌ 1953-ൽ 5,00,000-ത്തിലേക്കു കുതി​ച്ചു​യർന്നു! 1954 ഡിസംബർ 1 ലക്കം വീക്ഷാ​ഗോ​പു​രം ഇങ്ങനെ പറഞ്ഞു: “യഹോ​വ​യു​ടെ ആത്മാവി​നാ​ലും യഹോ​വ​യു​ടെ വചനത്തി​ന്റെ ശക്തി​കൊ​ണ്ടും ആണ്‌ ലോക​വ്യാ​പ​ക​മാ​യി മഹത്തായ ഈ കൊയ്‌ത്തു നടന്നത്‌.” ആ നിഗമനം എത്ര ശരിയാ​യി​രു​ന്നു! b—സെഖ. 4:6.

10, 11 കടുകു​മ​ണി​യു​ടെ ദൃഷ്ടാ​ന്ത​ക​ഥ​യിൽ വിത്തിന്റെ വളർച്ച​യു​ടെ ഏതെല്ലാം ഘടകങ്ങ​ളാ​ണു ശ്രദ്ധേ​യ​മാ​യി​ട്ടു​ള്ളത്‌?

¹⁰ ദൈവ​രാ​ജ്യ​ത്തെ​ക്കു​റി​ച്ചുള്ള തന്റെ ദൃഷ്ടാ​ന്ത​ക​ഥ​ക​ളിൽ യേശു, കൊയ്‌ത്തി​ന്റെ ഫലങ്ങൾ വിശദ​മാ​യി​ത്തന്നെ മുൻകൂ​ട്ടി​പ്പ​റ​യു​ന്നുണ്ട്‌. നമുക്കു കടുകു​മ​ണി​യു​ടെ​യും പുളി​പ്പി​ക്കുന്ന മാവി​ന്റെ​യും ദൃഷ്ടാ​ന്ത​ക​ഥകൾ പരി​ശോ​ധി​ക്കാം. അവസാ​ന​കാ​ലത്ത്‌ അവ എങ്ങനെ​യാ​ണു നിറ​വേ​റി​യ​തെന്ന കാര്യ​ത്തി​നു നമ്മൾ പ്രത്യേ​ക​ശ്രദ്ധ കൊടു​ക്കു​ന്ന​താ​യി​രി​ക്കും.

¹¹ കടുകു​മ​ണി​യു​ടെ ദൃഷ്ടാ​ന്തകഥ. ഒരു മനുഷ്യൻ വയലിൽ കടുകു​മണി വിതയ്‌ക്കു​ന്നു. അതു വളർന്ന്‌ മരമാ​യി​ത്തീ​രു​ക​യും പക്ഷികൾ അതിൽ വന്ന്‌ ഇരിക്കു​ക​യും ചെയ്യുന്നു. (മത്തായി 13:31, 32 വായി​ക്കുക.) വിത്തിന്റെ വളർച്ച​യു​ടെ ഏതെല്ലാം ഘടകങ്ങ​ളാണ്‌ ഈ കഥയിൽ എടുത്തു​കാ​ണി​ക്കു​ന്നത്‌? (1) വളർച്ച​യു​ടെ വ്യാപ്‌തി അതിശ​യ​ക​ര​മാണ്‌. ‘അത്‌ എല്ലാ വിത്തു​ക​ളി​ലും​വെച്ച്‌ ഏറ്റവും ചെറു​താണ്‌’ എങ്കിലും അതു വളർന്ന്‌ “വലിയ ശിഖരങ്ങൾ” ഉള്ള മരമാ​യി​ത്തീ​രു​ന്നു. (മർക്കോ. 4:31, 32) (2) വളർച്ച സുനി​ശ്ചി​ത​മാണ്‌. “അതു മുളച്ചു​പൊ​ങ്ങി . . . വലുതാ​കു​ന്നു.” “അതു വലുതാ​യേ​ക്കാം” എന്നല്ല, അതു “വലുതാ​കു​ന്നു” എന്നാണു യേശു പറഞ്ഞത്‌. അതായത്‌ വിത്തിന്റെ വളർച്ച തടയാൻ കഴിയില്ല. (3) വളർന്നു​കൊ​ണ്ടി​രി​ക്കുന്ന മരം സന്ദർശ​കരെ ആകർഷി​ക്കു​ക​യും താമസ​സൗ​ക​ര്യം ഒരുക്കു​ക​യും ചെയ്യുന്നു. അതെ, “ആകാശ​ത്തി​ലെ പക്ഷികൾ അതിന്റെ തണലിൽ ചേക്കേ​റു​ന്നു.” ആധുനി​ക​കാ​ലത്തെ ആത്മീയ​കൊയ്‌ത്തിന്‌ ഈ കഥയിലെ മൂന്നു ഘടകങ്ങ​ളും ബാധക​മാ​കു​ന്നത്‌ എങ്ങനെ​യാണ്‌?

12. കടുകു​മ​ണി​യു​ടെ ദൃഷ്ടാ​ന്തകഥ ഇക്കാലത്തെ കൊയ്‌ത്തി​നു ബാധക​മാ​കു​ന്നത്‌ എങ്ങനെ? (“ ബൈബിൾപ​ഠ​ന​ങ്ങ​ളു​ടെ എണ്ണം കൂടി​ക്കൂ​ടി​വ​രു​ന്നു” എന്ന ചതുരം കാണുക.)

¹² (1) വളർച്ച​യു​ടെ വ്യാപ്‌തി: ഈ ദൃഷ്ടാ​ന്തകഥ, ദൈവ​രാ​ജ്യ​സ​ന്ദേ​ശ​ത്തി​ന്റെ​യും ക്രിസ്‌തീ​യ​സ​ഭ​യു​ടെ​യും വളർച്ചയെ എടുത്തു​കാ​ട്ടു​ന്നു. 1919 മുതൽ തീക്ഷ്‌ണ​ത​യുള്ള കൊയ്‌ത്തു​കാ​രെ പുനഃ​സ്ഥി​തീ​ക​രി​ക്ക​പ്പെട്ട ക്രിസ്‌തീ​യ​സ​ഭ​യി​ലേക്കു ശേഖരി​ച്ചു​കൊ​ണ്ടി​രി​ക്കു​ക​യാണ്‌. അക്കാലത്ത്‌ കൊയ്‌ത്തു​കാ​രു​ടെ എണ്ണം തീരെ കുറവാ​യി​രു​ന്നു. പക്ഷേ അവരുടെ എണ്ണം അതി​വേഗം വർധിച്ചു. വാസ്‌ത​വ​ത്തിൽ, ആ നൂറ്റാ​ണ്ടി​ന്റെ തുടക്കം​മു​തൽ ഇന്നോ​ള​മുള്ള അവരുടെ വളർച്ച അത്ഭുത​ക​ര​മാണ്‌. (യശ. 60:22) (2) വളർച്ച സുനി​ശ്ചി​തം: ക്രിസ്‌തീ​യ​സ​ഭ​യു​ടെ വളർച്ച ആർക്കും തടയാൻ പറ്റുന്നതല്ല. ദൈവ​ത്തി​ന്റെ ശത്രുക്കൾ പാറ​പോ​ലുള്ള എത്ര വലിയ പ്രതി​ബ​ന്ധങ്ങൾ കൊണ്ടു​വ​ന്നാ​ലും, ഈ ചെറിയ വിത്ത്‌ അത്തരം തടസ്സങ്ങ​ളെ​യെ​ല്ലാം വകഞ്ഞു​മാ​റ്റി വളർന്നു​കൊ​ണ്ടേ​യി​രി​ക്കും. (യശ. 54:17) (3) താമസം ഒരുക്കു​ന്നു: ഈ മരത്തിൽ ചേക്കേ​റുന്ന “ആകാശ​ത്തി​ലെ പക്ഷികൾ,” രാജ്യ​സ​ന്ദേശം സ്വീക​രിച്ച്‌ ക്രിസ്‌തീ​യ​സ​ഭ​യു​ടെ ഭാഗമാ​യി​ത്തീ​രുന്ന ആത്മാർഥ​ഹൃ​ദ​യ​രായ വ്യക്തി​ക​ളെ​യാ​ണു പ്രതി​നി​ധീ​ക​രി​ക്കു​ന്നത്‌. ലക്ഷക്കണ​ക്കി​നു വരുന്ന ഇവർ ഏകദേശം 240 ദേശങ്ങ​ളിൽനി​ന്നു​ള്ള​വ​രാണ്‌. (യഹ. 17:23) ക്രിസ്‌തീ​യസഭ ഈ വ്യക്തി​കൾക്ക്‌ ആത്മീയ​ഭ​ക്ഷ​ണ​വും നവോ​ന്മേ​ഷ​വും സുരക്ഷി​ത​ത്വ​വും നൽകുന്നു.—യശ. 32:1, 2; 54:13.

13. വളർച്ച​യു​ടെ ഏതെല്ലാം സവി​ശേ​ഷ​ത​ക​ളാ​ണു പുളി​പ്പി​ക്കുന്ന മാവിന്റെ ദൃഷ്ടാ​ന്ത​ക​ഥ​യി​ലു​ള്ളത്‌?

¹³ പുളി​പ്പി​ക്കുന്ന മാവിന്റെ ദൃഷ്ടാ​ന്തകഥ. ഒരു സ്‌ത്രീ കുറച്ച്‌ മാവ്‌ എടുത്ത്‌ കുഴച്ച്‌ അതിൽ പുളി​പ്പി​ക്കാ​നുള്ള അൽപ്പം മാവ്‌ കലർത്തി​വെ​ക്കു​ന്നു. അതു മാവിനെ മുഴുവൻ പുളി​പ്പി​ക്കു​ന്നു. (മത്തായി 13:33 വായി​ക്കുക.) വളർച്ച​യു​ടെ ഏതെല്ലാം ഘടകങ്ങ​ളാണ്‌ ഈ കഥ എടുത്തു​കാ​ണി​ക്കു​ന്നത്‌? രണ്ടെണ്ണം നമുക്കു നോക്കാം. (1) വളർച്ച രൂപാ​ന്തരം വരുത്തു​ന്നു. പുളി​പ്പി​ക്കുന്ന മാവ്‌ അതിൽ വ്യാപിച്ച്‌ ‘അതു മുഴുവൻ പുളി​പ്പി​ക്കു​ന്നു.’ (2) വളർച്ച വ്യാപ​ക​മാണ്‌. പുളി​പ്പി​ക്കുന്ന മാവ്‌ ‘മൂന്നു സെയാ മാവി​നെ​യും,’ അതായത്‌ മുഴുവൻ മാവി​നെ​യും, പുളി​പ്പി​ക്കു​ന്നു. ഈ രണ്ടു സവി​ശേ​ഷ​ത​ക​ളും ആധുനി​ക​കാ​ലത്തെ ആത്മീയ​കൊയ്‌ത്തിന്‌ എങ്ങനെ​യാ​ണു ബാധക​മാ​കു​ന്നത്‌?

14. പുളി​പ്പി​ക്കുന്ന മാവിന്റെ ദൃഷ്ടാ​ന്തകഥ എങ്ങനെ​യാണ്‌ ഇക്കാലത്തെ കൊയ്‌ത്തി​നു ബാധക​മാ​കു​ന്നത്‌?

¹⁴ (1) രൂപാ​ന്തരം: പുളി​പ്പി​ക്കുന്ന മാവ്‌ രാജ്യ​സ​ന്ദേ​ശ​ത്തെ​യും കുഴച്ച മാവ്‌ മനുഷ്യ​കു​ടും​ബ​ത്തെ​യും സൂചി​പ്പി​ക്കു​ന്നു. പുളി​പ്പി​ക്കുന്ന മാവ്‌ കുഴച്ച മാവിൽ കലർത്തി​വെ​ച്ചു​ക​ഴി​യു​മ്പോൾ അതു കുഴച്ച മാവിനു മാറ്റം വരുത്തു​ന്നു. അതു​പോ​ലെ,  വ്യക്തികൾ ദൈവ​രാ​ജ്യ​സ​ന്ദേശം സ്വീക​രി​ച്ചു​ക​ഴി​യു​മ്പോൾ അത്‌ അവരുടെ ഹൃദയ​ങ്ങൾക്കു രൂപാ​ന്തരം വരുത്തു​ന്നു. (റോമർ 12:2) (2) വ്യാപനം: പുളി​പ്പി​ക്കുന്ന മാവ്‌ വ്യാപി​ക്കു​ന്നതു ദൈവ​രാ​ജ്യ​സ​ന്ദേശം പ്രചരി​ക്കു​ന്ന​തി​നെ സൂചി​പ്പി​ക്കു​ന്നു. പുളി​പ്പി​ക്കുന്ന മാവ്‌, കുഴച്ച ധാന്യ​മാ​വിൽ വ്യാപിച്ച്‌ മുഴുവൻ മാവി​നെ​യും പുളി​പ്പി​ക്കു​ന്ന​തു​വരെ പ്രവർത്തി​ക്കു​ന്നു. സമാന​മാ​യി ദൈവ​രാ​ജ്യ​സ​ന്ദേശം “ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” വ്യാപി​ച്ചി​രി​ക്കു​ന്നു. (പ്രവൃ. 1:8) ഈ ദൃഷ്ടാ​ന്ത​ക​ഥ​യി​ലെ ‘വ്യാപനം’ എന്ന ഘടകം മറ്റൊരു കാര്യ​വും സൂചി​പ്പി​ക്കു​ന്നുണ്ട്‌. നമ്മുടെ പ്രവർത്തനം നിരോ​ധി​ച്ചി​രി​ക്കുന്ന ചില ദേശങ്ങ​ളു​ണ്ട​ല്ലോ. ഭൂമി​യി​ലെ അത്തരം ഭാഗങ്ങ​ളിൽ നടക്കുന്ന നമ്മുടെ പ്രസം​ഗ​പ്ര​വർത്തനം അധികം ശ്രദ്ധി​ക്ക​പ്പെ​ടാ​തെ​പോ​യാ​ലും ദൈവ​രാ​ജ്യ​സ​ന്ദേശം അവിടെ വ്യാപി​ക്കു​ക​തന്നെ ചെയ്യും.

15. യശയ്യ 60:5,22-ൽ കാണുന്ന വാക്കുകൾ എങ്ങനെ​യാ​ണു നിറ​വേ​റി​യി​രി​ക്കു​ന്നത്‌? (“ യഹോ​വ​യാണ്‌ അതു സാധ്യ​മാ​ക്കി​യത്‌” എന്ന ചതുര​വും “‘ ചെറി​യവൻ ഒരു മഹാജ​ന​ത​യാ​യി​ത്തീർന്നത്‌’ എങ്ങനെ?” എന്ന ചതുര​വും കാണുക.)

¹⁵ ഈ ആധുനി​ക​കാ​ലത്തെ കൊയ്‌ത്തി​നെ​ക്കു​റി​ച്ചും അതിൽനിന്ന്‌ കിട്ടുന്ന സന്തോ​ഷ​ത്തെ​ക്കു​റി​ച്ചും യശയ്യ പ്രവാ​ച​ക​നി​ലൂ​ടെ യഹോവ മുൻകൂ​ട്ടി​പ്പ​റ​ഞ്ഞി​രു​ന്നു. യേശു ഈ ദൃഷ്ടാ​ന്ത​ക​ഥകൾ പറയു​ന്ന​തിന്‌ ഏകദേശം 800 വർഷം മുമ്പാ​യി​രു​ന്നു യഹോവ അവിസ്‌മ​ര​ണീ​യ​മായ ആ വാക്കുകൾ അറിയി​ച്ചത്‌. c “ദൂരത്തു​നിന്ന്‌” ഉള്ള ആളുകൾ തന്റെ സംഘട​ന​യി​ലേക്ക്‌ ഒഴുകി​വ​രു​ന്ന​താ​യി യഹോവ വിവരി​ക്കു​ന്നു. ഭൂമി​യിൽ ഇന്നു ബാക്കി​യുള്ള അഭിഷി​ക്തർ പ്രതി​നി​ധാ​നം ചെയ്യുന്ന ഒരു ആലങ്കാ​രിക ‘സ്‌ത്രീ​യെ’ സംബോ​ധന ചെയ്‌തു​കൊണ്ട്‌  യഹോവ ഇങ്ങനെ പ്രസ്‌താ​വി​ക്കു​ന്നു: “അതു കാണു​മ്പോൾ നിന്റെ മുഖം തിളങ്ങും, നിന്റെ ഹൃദയം തുടി​ക്കും, അതു നിറഞ്ഞു​ക​വി​യും. കാരണം, സമു​ദ്ര​സ​മ്പത്തു നിന്നി​ലേക്ക്‌ ഒഴുകി​വ​രും; ജനതക​ളു​ടെ സമ്പത്തു നിന്റേ​താ​കും.” (യശ. 60:1, 4, 5, 9) ഇന്ന്‌ ആ വാക്കുകൾ എത്രയോ സത്യമാ​യി​രി​ക്കു​ന്നു! ദീർഘ​കാ​ല​മാ​യി യഹോ​വയെ സേവി​ക്കുന്ന സഹോ​ദ​ര​ങ്ങ​ളു​ടെ മുഖം സന്തോ​ഷം​കൊണ്ട്‌ തിളങ്ങു​ന്നു. കാരണം എന്താ​ണെ​ന്നോ? അവരുടെ ദേശങ്ങ​ളിൽ രാജ്യ​പ്ര​ചാ​ര​ക​രു​ടെ എണ്ണം ഏതാനും പേരിൽനിന്ന്‌ ആയിര​ങ്ങ​ളാ​യി വർധി​ക്കു​ന്നത്‌ അവർ കണ്ണാലെ കണ്ടിരി​ക്കു​ന്നു!

16, 17 ‘വിതയ്‌ക്കു​ന്ന​വ​നും കൊയ്യു​ന്ന​വ​നും ഒരുമിച്ച്‌ സന്തോ​ഷി​ക്കു​ന്ന​തി​നുള്ള’ ഒരു കാരണം എന്താണ്‌? (“ രണ്ടു ലഘു​ലേ​ഖകൾ ആമസോ​ണി​ലെ രണ്ടു ഹൃദയ​ങ്ങളെ തൊട്ടു​ണർത്തു​ന്നു” എന്ന ചതുരം കാണുക.)

¹⁶ യേശു അപ്പോസ്‌ത​ല​ന്മാ​രോ​ടു പറഞ്ഞ ഈ വാക്കുകൾ നിങ്ങൾ ഓർക്കു​ന്നു​ണ്ടാ​കും: “കൊയ്‌ത്തു​കാ​രൻ . . . നിത്യ​ജീ​വ​നു​വേ​ണ്ടി​യുള്ള വിളവ്‌ ശേഖരി​ച്ചു​തു​ട​ങ്ങി​ക്ക​ഴി​ഞ്ഞു. അങ്ങനെ, വിതയ്‌ക്കു​ന്ന​വ​നും കൊയ്യു​ന്ന​വ​നും ഒരുമിച്ച്‌ സന്തോ​ഷി​ക്കു​ന്നു.” (യോഹ. 4:36) ലോക​വ്യാ​പ​ക​മായ കൊയ്‌ത്തിൽ നമ്മൾ ‘ഒരുമിച്ച്‌ സന്തോ​ഷി​ക്കു​ന്നത്‌’ എങ്ങനെ​യാണ്‌? പല വിധങ്ങ​ളിൽ സന്തോ​ഷി​ക്കു​ന്നുണ്ട്‌. അതിൽ മൂന്നെണ്ണം നമുക്ക്‌ ഇപ്പോൾ നോക്കാം.

¹⁷ ഒന്നാമത്‌, നമ്മുടെ പ്രസം​ഗ​പ്ര​വർത്ത​ന​ത്തിൽ യഹോ​വ​യും പങ്കെടു​ക്കു​ന്ന​താ​യി മനസ്സി​ലാ​ക്കു​ന്നതു സന്തോ​ഷ​ത്തി​നുള്ള വക നൽകുന്നു. ദൈവ​രാ​ജ്യ​സ​ന്ദേശം പ്രസം​ഗി​ക്കു​മ്പോൾ നമ്മൾ വിത്തു വിതയ്‌ക്കു​ക​യാണ്‌. (മത്താ. 13:18, 19) ക്രിസ്‌തു​വി​ന്റെ ശിഷ്യ​നാ​യി​ത്തീ​രാൻ ഒരാളെ സഹായി​ക്കു​മ്പോൾ നമ്മൾ വിളവും കൊയ്യു​ന്നു. അതിശ​യ​ക​ര​മായ വിധത്തിൽ രാജ്യ​വി​ത്തു ‘മുളച്ച്‌ വളരാൻ’ ഇടയാ​ക്കു​ന്നത്‌ യഹോ​വ​യാണ്‌. അതിനു സാക്ഷി​ക​ളാ​കു​മ്പോൾ നമുക്ക്‌ എല്ലാവർക്കും വലിയ സന്തോഷം തോന്നും. (മർക്കോ. 4:27, 28) അവിട​വി​ടെ​യാ​യി നമ്മൾ വിതയ്‌ക്കുന്ന ചില വിത്തുകൾ പിന്നീ​ടാ​യി​രി​ക്കാം മുളയ്‌ക്കു​ന്നത്‌. മറ്റുള്ളവർ ആ വിളവ്‌ കൊയ്യു​ക​യും ചെയ്‌തേ​ക്കാം. 60 വർഷം മുമ്പ്‌ സ്‌നാ​ന​മേറ്റ ബ്രിട്ട​നി​ലെ ജോൻ എന്ന സഹോ​ദ​രി​യു​ടേ​തി​നു സമാന​മായ അനുഭവം ഒരുപക്ഷേ നിങ്ങൾക്കും ഉണ്ടായി​രി​ക്കാം. സഹോ​ദരി ഇങ്ങനെ പറഞ്ഞു: “വർഷങ്ങൾക്കു മുമ്പ്‌ തങ്ങളുടെ ഹൃദയ​ത്തിൽ രാജ്യ​വി​ത്തു പാകി​യതു ഞാനാ​ണെന്ന്‌ എന്നോടു പലരും പറഞ്ഞി​ട്ടുണ്ട്‌. പിന്നീട്‌ മറ്റു സാക്ഷികൾ അവരോ​ടൊ​പ്പം ബൈബിൾ പഠിക്കു​ക​യും യഹോ​വ​യു​ടെ ദാസരാ​കാൻ അവരെ സഹായി​ക്കു​ക​യും ചെയ്‌തു. അതൊ​ന്നും ഞാൻ അറിഞ്ഞി​രു​ന്നില്ല. ഞാൻ നട്ട വിത്തു വളർന്നെ​ന്നും വിളവ്‌ കൊയ്‌തെ​ടു​ത്തെ​ന്നും അറിയു​മ്പോൾ എനിക്ക്‌ എതമാ​ത്രം സന്തോഷം തോന്നു​ന്നെ​ന്നോ!”—1 കൊരി​ന്ത്യർ 3:6, 7 വായി​ക്കുക.

18. സന്തോ​ഷി​ക്കാ​നുള്ള ഏതു കാരണ​മാണ്‌ 1 കൊരി​ന്ത്യർ 3:8-ൽ ഉള്ളത്‌?

¹⁸ രണ്ടാമത്‌, പൗലോ​സി​ന്റെ ഈ വാക്കുകൾ സന്തോ​ഷ​മുള്ള ജോലി​ക്കാ​രാ​യി​രി​ക്കാൻ നമ്മളെ സഹായി​ക്കും. ജോലി​ക്കാർക്ക്‌ ‘അവനവൻ ചെയ്യുന്ന പണിക്ക​നു​സ​രിച്ച്‌ പ്രതി​ഫലം കിട്ടും’ എന്നാണു പൗലോസ്‌ പറഞ്ഞത്‌. (1 കൊരി. 3:8) പണിയു​ടെ ഫലം നോക്കി​യല്ല, ചെയ്യുന്ന പണിക്ക​നു​സ​രി​ച്ചാ​ണു പ്രതി​ഫലം കിട്ടു​ന്നത്‌. തീരെ കുറച്ച്‌ മാത്രം പ്രതി​ക​ര​ണ​മുള്ള പ്രദേ​ശ​ങ്ങ​ളിൽ പ്രസം​ഗി​ക്കു​ന്ന​വർക്ക്‌ എത്ര പ്രോ​ത്സാ​ഹനം പകരു​ന്ന​താണ്‌ ഈ വാക്കുകൾ! വിത്തു വിതയ്‌ക്കുന്ന ജോലി പൂർണ​ഹൃ​ദ​യ​ത്തോ​ടെ ചെയ്യുന്ന എല്ലാ സാക്ഷി​ക​ളും ദൈവ​ത്തി​ന്റെ കണ്ണിൽ ‘ധാരാളം ഫലം കായ്‌ക്കു​ന്ന​വ​രാണ്‌.’ അതിൽ അവർക്കു സന്തോ​ഷി​ക്കാം.—യോഹ. 15:8; മത്താ. 13:23.

19. (എ) മത്തായി 24:14-ൽ കാണുന്ന യേശു​വി​ന്റെ പ്രവചനം എങ്ങനെ​യാ​ണു നമ്മുടെ സന്തോ​ഷ​വു​മാ​യി ബന്ധപ്പെ​ട്ടി​രി​ക്കു​ന്നത്‌? (ബി) ആരെയും ശിഷ്യ​രാ​ക്കാൻ കഴിയാ​ത്ത​പ്പോ​ഴും നമ്മൾ ഏതു കാര്യം മനസ്സിൽപ്പി​ടി​ക്കണം?

¹⁹ മൂന്നാ​മത്‌, പ്രസം​ഗ​പ്ര​വർത്ത​ന​ത്തി​ലൂ​ടെ നമ്മൾ പ്രവചനം നിവർത്തി​ക്കു​ക​യാ​ണെന്ന്‌ ഓർക്കു​ന്ന​തും നമുക്കു സന്തോ​ഷി​ക്കാ​നുള്ള കാരണ​മാണ്‌. “അങ്ങയുടെ സാന്നി​ധ്യ​ത്തി​ന്റെ​യും വ്യവസ്ഥി​തി അവസാ​നി​ക്കാൻപോ​കു​ന്നു എന്നതി​ന്റെ​യും അടയാളം എന്തായി​രി​ക്കും” എന്ന്‌ അപ്പോസ്‌ത​ല​ന്മാർ ചോദി​ച്ച​പ്പോൾ യേശു കൊടുത്ത മറുപടി നോക്കാം. ലോക​വ്യാ​പ​ക​മായ പ്രസം​ഗ​പ്ര​വർത്തനം  ആ അടയാ​ള​ത്തി​ന്റെ സവി​ശേ​ഷ​ത​ക​ളിൽ ഒരെണ്ണ​മാ​യി​രി​ക്കും എന്നു യേശു പറഞ്ഞു. ആളുകളെ ശിഷ്യ​രാ​ക്കു​ന്ന​തി​നെ​ക്കു​റി​ച്ചാ​യി​രു​ന്നോ യേശു പറഞ്ഞത്‌? അല്ല. “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും” എന്നാണു യേശു പറഞ്ഞത്‌. (മത്താ. 24:3, 14) അതു​കൊണ്ട്‌ ദൈവ​രാ​ജ്യ​ത്തെ​ക്കു​റിച്ച്‌ പറയു​ന്നത്‌, അതായത്‌ വിത്തു വിതയ്‌ക്കു​ന്നത്‌, അടയാ​ള​ത്തി​ന്റെ ഒരു സവി​ശേ​ഷ​ത​യാണ്‌. ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​മ്പോൾ നമുക്ക്‌ ആരെയും ശിഷ്യ​രാ​ക്കാൻ കഴിയു​ന്നി​ല്ലെ​ങ്കി​ലും മറ്റുള്ള​വരെ സന്തോ​ഷ​വാർത്ത ‘അറിയി​ക്കു​ന്ന​തിൽ’ നമ്മൾ വിജയി​ക്കു​ന്നുണ്ട്‌ എന്ന കാര്യം മറക്കരുത്‌. d അതെ, ആളുകൾ എങ്ങനെ പ്രതി​ക​രി​ച്ചാ​ലും യേശു​വി​ന്റെ പ്രവചനം നിറ​വേ​റ്റു​ന്ന​തിൽ നമ്മൾ ഒരു പങ്കു വഹിക്കു​ന്നു. അതിലൂ​ടെ “ദൈവ​ത്തി​ന്റെ സഹപ്ര​വർത്ത​ക​രാണ്‌” എന്ന ബഹുമ​തി​യും നമുക്കു കിട്ടുന്നു. (1 കൊരി. 3:9) സന്തോ​ഷി​ക്കാ​നുള്ള എത്ര നല്ല കാരണം!

20, 21. (എ) മലാഖി 1:11-ലെ വാക്കുകൾ എങ്ങനെ​യാ​ണു നിറ​വേ​റി​യി​രി​ക്കു​ന്നത്‌? (ബി) കൊയ്‌ത്തി​നോ​ടുള്ള ബന്ധത്തിൽ എന്തു ചെയ്യാ​നാ​ണു നിങ്ങൾ തീരു​മാ​നി​ച്ചി​രി​ക്കു​ന്നത്‌, എന്തു​കൊണ്ട്‌?

²⁰ ഒന്നാം നൂറ്റാ​ണ്ടിൽ, കൊയ്‌ത്തി​ന്റെ അടിയ​ന്തി​ര​പ്രാ​ധാ​ന്യം കാണാൻ യേശു അപ്പോസ്‌ത​ല​ന്മാ​രെ സഹായി​ച്ചു. 1919 മുതൽ ഇങ്ങോട്ട്‌ യേശു ആധുനി​ക​കാ​ലത്തെ തന്റെ ശിഷ്യ​ന്മാ​രെ ഇതേ സത്യം മനസ്സി​ലാ​ക്കി​യെ​ടു​ക്കാൻ സഹായി​ച്ചി​രി​ക്കു​ന്നു. അതിന്റെ ഫലമായി ദൈവ​ജനം അവരുടെ പ്രവർത്ത​നങ്ങൾ തീവ്ര​മാ​ക്കി​യി​രി​ക്കു​ന്നു. വാസ്‌ത​വ​ത്തിൽ, തടയാ​നാ​കാത്ത ഒന്നായി കൊയ്‌ത്തു മുന്നേ​റു​ക​യാണ്‌. മലാഖി പ്രവാ​ചകൻ മുൻകൂ​ട്ടി​പ്പ​റ​ഞ്ഞ​തു​പോ​ലെ ഇന്നു പ്രസം​ഗ​പ്ര​വർത്തനം “സൂര്യോ​ദ​യം​മു​തൽ സൂര്യാസ്‌ത​മ​യം​വരെ” നടന്നു​കൊ​ണ്ടി​രി​ക്കു​ന്നു. (മലാ. 1:11) അതെ, ഉദയം​മു​തൽ അസ്‌ത​മ​യം​വരെ, കിഴക്കു​മു​തൽ പടിഞ്ഞാ​റു​വരെ ഭൂമി​യിൽ എവി​ടെ​യും, വിതയും കൊയ്‌ത്തും നടക്കുന്നു. വിതയ്‌ക്കു​ന്ന​വ​രും കൊയ്യു​ന്ന​വ​രും ഒരുമിച്ച്‌ സന്തോ​ഷി​ക്കു​ക​യും ചെയ്യുന്നു. തീർന്നില്ല, സൂര്യൻ ഉദിക്കു​ന്ന​തു​മു​തൽ അസ്‌ത​മി​ക്കു​ന്ന​തു​വരെ, അതായത്‌ രാവി​ലെ​മു​തൽ വൈകു​ന്നേ​രം​വരെ, ദിവസം മുഴുവൻ നമ്മൾ പ്രവർത്തി​ക്കു​ക​യും ചെയ്യുന്നു, അതും അടിയ​ന്തി​ര​ത​യോ​ടെ!

²¹ ഇന്ന്‌, 100 വർഷം പിന്നി​ലേക്കു നോക്കു​മ്പോൾ, ദൈവ​ത്തി​ന്റെ ദാസന്മാ​രു​ടെ ഒരു ചെറിയ കൂട്ടം വളർന്ന്‌ “ഒരു മഹാജനത” ആയതു കണ്ടിട്ട്‌, സന്തോ​ഷ​ത്താൽ നമ്മുടെ ‘ഹൃദയം തുടി​ക്കു​ന്നു, അതു നിറഞ്ഞു​ക​വി​യു​ന്നു.’ (യശ. 60:5, 22) ആ സന്തോ​ഷ​വും ‘വിള​വെ​ടു​പ്പി​ന്റെ അധികാ​രി​യായ’ യഹോ​വ​യോ​ടുള്ള നമ്മുടെ സ്‌നേ​ഹ​വും നമ്മളെ ഓരോ​രു​ത്ത​രെ​യും പ്രചോ​ദി​പ്പി​ക്കട്ടെ. എക്കാല​ത്തെ​യും ഏറ്റവും വലിയ കൊയ്‌ത്തു പൂർത്തി​യാ​ക്കു​ന്ന​തിൽ നമ്മുടെ പങ്കു ചെയ്യാൻ അതു നമ്മളെ തുടർന്നും ശക്തീക​രി​ക്കും.—ലൂക്കോ. 10:2.