ORUPA 1
Ouatjiri ohunga nOuhona—Okuyandja ovikurya vyombepo
NGATU tje mo munu Omuhongwa woye tja tupura omeho otja tji ma yende ama zuu nawa omaheero womatjangwa wOmbeibela ngu mwa zu nokulesa pamwe nai. Okuzambo arire tja tja, “Tjiri mo tja Ombeibela i honga kutja matu yenene okukahupa nga aruhe mOparadisa kombanda yehi ndi po?” Omukweṋu ngu mamu zuvarisa pamwe arire tja meṱameṱa na tja, “Ombeibela mai ziri vi epuriro roye ndo?” Omuhongwa wa himinwe tjinene, arire tja taka otjiuru na tja, “Tjiri hi nakukambura kutja ami hina pu mba rora okuhongwa otjiṋa hi rukuru!” Okuzambo arire tji wa zemburuka kutja ovivike mbya kapita tji mwa za nokurihonga otjikando otjitenga ohunga nena raMukuru Jehova, eye wina wa hungira otjiṋa tjingetjo ho.
Ove wa rora okukara mongaro otja indjo? Ovakarere vaMukuru ovengi va rora okukara mongaro ndjo. Oviṋa tjiva tjiri vi tu zemburukisa ohunga notjiyandjewa otjihuze tji twa pewa, ondjiviro youatjiri! Posi yokutja ripura kaṱiṱi kutja: Otjiyandjewa ho hapo we tji muna vi? Morupa ndwi matu kakonḓonona epuriro ndo. Omuano ovakarere vaMukuru mu va yenda amave tjiwa ondjiviro youatjiri wOmbeibela, otjiraisiro tjokutja Ouhona waMukuru ohoromende yatjiri. Oure wozombura esere, Ombara, Jesus Kristus, youhona mbwi aai tjiti kutja ovakarere vaMukuru ve hongwe ouatjiri.
MORUPA NDWI
EKONDWA 3
Jehova ma vandurura ondando ye
Ouhona mbu mau honaparerwa i Messias wa ri norupa mondando yaMukuru okuza kombutiro poo indee? Jesus wa tjiukisa vi ovingi ohunga nOuhona?
EKONDWA 4
Jehova ma tongamisa ena re
Ouhona wa yenenisa tjike ohunga nena raMukuru? Ove mo yenene vi okukara norupa mokuyapura ena raJehova?
EKONDWA 5
Ombara mai tjiukisa ouatjiri mbu mau tjama nOuhona
Muna omazuviro omawa ohunga nOuhona waMukuru, novanane na imba mbe riwisa kehi yawo, nokutja okurira ovaṱakame ku wo ku heya tjike.