ABỌ 1
Uzẹme Kpahe Uvie Na—Ma bi Wuhrẹ Ahwo Ẹme Ọghẹnẹ
WHO se oria Ebaibol jọ kẹ ohwo nọ who bi wuhrẹ Ebaibol kugbe, eva e tẹ were iẹe gaga nọ o wo otoriẹ oware nọ wha se na. Ọ tẹ rọ unu kpotọ nọ owhẹ nọ, “Kọ whọ be vuẹ omẹ nọ Ebaibol o wuhrẹ nọ ma te rria otọakpọ nana bẹdẹ bẹdẹ evaọ Aparadase?” Oniọvo nọ wha gbẹ rrọ usu o te kp’ohwẹ ku agba jẹ ta kẹe nọ, “Ere Ebaibol na ọ ta na?” Akpọ o te gbe ohwo nọ who bi wuhrẹ Ebaibol kugbe na unu, ọ tẹ ta nọ, “A re jọ egagọ mẹ wuhrẹ omẹ oware utiona ẹdẹvo ho.” Whọ tẹ kareghẹhọ nọ ọ ta eme itiena ekpoka jọ nọ i kpemu nọ ọ riẹ nọ Jihova họ odẹ Ọghẹnẹ.
Kọ oware utiona o via kẹ owhẹ no ẹdẹjọ? O via kẹ idibo Ọghẹnẹ buobu no. Onana o rẹ kareghẹhọ omai nọ uzẹme nọ ma wuhrẹ no Ebaibol ze na ginọ okẹ ọghaghae. Dai roro kpahe onọ nana: Kọ ẹvẹ okẹ na u ro te omai obọ? Ma te jọ abọ ọsosuọ nana kuyo onọ na. Oghẹrẹ nọ idibo Ọghẹnẹ a rọ rehọ ẹmẹrera wo otoriẹ iwuhrẹ Ebaibol o kẹ imuẹro nọ Uvie Ọghẹnẹ o ginẹ rrọ. Anwọ ikpe udhusoi ze na, Jesu Kristi nọ ọ rrọ Ovie Uvie na o bi wuhrẹ idibo Ọghẹnẹ uzẹme na.
ENỌ E RRỌ OFẸ NANA
UZOU AVỌ 3
Jihova O Dhesẹ Ẹjiroro Riẹ Via
Kọ Uvie na o jọ ẹjiroro Ọghẹnẹ no emuhọ ze? Ẹvẹ Jesu o ro ru eware buobu vẹ kpahe Uvie na?
UZOU AVỌ 4
Jihova Ọ Kpare Odẹ Riẹ Kpehru
Eme Uvie na u ru no kpahe odẹ Ọghẹnẹ? Ẹvẹ whọ sai ro w’obọ evaọ erufuọ odẹ Jihova?
UZOU AVỌ 5
Ovie na O bi Ru Ahwo Riẹ Kpahe Uvie Na
Riẹ kpahe Uvie Ọghẹnẹ, ahwo nọ a ti su, enọ e te jọ otọ esuo na, gbe epanọ ohwo o re ro dhesẹ nọ o bi yoẹme kẹ Ovie na.