ONTHELE 1
Otyili Tyouhamba wa Huku—Okuave Enoñgonoko Liafauapo Liondaka ya Huku
UTALA etyi omaiho omulongwa wove wo Mbimbiliya alaima, putyina anoñgonoka otestu mukahi nokutanga. Iya oe ati, “Uhanda okuti Ombimbiliya ilongesa okuti matukakala apeho Momphangu Yombembwa pano pohi?” Mundyila yove movilinga viokuivisa uliyolela, ati: “Oityi ove wamona mo Mbimbiliya?” Omulongwa upuka komutwe nokuahuva, ati, “Ame hitavela okuti hine-tyilongeswe!” Ove uhinangela okuti onosimano mbokualamba, wapopileale ngotyo, etyi anoñgonoka otyikando tyotete okuti enyina lia Huku o Jeova.
Okuti nove una omulongwa wapopile ngotyo? Ovanyingi povanthu va Huku vena. Kavihi ovipuka vituhinangelesa otyipuka otyiwa tuaavelwa, okunoñgonoka otyili! Nkhele talama osoko: Oñgeni ove wapeua enoñgonoko olio? Onthele ei maipopi konthele yepulo olio. Onkhalelo ovanthu va Huku vatualako okupewa otyitei tyondaka ya Huku, tyilekesa nawa okuti Ouhamba wa Huku owotyotyili. Mokueenda kuotyita tyomanima, Ohamba yao Jesus Kristu, ukahi nokukuatesako ovanthu va Huku okunoñgonoka otyili.
MONTHELE EI
OKAPITULU 3
Jeova Uhololola Evangelo Liae
Okuti ponthyimbi Ouhamba ankho ulinga onthele yevangelo lia Huku? Oñgeni Jesus aava otyitei konthele Youhamba wa Huku?
OKAPITULU 4
Jeova Unkhimaneka Enyina Liae
Oityi Ouhamba ukahi nokulinga konthele yenyina lia Huku? Oñgeni mokuatesako okusukukisa enyina lia Jeova?
OKAPITULU 5
Ohamba Ikahi Nokuava Otyitei Konthele Youhamba wa Huku
Vanoñgonoka nawa Ouhamba wa Huku, novatumini vao na vana maukatumina, netyi tyesukisa opo vakale ovakuatyili.
