1 RAKʼIY
Reinomanta cheqa kaj: Sumaj yachachiykunata mikhunata jina qowanchej
BIBLIAMANTA yachakojqa leepusqayki versiculota entiendespa kusirikun. Nisunkitaj: “¡Bibliaqa Jallpʼapi uj paraisopi wiñaypaj kausakunata yachachishasqa!”, nispa. Qanwan kashaj hermanotaj asirispa nin: “¡Arí, chayta Bibliapi leerinki!”, nispa. Bibliamanta yachakojtaj umanta khiwirispa nin: “¿Imaraykutaj chantá chayta mana yachachiwarqankuchuri?”, nispa. Chaytataj mana chay kutillachu nisunki. Ñaupaj semanaspi kikillantataj nisorqa, Diospa sutin Jehová kasqanta yachakuytawan.
Chay jinapi rikukuspaqa, astawanraj cheqa kajta regalota jina japʼisqanchejta jatunpaj qhawanchej. Chaywanpis, ¿imaynatá chay regalota japʼerqanchej? Kay rakʼiypeqa chaymanta yachakusun. Diospa kamachisnin pisimanta pisi cheqa yachachiykunata sumajta entiendesqanchejqa, Diospa Reinon kasqantapuni rikuchin. Rey Jesucristoqa, 100 watas ñaupajmantaña cheqa kajta rejsicherqa.
KAY TʼAQAPI
3 YACHAQANA
Jehovaqa munayninta sutʼinchan
¿Diospa munayninchu karqa Reinonta sayachinan? ¿Imastataj Jesús Diospa Reinonmanta sutʼincharqa?
4 YACHAQANA
Jehovaqa sutinta jatunchan
¿Imaynatá Diospa sutinta Reinon jatunchan? ¿Imaynatá qan Jehovaj sutin jatunchasqa kananpaj yanapawaj?
5 YACHAQANA
Diospa Reinonmanta astawan sutʼinchakun
Diospa Reinonmanta, pikunachus chaypi kamachinankumanta, pikunatatajchus kamachinankumanta chantá chay Reinoman cheqa sonqo kay ima niytachus munasqanmantawan, ¿yachakuyta munawajchu?