KAYPI piensariy, bibliata estudiaqmi huk textopa nisqanta entienderuspan kusisqallaña nin: “¿Kay pachapi wiñaypaq kawsananchikmantachu bibliaqa yachachin? ¿Ciertopunichu chayqa kanqa?” Yachachiqninñataqmi asirispan nin: “Ima niqtataq bibliapi leerunki”, nispa. Payñataqmi admirakuspan umantapas aywispanraq nin: “¿Imanasqamá chaymantaqa mana haykapipas yachachiwarqakuchu?”, nispa. Pasaq semanakunapipas chaynatam admirakurqa, Diospa sutinqa Jehova kasqanmanta yacharuspan.

Diospa chayna yachachiwasqanchikkunamanta allinta entiendespam astawan kusikunchik. Ichaqa ¿imaynatam Jehova Diosqa llaqtanta entiendechirqa chay yachachikuykunamanta? Dios nombraruptinmi Jesucristoqa hanaq pachamanta kamachimuspan qatiqninkunata pisi-pisimanta astawan entiendechichkan Diospa munayninmanta. Chaynatam pachak wataña Diosmanta imam kaqta yachachiwachkanchik. Chaykunamantam kay qillqapa punta kaq partenpi yachasunchik.