KIPINDJI 1
Bya binyibinyi bitale Bufumu—Kutusha kwa bidibwa bya mu kikudi
BOMONO mulongi oobe a Bible akutala na disanka mwanda bapusha kalolo verse kampanda abanukatuka mu kubadika. Bakulungula n’eyi diikye shi: “Okyebe kwamba shi, Bible alongyesha shi twi balombeene kushala mu Mpaladiiso bwa looso—nka pano pa nsenga?” Mukwenu anudi naaye mu bulungudi basepe na bamba shi: “Oolo, a Bible bamba naminyi?” Mulongi a Bible na kukaanya kooso, bapuku mutwe na disanka na kwamba shi: “Tanguku shi mbwakinyi tshinaadi mubande kulonga bino byooso nya!” Botentekyesha shi baadi mwambe mwanda wi bino mafuku ashaale, nsaa ibalongyele bwa musango wa kumpala shi eshina dy’Efile Mukulu nyi Yehowa.
Tobofumankene na mwanda wi bino su? Bafubi b’Efile Mukulu bebungi tababafumankene na mwanda wi bino. Myanda ipeela yatudi bapwe kumona ayitutentekyesha kyabuntu kii na muulo ukata kyatudi nakyo kyabadi betupe—kiukilo kya bya binyibinyi! Banda kunangushena,—mushindo kinyi ulombeene kwikala kino kya buntu bu kyobe? Mu kino kipindji atukyebe kutaluula luno lukonko. Mushindo upete bafubi b’Efile Mukulu kapeela kapeela etaata dya mu kikudi aushinkamisha shi Bufumu bw’Efile Mukulu mwanda wa binyibinyi. Munda mwa bipwa lukama, Yesu Kidishitu, Nfumu a Bufumu bw’Efile Mukulu mmukite mwaye mooso bwashi bafubi b’Efile Mukulu balongyeshibwe bya binyibinyi.
MU KINO KIPINDJI
CHAPITRE 3
Yehowa asokola mpàngo yaaye
Bufumu bubaadi mu mpàngo y’Efile Mukulu su? Mushindo kinyi ubaadi Yesu musokole myanda itale Bufumu?
SHAPITRE 4
Yehowa atumbisha eshina dyaaye
Nkinyi kikite Bufumu pabitale eshina dy’Efile Mukulu? Mushindo kinyi okwete kukwasha bwa kwikasha eshina dya Yehowa selele?
SHAPITRE 5
Nfumu batuusha etaata pabitale Bufumu
Peta mpushisho ebuwa pabitale Bufumu bw’Efile Mukulu, baaba abekala bakunkushi ba mu Bufumu na bantu babakamunu mpa na pabitale akitungu kukita bwa kushaala balamate ku Bufumu.
