JAATS 1
U jaajil yoʼolal le Reinooʼ: Ku tsʼaʼabal le maʼalob kaʼansajoʼ
LE TÁAN a tsʼáaik xook tiʼ juntúul máakoʼ ka wilik bix u kiʼimaktal u yóol ken u naʼat le baʼax ku xokik teʼ Bibliaoʼ. Letiʼeʼ ku yaʼalik: «¿U kʼáat wa túun u yaʼaleʼ jeʼel u páajtal k-kuxtal tiʼ junpʼéel Paraíso way Luʼumeʼ?». Le máax bijaʼan ta wéeteloʼ ku yaʼaliktiʼ yéetel kiʼimak óolal: «Leloʼ bey u yeʼesik le teksto ta xokoʼ». Le j-xoknáal túunoʼ ku yaʼalik: «Lelaʼ mix juntéen in wuʼuy u kaʼansaʼal». Teʼ súutuk jeʼeloʼ ku kʼaʼajaltech bey xan tu yuʼubiluba le ka tu kanaj bix u kʼaabaʼ Diosoʼ.
¿Tsʼoʼok wa u yáax aʼalaʼaltech beyoʼ? Tiʼ yaʼab sukuʼunoʼobeʼ tsʼoʼoki. Lelaʼ ku yeʼesikeʼ le u jaajil yaan teʼ Bibliaoʼ junpʼéel jatsʼuts baʼax u siimajtoʼon Dios. Baʼaleʼ ¿a wojel wa bix kʼuchiktoʼon le jatsʼuts siibalaʼ? Teʼ jaatsaʼ yaan u núukaʼal le kʼáatchiʼaʼ. Tuláakal baʼax tsʼoʼok u kanik u kaajal Dios jujunpʼíitiloʼ ku yeʼesik jach tu jaajil tsʼoʼok u káajal u meyaj u Reino Dios. Rey Jesucristoeʼ tsʼoʼok cien jaʼaboʼob joʼopʼok u yilik ka tsʼaʼabak kʼaj óoltbil u jaajil.
BAʼAX YAAN TEʼ JAATSAʼ
XOOK 3
Jéeobaeʼ ku tsʼáaik ojéeltbil baʼax u tukultmaj u beetik
¿Táakaʼan wa le Reino ichil le baʼaxoʼob u tukultmaj Diosoʼ? ¿Bix maas chíikbesaʼabik le Reino tumen Jesusoʼ?
XOOK 4
Jéeobaeʼ ku nojbeʼenkúuntik u kʼaabaʼ
¿Baʼax tsʼoʼok u beetik le Reino utiaʼal u nojbeʼenkúuntik u kʼaabaʼ Diosoʼ? ¿Bix jeʼel a wáantaj utiaʼal u nojbeʼenkúuntaʼal u kʼaabaʼ Jéeobaeʼ?
XOOK 5
Le Reyoʼ ku maas tsolik bix kun meyaj u gobierno
Ilawil a maas naʼatik baʼax u Reino Dios, máaxoʼob kun gobernariʼ, máaxoʼob ken u gobernarte yéetel baʼax táakaʼan ichil u tsʼáaikuba máak tu tséel le Reinooʼ.