MO Bi gupai nga gu boro mo awirikapai na ni namongo ti ngbani wa ni nagi rogo gu veresi yo oni nagedihe sa na ni. Fuani, ni ki ya, “Mo naida ka ya fere Baibiri nayugo gupai nga ani rengbe arengba ka raka rogo Paradizo auru kpotosende ane?” Gamo badia tungusapai mamu na ki ya, “Ginipai Baibiri napehe?” Ngbani zere ni ki wo ti rini be iriwoapai, ki ya, “Kina ngbare zere nga boro ho naayugu gipai re fere mbata te!” Mo tingidi gupai nga, kina gu bangisapai re ni agumbaha bete aposo kusayo ho ni awiriki gupai ni ni bambataha nga rimo Mbori nga Yekova.

Ya mo pai amangingo foro wa gure? Dungu ga Mbori aboro si aima manga fuyo. Bete apai wa gure rengbe ka tingida rani na pa gu wene gamahe du berani nga, gu inohe nga ga rengo! Mo berẽnga nga: Wai du mo agbia gu gamahe re? Rogo gi paparaha re, ani nika wisigopai tipa gu sanahe re. Gu gene ga Mbori aboro nagbia gu giarogopaiyo ngbaha nga ga toro nayugo na ni nzunzu nga ga Mbori Kindo nga ndikidipai. Tipa kama agarã, gaha Bakindo nga Yesu Kristo aima digo nimangi ome i yugu rengo fu ga Mbori aboro.