BAGIN 2
Pemberitan Kinirajan—Mbarken Berita si Meriah ku Sebelang Doni
PAGI-PAGI si lampas, bas wari kam la erdahin, ersikap-sikap kam guna erberita. Tapi, ragu kam guna berkat; perban latih akapndu. Pasti ntabeh kal adi banci tunduh mulihi! Tapi, ertoto kam janah ipetetapndu ukurndu guna lawes. Temanndu erberita eme sekalak turang senina si setia si nggo metua; kinigenggengenna ras lias atena erbahan kam ngergai ia. Janah, asum iberitakenndu berita kebenaren arah rumah ku rumah, teringet kam nandangi turang senina si deban i sebelang doni si mberitaken berita si seri, nggunaken lektur si seri, janah kerina ndatken pelatihen si seri. Seh i rumah, ipegegehi kam mulihi. Meriah kal ukurndu erkiteken surung kam erberita!
Gundari enda, pelayanen Kristen pendahin utama Kinirajan Dibata. Inubuatken Jesus maka i bas wari-wari pendungi pendahin erberita seh ku sebelang doni. (Mat. 24:14) Uga nubuat enda igenepi? Bas bagin enda, banci sibahas kerna umat Dibata, cara si igunakenna, bage pe alat si seh kal pentingna i bas pelayanen Kristen, si terus nampati jutan kalak i sebelang doni gelah meteh maka Kinirajan Dibata e tuhu-tuhu lit.
BAS BAGIN ENDA
PASAL 6
Umat si Erberita—Pelayan si Ngerelaken Diri
Engkai Jesus tek maka lit nge pagi si ndukung ia alu ermeriah ukur i bas wari-wari pendungi? Uga carana banci icidahkenndu maka terus idaramindu lebe Kinirajan?
PASAL 7
Cara Erberita—Nggunaken Erbage-bage Alat lako Mpeseh Berita man Nterem Jelma
Pelajari kerna cara-cara si mbaru si igunaken umat Dibata i bas erberita man nterem jelma sope reh kedungen e.
PASAL 8
Alat Erberita—Ngasilken Lektur guna Juma Sebelang Doni
Uga dahin penerjemahen mbuktiken maka kita idukung Jesus? Kai saja bukti kerna publikasinta si erbanca kam tek maka Kinirajan e nyata?
PASAL 9
Hasil Erberita—Juma-Juma Enggo Megersing guna Iperani
Iajari Jesus ajar-ajarna dua pelajaren si penting kerna peranin rohani si mbelin. Uga pelajaren e mpengaruhi kita gundari?
