ផ្នែកទី២
ការផ្សព្វផ្សាយអំពីរាជាណាចក្ររបស់ព្រះ: ការផ្សាយដំណឹងល្អទូទាំងផែនដី
ពេលព្រលឹមនៅថ្ងៃឈប់សម្រាកពីការងារ អ្នកកំពុងរៀបចំសម្រាប់កិច្ចផ្សព្វផ្សាយ។ អ្នកស្ទាក់ស្ទើរដោយសារអ្នកអស់កម្លាំងបន្ដិច។ បើអាចសម្រាកមួយព្រឹកបាន នោះល្អណាស់! ប៉ុន្តែអ្នកអធិដ្ឋានអំពីរឿងនោះ ហើយតាំងចិត្តចេញទៅផ្សព្វផ្សាយ។ អ្នកផ្សព្វផ្សាយជាមួយនឹងបងស្រីវ័យចាស់ម្នាក់ដ៏ស្មោះត្រង់ ហើយការស៊ូទ្រាំនិងចិត្តស្លូតបូតរបស់គាត់លើកទឹកចិត្តអ្នក។ កាលដែលអ្នកផ្សព្វផ្សាយពីផ្ទះមួយទៅផ្ទះមួយ អ្នកនឹកឃើញថា បងប្អូនប្រុសស្រីរបស់អ្នកទូទាំងផែនដីកំពុងផ្សព្វផ្សាយប្រាប់ព័ត៌មានដូចគ្នា ដោយប្រើសៀវភៅដូចគ្នា ហើយបានទទួលការបង្ហាត់បង្រៀនដូចគ្នា។ ពេលដែលអ្នកមកដល់ផ្ទះវិញ អ្នកមានកម្លាំងឡើងវិញ។ អ្នកសប្បាយចិត្តណាស់ដែលអ្នកមិនបាននៅផ្ទះ!
នៅសព្វថ្ងៃនេះ កិច្ចផ្សព្វផ្សាយរបស់គ្រិស្តសាសនិកជាកិច្ចការសំខាន់បំផុតរបស់រាជាណាចក្រព្រះ។ លោកយេស៊ូបានប្រកាសទុកជាមុនថា កិច្ចផ្សព្វផ្សាយនឹងមានទំហំធំធេងក្នុងគ្រាចុងក្រោយបង្អស់។ (ម៉ាថ. ២៤:១៤) តើអ្វីដែលលោកប្រកាសនោះបានកើតឡើងយ៉ាងដូចម្ដេច? ក្នុងផ្នែកនេះ យើងនឹងពិចារណាអំពីមនុស្ស វិធីសាស្ត្រ និងជំនួយផ្សេងៗដែលសំខាន់ក្នុងកិច្ចបម្រើរបស់គ្រិស្តសាសនិកពិត ជាកិច្ចបម្រើដែលកំពុងជួយមនុស្សរាប់លាននាក់ទូទាំងផែនដី ឲ្យយល់ថារាជាណាចក្ររបស់ព្រះជារដ្ឋាភិបាលពិតប្រាកដ។
ក្នុងផ្នែកនេះ
ជំពូកទី៦
មនុស្សមួយក្រុមដែលជាអ្នកផ្សព្វផ្សាយ: អ្នកបម្រើដែលប្រគល់ខ្លួនដោយស្ម័គ្រពីចិត្ត
ហេតុអ្វីលោកយេស៊ូបានជឿជាក់ថាលោកនឹងមានអ្នកស្ម័គ្រចិត្តគាំទ្រលោកនៅគ្រាចុងក្រោយបង្អស់? តើអ្នកអាចបង្ហាញយ៉ាងដូចម្ដេចថា អ្នកកំពុងស្វែងរករាជាណាចក្រជាមុន?
ជំពូកទី៧
វិធីផ្សព្វផ្សាយ: រាស្ត្ររបស់ព្រះប្រើគ្រប់វិធីដើម្បីផ្សព្វផ្សាយ
សូមអញ្ជើញរៀនអំពីវិធីផ្សេងៗដែលរាស្ត្ររបស់ព្រះធ្លាប់ប្រើដើម្បីផ្សព្វផ្សាយដល់មនុស្សច្រើនបំផុត មុនទីបញ្ចប់មកដល់។
ជំពូកទី៨
ឧបករណ៍ជំនួយសម្រាប់កិច្ចផ្សព្វផ្សាយ: ការបោះពុម្ពផ្សាយសៀវភៅសម្រាប់មនុស្សទូទាំងពិភពលោក
តើកិច្ចការបកប្រែបង្ហាញយ៉ាងដូចម្ដេចថា លោកយេស៊ូកំពុងគាំទ្រយើង? ស្តីអំពីឧបករណ៍ជំនួយផ្សេងៗរបស់យើង តើទិន្នន័យអ្វីខ្លះដែលនាំឲ្យអ្នកជឿជាក់ថារាជាណាចក្ររបស់ព្រះគឺពិតប្រាកដ?
ជំពូកទី៩
លទ្ធផលនៃកិច្ចផ្សព្វផ្សាយ: «វាលស្រូវ . . . ទុំល្មមច្រូតហើយ»
លោកយេស៊ូបានបង្រៀនអ្នកកាន់តាមលោកនូវមេរៀនសំខាន់ពីរដែលទាក់ទងនឹងការច្រូតប្រមូលផល។ សព្វថ្ងៃនេះ តើមេរៀនទាំងនោះទាក់ទងនឹងយើងយ៉ាងដូចម្ដេច?
