RUHA 2
Kuzuvhisa Uhompa
ONO liwapaikire kupwaga moyirugana yokuzuvhisa. Nye to kara nomasinganyeko morwa eroroko lyoyirugana. To lizuvhu asi ngano o pwizumuke po. Nye to kanderere nokutokora kuza. To rugana kumwe nomunazinyetukadi gokukurupa gomulimburukwi ano elididimikiro nonkenda zendi tazi ku gumu komutjima. Apa ono kuzuvhisa mbudi zousili tunda embo zende embo, to diworoka asi vanavazinyetu mouzuni mudima kuna kuzuvhisa mbudi zokulifana nokuruganesa yimbapiratjangwa yokulifana ntani nawo kuna kugwanena mo uwa medeuro lyokulifana. Apa nye no ka sika kembo to lizuvhu ono nkondopara. Ono hafa kweyi ono pwaga mokuzuvhisa.
Kuzuvhisa kuhamena Uhompa waKarunga yiso sirugana somulyo po koVakriste. Jesus ga pumbire asi pomazuva gopouhura, yirugana yokuzuvhisa ngayi lihana. (Mat. 24:14) Ngapi omu uporofete ou wa sika mo? Moruha oru ngatu ka zogera vantu nonongendeseso noyiruganeso eyi ya kara nomulyo koyirugana yokuzuvhisa eyi yina kuvatera vantu mouzuni mudima va dimburure asi Uhompa waKarunga yipo wa kara.
MORUHA ORU
EGAUNUNO 6
Vazuvhisi
Morwasinke Jesus ga karerere nehuguvaro asi nga gwana ava ngava mu kwatesa ko pomazuva gopouhura? Ngapi no yi likida asi ove kuna kuhova kupapara Uhompa?
EGAUNUNO 7
Nonkedi dokuzuvhisa
Lironga o dive nonkedi donompe va ruganesa vantu vaKarunga mokutwarera vantu wovanzi mbudi zongwa komeho uhura u wize.
EGAUNUNO 8
Yiruganeso yokuzuvhisa
Ngapi sirugana setu setoroko asi likida asi Hompa kuna kutuvatera? Maumbangi musinke kuhamena yimbapiratjangwa yetu gana kulikida asi Uhompa yipo wa kara?
EGAUNUNO 9
Yitundwamo yezuvhiso
Jesus kwa rongere varongwa vendi yirongwa yivali yomulyo kuhamena etezo lyenene lyanaina. Ngapi ya tu kundama yirongwa oyo?
