ຕອນ 2
ການປະກາດເລື່ອງລາຊະອານາຈັກ—ການເຜີຍແຜ່ຂ່າວດີໄປທົ່ວໂລກ
ເຈົ້າຕື່ນແຕ່ເຊົ້າໃນມື້ພັກວຽກເພື່ອກຽມຕົວໄປປະກາດ ແຕ່ເຈົ້າກໍລັງເລເພາະຮູ້ສຶກເມື່ອຍ. ຖ້າເຊົ້າມື້ນີ້ໄດ້ພັກແດ່ຄືຊິດີຫຼາຍ! ແຕ່ເຈົ້າອະທິດຖານແລ້ວກໍອອກໄປປະກາດ. ເຈົ້າປະກາດຄູ່ກັບພີ່ນ້ອງຍິງສູງອາຍຸທີ່ຮັບໃຊ້ດ້ວຍຄວາມສັດຊື່ມາດົນ ເຈົ້າປະທັບໃຈຫຼາຍທີ່ເຫັນວ່າລາວເປັນຄົນໃຈດີແລະດຸໝັ່ນໃນການປະກາດ. ເມື່ອເຈົ້າບອກຄວາມຈິງກັບຜູ້ຄົນຕາມບ້ານເຮືອນໄປເລື້ອຍໆ ເຈົ້າກໍນຶກເຖິງພີ່ນ້ອງທົ່ວໂລກທີ່ກຳລັງບອກຂ່າວສານເລື່ອງດຽວກັນ ໃຊ້ປຶ້ມແບບດຽວກັນ ແລະໄດ້ຮັບການສອນແບບດຽວກັນ. ເມື່ອກັບມາຮອດເຮືອນ ເຈົ້າກໍຮູ້ສຶກສົດຊື່ນ ເຊົາເມື່ອຍ ຖ້າມື້ນີ້ບໍ່ໄດ້ໄປປະກາດຄົງເສຍດາຍແທ້ໆ!
ປັດຈຸບັນນີ້ ວຽກປະກາດທີ່ຄລິດສະຕຽນເຮັດເປັນວຽກຫຼັກຂອງລາຊະອານາຈັກ. ພະເຍຊູບອກລ່ວງໜ້າວ່າໃນສະໄໝສຸດທ້າຍ ວຽກນີ້ຈະມີຂອບເຂດທີ່ກວ້າງຂວາງຫຼາຍ. (ມັດ. 24:14) ຄຳພະຍາກອນນີ້ເກີດຂຶ້ນຈິງແນວໃດ? ໃນຕອນ 2 ເຮົາຈະໄດ້ຮຽນເລື່ອງຜູ້ປະກາດ ວິທີປະກາດ ແລະເຄື່ອງມືທີ່ສຳຄັນຕ່າງໆທີ່ຄລິດສະຕຽນໃຊ້ໃນວຽກປະກາດ ເຊິ່ງໄດ້ຊ່ວຍຫຼາຍລ້ານຄົນທົ່ວໂລກໃຫ້ເຫັນວ່າລາຊະອານາຈັກຂອງພະເຈົ້າມີຢູ່ແທ້.
ໃນ ຕອນ ນີ້
ບົດທີ 6
ຜູ້ປະກາດຂ່າວດີ—ຜູ້ຮັບໃຊ້ທີ່ເຕັມໃຈເຮັດວຽກ
ເປັນຫຍັງພະເຍຊູຈຶ່ງໝັ້ນໃຈວ່າຈະມີຄົນທີ່ເຕັມໃຈສະໜັບສະໜູນເພິ່ນໃນສະໄໝສຸດທ້າຍ? ແລະເຮົາຈະສະແດງໃຫ້ເຫັນໄດ້ແນວໃດວ່າເຈົ້າສະແຫວງຫາລາຊະອານາຈັກຂອງພະເຈົ້າກ່ອນສະເໝິ?
ບົດທີ 7
ວິທີປະກາດ—ໃຊ້ວິທີປະກາດເພື່ອໃຫ້ຂ່າວສານໄປເຖິງຜູ້ຄົນ
ຮຽນກ່ຽວກັບເຕັກນິກໃໝ່ໆທີ່ປະຊາຊົນຂອງພະເຈົ້າເຄີຍໃຊ້ເພື່ອຊອກຫາຜູ້ຄົນໃຫ້ຫຼາຍເທົ່າທີ່ຈະຫຼາຍໄດ້ກ່ອນອະວະສານຈະມາ
ບົດທີ 8
ເຄື່ອງມືທີ່ໃຊ້ໃນວຽກປະກາດ—ການພິມສັບພະໜັງສືທີ່ໃຊ້ໃນເຂດປະກາດທົ່ວໂລກ
ວຽກແປຂອງເຮົາພິສູດໃຫ້ເຫັນແນວໃດວ່າພະເຍຊູຢູ່ເບື້ອງຫຼັງ? ມີຄວາມຈິງຫຍັງແດ່ກ່ຽວກັບສັບພະໜັງສືຂອງເຮົາທີ່ເຮັດໃຫ້ໝັ້ນໃຈວ່າລາຊະອານາຈັກຂອງພະເຈົ້າມີຢູ່ແທ້?
ບົດທີ 9
ຜົນຂອງການປະກາດ—‘ທົ່ງນາເຂົ້າ . . . ເຫຼືອງພໍທີ່ຈະກ່ຽວໄດ້ແລ້ວ’
ພະເຍຊູສອນບົດຮຽນສຳຄັນ 2 ເລື່ອງໃຫ້ພວກລູກສິດ ເຊິ່ງກ່ຽວຂ້ອງກັບວຽກກ່ຽວທີ່ຍິ່ງໃຫຍ່ຂອງພະເຈົ້າ ບົດຮຽນນັ້ນມີຜົນຕໍ່ເຮົາແນວໃດໃນທຸກມື້ນີ້?