အပိုင်း ၂
နိုင်ငံတော်သတင်း ဟောပြောခြင်း—ကမ္ဘာတစ်ဝန်း သတင်းကောင်းပျံ့နှံ့စေခြင်း
အလုပ်ပိတ်ရက် မနက်စောစောမှာ အမှုဆောင်ထွက်ဖို့ ပြင်ဆင်နေတယ်။ နည်းနည်းပင်ပန်းနေတော့ မသွားရင်ကောင်းမလားလို့ တွေးမိတယ်။ မနက်ပိုင်းမှာ အေးအေးဆေးဆေးနားလိုက်ရရင် ဇိမ်ပဲ။ ဒါပေမဲ့လည်း ဆုတောင်းပြီး သွားဖို့ဆုံးဖြတ်လိုက်တယ်။ အမှုဆောင်မှာ သစ္စာရှိတဲ့ သက်ကြီးညီအစ်မတစ်ယောက်နဲ့တွဲရတယ်။ သူ့ရဲ့ ခံနိုင်ရည်နဲ့ ကြင်နာမှုက တကယ့်ကိုစွဲမှတ်စရာပဲ။ ဒါ့အပြင် တစ်အိမ်တက်ဆင်းမှာ အမှန်တရားအကြောင်း ဟောနေရင်းနဲ့ ကမ္ဘာတစ်၀န်းက ညီအစ်ကိုညီအစ်မတွေလည်း ဒီအကြောင်းကိုပဲ ဟောနေတာ၊ ဒီစာပေတွေကိုပဲ သုံးနေတာ၊ ဒီလေ့ကျင့်မှုကနေပဲ အားလုံးအကျိုးရနေတာလို့ စဉ်းစားမိတယ်။ အိမ်ပြန်ရောက်တော့ လန်းဆန်းတက်ကြွနေလိုက်တာ။ အိမ်မှာမနေလိုက်တာ သိပ်မှန်သွားတယ်။
အခုအချိန်မှာ ခရစ်ယာန်အမှုဆောင်လုပ်ငန်းဟာ ဘုရားသခင့် နိုင်ငံတော်ရဲ့ အဓိကလုပ်ငန်းဖြစ်တယ်။ နောက်ဆုံးကာလအတွင်းမှာ ဟောပြောခြင်းလုပ်ငန်းဟာ အံ့ဩစရာကောင်းလောက်အောင် ကြီးမားကျယ်ပြန့်လာမယ်လို့ ယေရှု ကြိုဟောခဲ့တယ်။ (မ. ၂၄:၁၄) ဒီကြိုဟောချက် ဘယ်လိုပြည့်စုံနေသလဲ။ ဒီအပိုင်းမှာ အမှုဆောင်လုပ်ငန်းအတွက် သိပ်အရေးကြီးတဲ့ နည်းလမ်းတွေ၊ ကိရိယာတွေ၊ လူတွေအကြောင်း ဆွေးနွေးကြမယ်။ ဒီလုပ်ငန်းက ကမ္ဘာတစ်၀န်းကသန်းနဲ့ချီသူတွေကို ဘုရားသခင့်နိုင်ငံတော် တကယ်တည်ရှိကြောင်း သိမြင်လာဖို့ ကူညီပေးနေပါတယ်။
ဒီအပိုင်းမှာ
အခန်း ၆
ဟောပြောသူများ—ကိုယ့်ကိုယ်ကိုယ် လိုလိုလားလားပေးဆက်နေတဲ့ အမှုတော်ဆောင်များ
နောက်ဆုံးကာလမှာ လိုလိုလားလားဟောပြောသူတွေရှိမယ်လို့ ယေရှုဘာကြောင့် ယုံကြည်စိတ်ချတာလဲ။ နိုင်ငံတော်ကို ဦးစွာရှာကြောင်း သင် ဘယ်လိုတင်ပြနိုင်သလဲ။
အခန်း ၇
ဟောပြောခြင်းနည်းလမ်းများ—လူတွေဆီ သတင်းကောင်းရောက်ဖို့ နည်းလမ်းတိုင်းကို အသုံးပြုခြင်း
အဆုံးမတိုင်ခင် လူများနိုင်သမျှများများဆီ သတင်းကောင်းရောက်ဖို့ ဘုရားသခင့်လူမျိုး ဆန်းသစ်တီထွင် အသုံးပြုခဲ့တဲ့နည်းပညာတွေအကြောင်း လေ့လာကြည့်ပါ။
အခန်း ၈
ဟောပြောခြင်းလုပ်ငန်းသုံး ကိရိယာများ—ကမ္ဘာချီဟောပြောခြင်းလုပ်ငန်းအတွက် စာပေများထုတ်ဝေခြင်း
ကျွန်တော်တို့ကို ယေရှု ကျောထောက်နောက်ခံပေးနေကြောင်း ဘာသာပြန်လုပ်ငန်းက ဘယ်လိုသက်သေထူသလဲ။ ကျွန်တော်တို့ရဲ့စာပေတွေနဲ့ပတ်သက်တဲ့ ဘယ်အချက်အလက်တွေက နိုင်ငံတော် တကယ်တည်ရှိကြောင်း သင့်ကိုသက်သေပြသလဲ။
အခန်း ၉
ဟောပြောခြင်းလုပ်ငန်းရဲ့အကျိုးရလဒ်များ—“စပါးရိတ်သိမ်းရန် လယ်ပြင်သည် မှည့်ဝင်းလျက်ရှိနေပြီ”
ယေရှုက တပည့်တွေကို အကြီးကျယ်ဆုံးရိတ်သိမ်းခြင်းနဲ့ပတ်သက်တဲ့ အရေးကြီးသင်ခန်းစာနှစ်ခု သင်ပေးခဲ့တယ်။ ဒီသင်ခန်းစာက အခုအချိန်မှာ ကျွန်တော်တို့နဲ့ ဘယ်လိုသက်ဆိုင်သလဲ။