FAOSATÖ 2
Fanuriaigö Banua Lowalangi—Mamazaewe Turia Somuso Dödö ba zi Sagörö Ulidanö
SIHULÖ wongi siʼai, me lö möiʼö mohalöwö, öfaʼanö ndraʼugö weʼamöi manuriaigö. Abua gölöu; örasoi waʼamarase. Hulö abölö sökhi na öfuli ölau mörö! Hizaʼi, ölau mangandrö ba öʼaroʼö dödöu wofanö. Faoʼö wanuriaigö khö dalifusöda salawa döfi ba si lö faröi; toröi-röi ba dödöu waʼanau gölö ba faʼasökhi gamuatania. Me öfazaewe duria sindruhu misa, itörö tödöu dalifusöda ba zi sagörö ulidanö, lafaʼema duria simane nifaʼemau, fagölö mbuku niʼogunaʼömi hegöi famahaʼö nitemami. Me no örugi nomo, ifuli abölö ndraʼugö. Omuso dödöu me no öhalö gangetula weʼamöi manuriaigö!
Iadaʼa, halöwö niha Keriso no halöwö si oföna sibai ba Mbanua Lowalangi. No ifaʼeleʼö Yesu wa hasambalö irugi ba zi sagörö ulidanö halöwö fanuriaigö andre ba ngaluo safuria. (Mat. 24:14) Hewisa wa alua daʼa? Ba faosatö daʼa, tafatunö nono mbanua Lowalangi, lala nifaluara, hegöi niʼogunaʼöra ba wamalua halöwö niha Keriso, fanolo niha si hauga zuta faʼato enaʼö laʼila wa toʼele Mbanua Lowalangi.
SO BA DA'A
FAZA 6
Ono Mbanua Sanuriaigö—Laʼaohasi Gölöra Ira Sohalöwö
Hana wa faduhu dödö Yesu wa so niha si no aoha gölö ba wanuriaigö ba ngaluo safuria andre? Hewisa wangoromaʼöu wa öʼofönaiʼö wangalui Banua Lowalangi?
FAZA 7
Lala ba Wanuriaigö—Mangaʼasogö Lektur ba zi Sagörö Ulidanö
Faigi hewisa ngawalö lala niʼogunaʼö nono mbanua Lowalangi ba wanuriaigö turia somuso dödö ba niha sato fatua lö atua danö.
FAZA 8
Fakake ba Wanuriaigö—Mangaʼasogö Lektur ba Nowi ba zi Sagörö Ulidanö
Hewisa halöwö famoʼeluaha nifaluada tobali tandra wa ituhini ita Yesu? Sanandrösa ba publikasida, hadia manö zangoromaʼö wa toʼele Mbanua Lowalangi khöu?
FAZA 9
Bua Wanuriaigö—”Nowi, Noa Saʼae Aʼusö, Tandra Wa Basitö”
So dombua ngawalö nifahaʼö Yesu khö ndra nifahaʼönia sanandrösa ba halöwö wamasi soʼamakhaita ba wamati. Hadia lua-lua wamahaʼö daʼö khöda ba ginötö andre?