KAYPI tʼukuriy: llankʼaymanta samarinayki pʼunchaypi willaj rinaykipaj wakichikushanki. Chaywanpis, semanantin llankʼasqaykimanta saykʼusqa kashasqaykirayku, samarikuyta munanki. Jinapis Diosmanta mañakunki, willajtaj llojsinki. Chay paqarenqa, uj kuraj hermanitawan willanki, payqa may kʼacha, mana saykʼuspataj runasman willashallanpuni. Wasimanta wasi willashaspaqa, jinata tʼukurinki: “Hermanosqa Jallpʼantinpi willashallankutaj, kikin publicacioneswan, kikin wakichisqallataj”, nispa. Wasiman kutipusparí, niña saykʼusqachu kashanki, willayman risqaykimantataj kusisqa kashanki.

Kay tiempopeqa Diospa Reinonmanta astawan willakushan. Jesusqa qhepa pʼunchaykunapi tukuynejpi willakunanta nerqa (Mat. 24: 14). ¿Imaynatá chay nisqan juntʼakun? Kay rakʼiypeqa, imaschus chay llankʼayta juntʼananchejpaj yanapawasqanchejta ukhuncharisun. Chantapis pikunachus willashasqankuta, imaynatachus willashasqankuta, imaswanchus yanapachikushasqankuta ima. Chayraykutaj ashkha runasqa Diospa Reinon kasqantapuni reparashanku.