JAATS 2
U kʼaʼaytaʼal le Reinooʼ: Táan u kʼaʼaytaʼal le maʼalob péektsil tiʼ tuláakal yóokʼol kaaboʼ
JUNPʼÉEL jaʼatskab maʼ ta bin meyajeʼ ka líiʼskaba utiaʼal a bin kʼaʼaytaj. Baʼaleʼ ka wuʼuyik jach kaʼanaʼanech yéetel ka wuʼuyik taak a pʼáatal jeʼelel. Baʼaleʼ ka beetik túun a payalchiʼ, tsʼoʼoleʼ ka bin. Ka tsʼaʼabal meyaj yéetel juntúul kiik úuch káajak u meyajtik Jéeoba, ken a wil bix u meyajtik yéetel chúukaʼan óolal yéetel bix u yeʼesik u yutsileʼ ku beetik a tuklik: «Bejlaʼeʼ yaʼabkach sukuʼunoʼob yéetel kiikoʼob tiʼ tuláakal yóokʼol kaab táan xan u kʼaʼaytikoʼob le maʼalob péektsiloʼ, táan u meyajtiʼob xan le jóoʼsaʼanil ku meyajtenoʼ yéetel junpʼéeliliʼ bix k-kaʼansaʼal kʼaʼaytaj». Le ken suunakech ta wotocheʼ kiʼimak a wóol úuchik a jóokʼol kʼaʼaytaj, mix ta wuʼuyik wa kaʼanaʼanechiʼ.
Teʼ kʼiinoʼobaʼ le kʼaʼaytajoʼ letiʼe meyaj maas kʼaʼanaʼan ku nuʼuktaʼal tumen u Reino Diosoʼ. Jesuseʼ tu yaʼaleʼ teʼ tu tsʼook kʼiinoʼobaʼ le maʼalob péektsiloʼ yaan u kʼaʼaytaʼal tiʼ tuláakal yóokʼol kaab (Mat. 24:14). ¿Bix u béeytal le profecíaaʼ? Teʼ jaats tiʼ le libroaʼ yaan k-tʼaan tiʼ le máaxoʼob tsʼoʼok u táakpajloʼob teʼ meyajaʼ, bix tsʼoʼok u kʼaʼaytajoʼob yéetel baʼaxoʼob meyajnajtiʼob utiaʼal u beetkoʼob. Tuláakal lelaʼ tsʼoʼok u yáantik u millonesil máakoʼob tiʼ tuláakal yóokʼol kaab utiaʼal ka u yiloʼob jach tu jaajil táan u meyaj u Reino Dios.
BAʼAX YAAN TEʼ JAATSAʼ
XOOK 6
Junpʼéel kaaj ku kʼaʼaytaj: Le j-kʼaʼaytajoʼoboʼ maʼ obligartbil u beetaʼaloʼobiʼ
¿Baʼaxten jach u yojel Jesús yaan u yantal yaʼabkach j-kʼaʼaytajoʼob teʼ tu tsʼook kʼiinoʼoboʼ? ¿Bix jeʼel k-eʼesik táan k-kaxtik táanil le Reinooʼ?
XOOK 7
Le bix u yúuchul kʼaʼaytajoʼ: Jejeláas bix úuchik u kʼaʼaytaʼal le maʼalob pʼeektsiloʼ
Ilawil le baʼaxoʼob tsʼoʼok u meyaj tiʼ le máaxoʼob meyajtik Dios utiaʼal u kʼaʼaytikoʼob le maʼalob péektsil tiʼ yaʼab máakoʼob táanil u taal le xuʼulsajiloʼ.
XOOK 8
U nuʼukulil le kʼaʼaytajoʼ: Jóoʼsaʼaniloʼob utiaʼal le kʼaʼaytajoʼ
¿Bix u yeʼesik le u traducirtaʼal le jóoʼsaʼaniloʼob táan k-áantaʼal tumen Jesús? ¿Bix u yáantkech le jóoʼsaʼaniloʼob a wil jach tu jaajil yaan le Reinooʼ?
XOOK 9
Utsiloʼob ku taasik le kʼaʼaytajoʼ: ‹Le kooloʼoboʼ tsʼoʼok u pʼiistaloʼob utiaʼal jochbil›
Jesuseʼ tu kaʼansaj kaʼapʼéel baʼal yoʼolal le joochoʼ. ¿Baʼax ku yeʼesiktoʼon le kaʼapʼéel baʼax tu yaʼaloʼ?