FÃ 3
Matsɛ Yemi ɔ Mlaahi—Nyɛ Hla Níhi Nɛ Da Ngɛ Mawu Hɛ Mi
BENƐ o ngɛ nyɛɛ ngɛ o kpɔ ɔ mi ɔ, o wo nɔ ko nɛ ngɛ kpɔ ɔ mi ɔ nine. O yɔse kaa ligbi etɛ nɛ ɔ, e hii o kɛ o weku ɔ hyɛe wawɛɛ. Lɛ hu e wo mo nine, kɛkɛ nɛ e gbla mo nine ke o ba. E de mo ke: “Ma bi mo sane ko. Mɛni ha nɛ nyɛ je ekpa kulaa a?” O bi lɛ ke, “Kɛ o ngɛ tsɔɔe kɛɛ?” E bi mo ekohu ke, “Tse Yehowa Odasefohi ji nyɛ, aloo? Nyɛ be kaa ni kpahi. Nyɛ pee we nyɛ ní kaa jami kpahi—nyɛ yi gbijlɔhi, nɛ nyɛɛ kɛ nyɛ he wui ma kudɔmi sanehi kɛ tahi a mi. Nyɛ nui sigaleti hulɔ. O weku ɔ mi bi ɔmɛ baa a je mi saminya. Mɛni ha nɛ nyɛ je ekpa kulaa ngɛ blɔhi fuu a nɔ ɔ?”
O le heto ɔ momo, lɔ ɔ ji: Wa ngɛ Mawu Matsɛ Yemi ɔ nɔ yemi sisi. Yesu nɛ ji Matsɛ ɔ ngɛ wa he tsue. E ngɛ wɔ ye buae konɛ waa nyɛɛ e nane mami he ɔmɛ a se bɔ nɛ pee nɛ waa je ekpa ngɛ je ɔ he. Ngɛ fã nɛ ɔ mi ɔ, wa ma susu bɔ nɛ Mesia Matsɛ Yemi ɔ ngɛ Mawu we bi a he tsue ha ngɛ mumi mi, kɛ je mi bami mi ɔ he. Jehanɛ hu, wa ma susu bɔ nɛ e ngɛ asafo ɔ he tsue ha konɛ e kɛ wo Yehowa hɛ mi nyami ɔ he.
NGƐ FA NƐ Ɔ
YI 11
Je Mi Bami He Tsakemihi—E Tsɔɔ Bɔ Nɛ Mawu Ngɛ Klɔuklɔu Ha
Kɛ je jeha 1914 kɛ ma nɛ ɔ, Mawu we bi na kaa buli a tsuhi kɛ ablanaa amɛ nɛ ngɛ mumi mi sɔlemi we nɛ a je kɛ tsɔɔ Ezekiel ngɛ nina mi ɔ kɔɔ a Mawu jami he titli.
YI 12
Blɔ Nya Nɛ A To Konɛ A Ja “He Jɔmi Mawu ɔ”
Baiblo ɔ ngɔɛ basabasa kɛ to nɔ́ ko nɛ a to blɔ nya a he, se mohu e kɛ to tue mi jɔmi he. Mɛni he je? Kɛ enɛ ɔ kɔɔ Kristofohi a he mwɔnɛ ɔ ha kɛɛ?
