BAGIAN 3
Aturan ni Harajaon—Sai Mangalului Hatigoran ni Debata
JOTJOT do hombar jabumu mamparrohahon hamu dohot keluargamuna. Di sada tingki, mengkel suping ma hamu tu ibana jala ibana pe songon i. Didok ibana ma, ”Imbar do hamu ate?” Dialusi hamu ma, ”Boasa didok hamu songon i?” Didok ibana muse, ”Hamu, Sitindangi Ni Jahowa do kan? Imbar do hamu sian na asing. Ndang sarupa haporseaonmu dohot agama na asing. Ndang dirayahon hamu angka ari raya, ndang parsidohot tu politik, jala ndang marisap. Molo huparrohahon, parangemu imbar sian na asing. Boasa boi songon i?”
Nunga diboto hamu alusna: Hita mangolu di Pamarentaon ni Harajaon ni Debata. Tongtong do diurupi Raja ni pamarentaon i hita asa marparange na ias. Diurupi do hita asa boi mangolu hombar tu lomo ni roha ni Debata, jala gabe imbar sian portibi on. Di bagian on, taparsiajari ma songon dia Pamarentaon ni Messias pabadiahon naposo ni Debata di partondion, parange, dohot di organisasi asa parohon pujian tu Jahowa.
DI BAGIAN ON
PASAL 10
Bahenon ni Raja I ma Rayatna Ias di Partondion
Songon dia do sejarah ni ari Natal dohot silang?
PASAL 11
Ias Marparange Patuduhon Habadiaon ni Debata
Sian taon 1914, diantusi naposo ni Debata do na ringkot lapatan ni bilut parjagaan dohot dalan masuk na adong di parnidaan ni si Hesekiel.
PASAL 12
Diorganisasi laho Mangulahon Lomo ni Roha ni ”Debata Sipardame”
Bibel mandok alo ni hata gaor, i ma dame ndang tu hata taratur. Boasa songon i? Songon dia do on mangkorhon tu hita saonari?
