IWASEWASE 3
iVakatagedegede ni Matanitu—Vakaliuca na Yalododonu ni Kalou
O YALOYALO vua e dua drau tiko veitikivi, sa dau vakaraici kemudou voli mai vakavuvale. E yalovi iko sara mo gole yani vua, qai tukuna: “Au via taroga tiko e dua na ka. Na cava oni duidui kina?” Ni o sega ni taura rawa na ibalebale ni nona vosa, e mani taroga tale: “O dua na iVakadinadina i Jiova, se vakacava? O sega ni vakataki keimami se mo cakava na veika e vakaitavi kina na neimami lotu, me vaka na solevu ni olodei, veika vakapolitiki, kei na ivalu. Oni sega ni vakatavako, kena irairai ni dou muria tiko vakavuvale e dua na ivakatagedegede cecere. Na cava oni duidui kina vakalevu?”
E matata tu vei keda na vuna: Eda vakarurugi ena veiliutaki ni Matanitu ni Kalou qai sega ni cegu na nona vakasavasavataki keda na kena Tui o Jisu. E veidusimaki meda muria na weniyavana, meda duatani kina vei ira na kena vo ena vuravura ca qo. Eda na raica ena iwasewase qo na sala e vakasavasavataki keda voli mai kina vakayalo na Matanitu vakaMesaia, noda itovo, kei na ituvatuva ni isoqosoqo. Na ka kece qori e lagiti kina o Jiova.
ENA IWASEWASE QO
WASE 10
Vakasavasavataki Ira Vakayalo na Nona iMuri na Tui
Na cava erau tautauvata kina na Kirisimasi kei na kauveilatai?
WASE 11
Me Savasava na iTovo—Ni Savasava na Kalou
Na valeniyadra kei na matamata ni valenisoro e raivotutaka o Isikeli e vakaibalebale vakalevu vei keda me tekivu mai na 1914.
WASE 12
iTuvatuva me Qaravi Kina “na Kalou ni Vakacegu”
Na cava e veidutaitaki kina ena iVolatabu na yakusurasura kei na vakacegu? E vauci keda vakacava na lotu vaKarisito nikua na kena isau?
