წარმოიდგინეთ, რომ ხედავთ მეზობელს და შორიდან ესალმებით. ცოტა ხანში ამჩნევთ, რომ ის დგას და თქვენ და თქვენს ოჯახს შორიდან გაკვირდებათ. მეზობელი ხელით განიშნებთ, რომ მასთან მიხვიდეთ, და შემდეგ გეუბნებათ: „რაღაც მინდა გკითხო: რატომ განსხვავდებით სხვებისგან ასე ძალიან?“. „რაში ხედავ სხვაობას?“ — უბრუნებთ კითხვას. ის აგრძელებს: „ვიცი, რომ იეჰოვას მოწმეები ხართ. თქვენ სხვა მორწმუნეებს არ ჰგავხართ — არ ზეიმობთ დღესასწაულებს, არ ერევით პოლიტიკაში, არ ომობთ, არ ეწევით, წესიერი და პატიოსანი ხალხი ხართ. მაინტერესებს, რატომ ხართ სხვებისგან ასე განსხვავებული?“.

ამ კითხვაზე პასუხი მარტივია: ჩვენ ღვთის სამეფოს ქვეშევრდომები ვართ. ამ სამეფოს მეფის, იესოს წყალობით ჩვენი განწმენდის პროცესი არ წყდება. ის თავის ნაკვალევზე გვატარებს, რის გამოც ბოროტი ქვეყნიერებისგან მკვეთრად განვსხვავდებით. ამ ნაწილში განვიხილავთ, როგორ ახორციელებს მესიანური სამეფოს მეფე ღვთის ხალხის განწმენდას სულიერი, ზნეობრივი და ორგანიზაციული კუთხით, რაც, საბოლოო ჯამში, იეჰოვას განდიდებას ემსახურება.