ផ្នែកទី៣
គោលការណ៍នៃរាជាណាចក្ររបស់ព្រះ: ការស្វែងរកសេចក្ដីសុចរិតរបស់ព្រះ
ថ្មីៗនេះ អ្នកឃើញថាអ្នកជិតខាងរបស់អ្នកកំពុងសង្កេតមើលអ្នកនិងក្រុមគ្រួសាររបស់អ្នក។ នៅថ្ងៃមួយ អ្នកសួរសុខទុក្ខគាត់កាលដែលអ្នកដើរទៅផ្ទះរបស់អ្នក។ គាត់សួរសុខទុក្ខអ្នកដែរ រួចសួរថា៖ «ខ្ញុំសុំសួរមួយបានទេ? ហេតុអ្វីអ្នករាល់គ្នាខុសពីអ្នកឯទៀត?»។ អ្នកសួរតបទៅវិញថា៖ «តើអ្នកចង់ដឹងអំពីអ្វី?»។ គាត់ឆ្លើយថា៖ «អ្នករាល់គ្នាជាសាក្សីព្រះយេហូវ៉ាមែនទេ? អ្នករាល់គ្នាមិនដូចសាសនាឯទៀតទេ។ ខ្ញុំចង់និយាយថា អ្នកមិនធ្វើបុណ្យ មិនចូលរួមក្នុងនយោបាយ ក៏មិនធ្វើសង្គ្រាមដែរ។ គ្មានសាក្សីព្រះយេហូវ៉ាណាម្នាក់ជក់បារីទេ។ ម្យ៉ាងទៀត តាមមើលទៅក្រុមគ្រួសាររបស់អ្នកប្រកាន់ខ្ជាប់គោលការណ៍សីលធម៌ដ៏ខ្ពង់ខ្ពស់។ តើអ្វីធ្វើឲ្យសាសនារបស់អ្នករាល់គ្នាខុសពីសាសនាឯទៀតខ្លាំងម្ល៉េះ?»។
អ្នកដឹងថាមានចម្លើយតែមួយគត់ គឺយើងរស់នៅក្រោមការគ្រប់គ្រងនៃរាជាណាចក្ររបស់ព្រះ។ ក្នុងនាមជាស្តេចរបស់យើង លោកយេស៊ូកំពុងសម្រិតសម្រាំងយើង ហើយជួយយើងឲ្យដើរតាមលំអានដានរបស់លោក។ យ៉ាងនោះ មនុស្សអាចឃើញច្បាស់ថាយើងខុសគ្នាឆ្ងាយពីអ្នកឯទៀតក្នុងពិភពលោកដ៏អាក្រក់នេះ។ ក្នុងផ្នែកនេះ យើងនឹងរៀនអំពីរបៀបដែលរាជាណាចក្ររបស់មេស្ស៊ីកំពុងសម្រិតសម្រាំងរាស្ត្ររបស់ព្រះខាងការគោរពប្រណិប័តន៍ ខាងសីលធម៌ និងខាងរបៀបរៀបចំរបស់ពួកគេ។ យើងក៏នឹងឃើញដែរថា ការសម្រិតសម្រាំងនេះនាំឲ្យព្រះយេហូវ៉ាទទួលការសរសើរតម្កើង។
ក្នុងផ្នែកនេះ
ជំពូកទី១០
ស្តេចនៃរាជាណាចក្ររបស់ព្រះសម្រិតសម្រាំងរាស្ត្ររបស់លោកខាងការគោរពប្រណិប័តន៍
តើបុណ្យណូអែលនិងឈើឆ្កាងដូចគ្នាយ៉ាងណា?
ជំពូកទី១១
ការសម្រិតសម្រាំងខាងសីលធម៌: ត្រូវបរិសុទ្ធដូចព្រះបរិសុទ្ធ
ខ្លោងទ្វារនិងបន្ទប់អ្នកយាមក្នុងវិហារដែលអេសេគាលឃើញក្នុងគំនិត មានអត្ថន័យពិសេសសម្រាប់រាស្ត្រព្រះតាំងពីឆ្នាំ១៩១៤។
ជំពូកទី១២
ការរៀបចំរាស្ត្ររបស់ព្រះដើម្បីបម្រើ«ព្រះនៃសេចក្ដីសុខសាន្ត»
គម្ពីរបញ្ជាក់ថាការខ្វះសណ្ដាប់ធ្នាប់គឺផ្ទុយពីសេចក្ដីសុខសាន្ត មិនមែនផ្ទុយពីរបៀបរៀបរយទេ។ ហេតុអ្វី? ហើយតើចម្លើយចំពោះសំណួរនោះទាក់ទងនឹងគ្រិស្តសាសនិកពិតសព្វថ្ងៃនេះយ៉ាងដូចម្ដេច?