CHIBALU 3
Nshimbi jaWanta Kukeñakeña Kuloña kwaNzambi
MUNAKWIMUSHA ntuñi nenu hampinji yimunakuhita. Hadaha munamoni nenu watalaña chimwahandaña nachisaka chenu. Niyena hakuyimusha nakuyila nindi: “Niyihuliku lwihu? Chumanyi chayileñelaña kwikala ambukaku?” Himukumwihula nenu, “Wunatalishi mudihi?” Hakuhosha nindi, “Netu mudi aYinsahu jaYehova? Himwekala neyi antu amakwawuku. Himwelaña yuma yelaña machechi amakwawu, yidi neyi kwanakana mafuku akunooka, kudiñija munsañu yamatuña nachiyuulu nawa mwazuñaña njita wanyi. Himwanwaña makanyaku. Nawa chisaka chenu chamwekeshaña yilwilu yayiwahi. Chumanyi chaleñelaña mwikali ambukaku nawantu amakwawu muyuma yayivulu?”
Mweluka nenu ñakwilu diyi iyi: Muloña atuyuulaña kudi Wanta waNzambi. Chineli hiMwanta, Yesu watutookeshaña. Watukwashaña kwenda mumahaji indi nawa chumichi chatuleñela kwikala ambukaku mukanu kaayi katama. Muchinu chibalu tukumona Mwanta wawuMesiya chinakutookeshayi antu jaNzambi kuspiritu, muyilwilu nimukuloñesha, yuma yejimiyi yamulemeshaña Yehova.
MUCHINU CHIBALU
KAPETULU 11
Kukwasha Antu jaNzambi Kwikala Nayililu Yayiwahi, Kwamwekeshaña Nawu Nzambi Wajila
Tumatala twawatulama niyisu yakuwiñililu yatembeli yamweniyi Ezekeli muchimwenu yemenañaku yuma yalema kudi antu jaNzambi kufuma tuhu mu 1914.
KAPETULU 12
Atupompesha Kulonda Tumukalekeli “Nzambi waKuwunda”
Bayibolu hiyesekeja kwila yuma mukuheña nakuyila chakubula kuheñaku, ilaña yesekeja kuluwañesha nakuwunda. Muloñadi? Nawa ñakwilu yayikundama ñahi akwaKristu makonu?
