ИЗЛЕГУВАЈЌИ од дома, го здогледуваш соседот и му мавнуваш со раката. Во последно време забележуваш дека со посебен интерес те набљудува тебе и твоето семејство. И тој те поздравува, и со раката ти дава знак да му се приближиш. „Може ли да Ве прашам нешто?“, ти вели. „Ве гледам веќе некое време, и забележувам дека сте поинакви од другите луѓе“. „Како мислите ,поинакви‘?“, прашуваш малку изненадено. „Па, слушнав дека сте Јеховини сведоци. Вашата вера многу се разликува од другите. Не славите празници, не се мешате во политика, не одите во војна, не пушите... А и децата Ви се многу убаво воспитани. Зошто толку се разликувате од останатите?“

Ти знаеш дека одговорот е многу едноставен: Ние сме поданици на Божјето Царство. Исус, нашиот Цар, ни помага да се менуваме и да се подобруваме во секој поглед. Нѐ поттикнува да одиме по неговите стапки и да бидеме поинакви од овој расипан свет. Во овој дел ќе видиме како месијанското Царство му помагало на Божјиот народ да се подобрува во духовен, морален и организациски поглед, и како сето тоа му донело слава на Јехова.