ONTHELE 3
Ovitumino Viouhamba—Okuovola Ouviuki wa Huku
SOKA ñgeno ulamba, oyelula okuvoko okukunya munthele yove. Ohinangela okuti ononthiki ombu, uhole okuhuva novituwa viombunga yove. Iya nae ayelula okuvoko ekuihana, tyilekesa okuti una etyi ahanda okupopia nove. Apulu okuti: “Ndyipondola okukulinga epulo? Onwe muelikalela unene novanthu vakuenyi mokonda yatyi?” Iya ove omupulu okuti: “Omokonda yatyi upulila ngotyo?” Ngwe ati: “Onwe Munombangi mba Jeova, hatyo? Onwe kamukahi nga vakuanyi. Kamukahi ngo nongeleya ononkhuavo, kamunyane ovipito viotyilongo, kamulipake mopulitika no movita. Nawike puonwe upuena ine okufenya. Onombunga mbenyi mbuna ovituwa oviwa. Oityi tyimukuatesako opo mukale tyelikalela unene navakuenyi?”
Ove utyii okuti ekumbululo liapepuka: Onthue tuendela movitumino Viouhamba wa Huku. Ohamba yetu Jesus ukahi nokutusukukisa. Ukahi nokutukuatesako okuendela monomphai mbae, opo tukale tyelikalela mouye uno wovivi. Monthele ei, matutale oñgeni Ohamba Mesiya ekahi nokusukukisa ovanthu va Huku opo vakale noupanga omuwa na Jeova, novituwa oviwa, neonganeko, pala okunkhimaneka Jeova.
MONTHELE EI
OKAPITULU 10
Ohamba Isukukisa Ovalanduli Vayo opo Vakale Noupanga Omuwa na Huku
Omonkhalelo patyi onatale nekulusu vielifwa?
OKAPITULU 11
Ovituwa Viavo Vikangulwa—Vilekese Ousukuki wa Huku
Onondyuo mbovayungi no nombundi memonekelo lia Ezekiele liondyuo ya Huku, mbuna ehangununo liavilapo kovanthu va Huku tunde mo 1914.
OKAPITULU 12
Vaonganekwa pala Okuumbila “Huku Yombembwa”
Ombimbiliya kayeeleka onondyaya neonganeko, mahi yaeleka onondyaya nombembwa. Omokonda yatyi? Iya oñgeni mekumbululo muakutikinya Ovakristau hono?