3 RAKʼIY
Reinoj kamachiykunasnin: Diospa cheqan kayninta maskʼakun
KUNALLANRAJ reparanki familiaykita qantawan vecinoyki tukuy imata qhawashasusqaykichejta. Uj pʼunchaytaj sapa kuti jina vecinoykita napaykurinki. Uyarisuspataj wajyarisunki, tapurisunkitaj: “¿Imaraykutaj uj jina kankichejri?” Qantaj ninki: “¿Imaraykú chayta ninki?” Pay nisunki: “Qankunaqa Jehovaj testigosnin kankichej ¿i? Uj jina kasqaykichejta reparani. Mana waj religionesmanta runas jinachu kankichej: mana kay pachaj fiestasninta ruwankichejchu, mana politicapi, nitaj guerraspi chhapukunkichejchu. Mana pitankichejchu. Familiaykipis allin kajtapuni ruwaspa jinan. ¿Imaraykutaj ajina kankichejri?”, nispa.
Diospa Reinonpa kamachiykunasninman jina kausasqanchejrayku ajina kanchej. Reyninchej Jesús llimphuchashallawanchejpuni. Pay jina ruwananchejpajtaj yanapawanchej, chayrayku mana kay sajra pachamanta runas jinachu kanchej. Kay rakʼiypeqa yachakusun, Reyninchej Jesús imaynatachus Diospa llajtanta llulla religionmanta, kausayninkupi ima llimphuchashasqanta, wakichishasqantataj. Chaytaj Jehová Diosta jatunchan.
KAY TʼAQAPI
10 YACHAQANA
Reyqa Diospa llajtanta llulla religionmanta llimphuchan
¿Imapitaj Navidad ruway, cruzwan kikin kanku?
11 YACHAQANA
Kausayninkupi llimphuchasqas: Diospa santo kaynin rikukun
Ezequiel mosqoypi jina templota rikusqanpi qhawajkunaj cuartosnin, punkusninpis 1914 watamantapacha imawanchus ninakusqanqa may sumajpuni Diospa llajtanpaj.
12 YACHAQANA
Wakichisqas “sonqo tiyaykuchej” Diosta sirvinapaj
Bibliaqa mana ninchu pejtusqa, tukuy ima maychus kananpi kasqanmanta waj jina kasqanta, manaqa pejtusqa sonqo tiyaykuymanta waj jina kasqanta. ¿Imaraykú? ¿Imaynatá chay kay tiempopi yanapawanchej?