ඔබ ගමනක් යද්දී ඔබේ අසල්වැසියෙක්ව ඔබ දකිනවා. ඒ නිසා ඔබ ටිකකට නතර වෙලා එයත් එක්ක කතා කරනවා. ඒ කෙනා ඔබෙන් මෙහෙම අහනවා. “මං ඔයාගෙන් අහන්නමයි හිටියේ. ඕගොල්ලන් යෙහෝවා දෙවිගේ සාක්ෂිකරුවන් නේද? ඇයි ඕගොල්ලන් අනිත් අයට වඩා හුඟක් වෙනස්?” එතකොට ඔබ එයාගෙන් අහනවා “ඔයා ඒකෙන් අදහස් කරන්නේ මොකක්ද” කියලා. “මං කිව්වේ ඔයාලා අනිත් ආගම්වල ඉන්න අය පවත්වන කිසිම උත්සවයක් සමරන්නේ නැහැ, දේශපාලනයටවත් යුද්ධවලටවත් හවුල් වෙන්නේ නැහැ. සිගරට් බොන්නෙත් නැහැ. ඒ විතරක් නෙවෙයි ඔයාගේ පවුලේ හැමෝම ළඟ හුඟක් හොඳ ගතිගුණ තියෙනවා. මොකක්ද ඒකට හේතුව?”

ඒකට උත්තරේ අපි හැමෝම දන්නවා. අපි දෙවිගේ රාජ්‍යයේ යටත්වැසියන්. අපේ රජ අපිව දිගටම පවිත්‍ර කරනවා. ඔහුගේ ආදර්ශය අනුගමනය කරන්නත් මේ දුෂ්ට ලෝකයට සමාන නොවී ඉන්නත් ඔහු අපිට උදව් කරනවා. අපි මේ කොටසින් බලන්නේ අපේ නමස්කාරය පවිත්‍රව තියාගන්න, සදාචාරමය අතින් පවිත්‍රව ඉන්න සහ සංවිධානය ඇතුළේ සමහර වෙනස්කම් කරන්න දෙවිගේ රාජ්‍යය උදව් වෙලා තියෙන්නේ කොහොමද කියලයි. ඒ හැම දේකින්ම යෙහෝවා දෙවිව ගෞරවයට පත් වෙලා තියෙනවා.