SEHEMU YA 3
Viwango vya Ufalme—Kuutafuta Uadilifu wa Mungu
UNAMSALIMU jirani yako unapopita njiani. Hivi karibuni, umeona kwamba amekuwa akikuchunguza wewe na familia yako. Anakusalimu kisha anasema: “Naomba nikuulize swali? Ni nini kinachowafanya ninyi muwe tofauti?” “Unamaanisha nini?” unauliza. Anasema, “Ninyi ni Mashahidi wa Yehova, sivyo? Ninyi si kama watu wengine. Hamchangamani na dini nyingine—hamsherehekei sikukuu, na hamjihusishi katika siasa na vita. Hamvuti sigara. Na familia yako inaonekana kuwa inafuata viwango vya juu vya maadili. Ni nini kinachowafanya muwe tofauti sana na wengine?”
Unajua jibu: Tunaishi chini ya utawala wa Ufalme wa Mungu. Akiwa Mfalme, Yesu anaendelea kutusafisha. Anatusaidia tufuate hatua zake na hivyo tuwe tofauti kabisa na ulimwengu huu mwovu. Katika sehemu hii, tutaona jinsi ambavyo Mfalme wa Kimasihi amekuwa akiwasafisha watu wa Mungu kiroho, kiadili, na kitengenezo—yote hayo yakifanywa kwa utukufu wa Yehova.
KATIKA SEHEMU HII
SURA YA 11
Usafi wa Maadili—Unaonyesha Utakatifu wa Mungu
Vyumba vya walinzi na malango katika maono ya Ezekieli ya hekalu yamekuwa na maana ya pekee kwa watu wa Mungu tangu mwaka wa 1914.
SURA YA 12
Tengenezo Linalomtumikia “Mungu wa Amani”
Biblia haitofautishi vurugu na utaratibu bali na amani. Kwa nini? Na jibu linawahusuje Wakristo leo?
