PULAKTUTU
Xlimapakgsin Tamapakgsin: Tlawakan tuku Dios lakaskin
AKXILHA pi mintalakatsu akxilhman chu na kaʼakxilhma mifamilia. Akxni akxilha, wix waniya tlen chuna la lismaninita. Kgalhtiyan chu makawaniyan pi kalakgtalakatsuwi. Waniyan: «Wi tuku kkgalhskimputunan. ¿Tuku tlawa pi wixin tanu la nalikatsiyatit?» Wix waniya: «¿Tuku xlakata?». Xla waniyan: «Wixin xtatayananin Jehová, ¿ni xlikana? Wixin ni chuna la amakgapitsin. Ni tlawayatit la amakgapitsin takanajla: ni tlawayatit paskua xalak kachikin, ni makgtanuyatit kpolítica chu kʼguerra. Ni xkuliyatit. Chu mifamilia tasiya pi lu akgstitum lamakgo. ¿Tuku xlakata lhuwa tuku ni tlawayatit?».
Xlakata kkgalhakgaxmataw xTamapakgsin Dios. Jesús kiMapakgsinakan chu putum kilhtamaku kinkamaskulunkiman. Xla kinkamakgtayaman naklatamayaw chuna la xla chu ni naklikatsiyaw la uma xalixkajni kakilhtamaku. Kʼuma pulaktutu, naʼakxilhaw la xTamapakgsin Mesías maskulunkinit xtakanajla xkachikin Dios, kxlatamatkan chu la talakkaxwilinit, xlakata natamalanki Jehová.
KʼUMA SECCIÓN
CAPÍTULO 11
Kamaskulunkinika xlatamatkan: Limasiya pi Dios xasanto
Niku kuentajtlawanamaka chu niku laktanukan ktemplo nema akxilhli Ezequiel wi tuku lu xlakaskinka kilhchanima kxkachikin Dios lata kata 1914.
CAPÍTULO 12
Takaxtawilakgonit xlakata naskujnikgo “Dios xla takaksni”
Biblia ni tamalakxtumilh tuku ni talakkaxwilinit chu tuku talakkaxwilinit, wata tamalakxtumilh takaksni. ¿Tuku xlakata? ¿La kamakgtaya kstalaninanin Cristo la uku?